Mak oh yah meng ma brak matip meng oh 1:35 - Oksapmin

³⁵ Kimsidapat kutwi mong kopen na da hat patin Jisas oh Gin norhap teinong ham Got ohsi mengitpora daham susa Got ohsi ama mengitip oh.

Mak oh yah meng ma brak matip meng oh 1:35 ပူးပေါင်းရင်းမြစ်များ

Ruk oh yah meng ma brak matip ohe meng oh 6:12

Gahan tit dah tit Jisas oh Got ohsi mengitinmat yei mongnong susa Got ohsi mengir patru kwi has rima it mong ama dahatip oh.

Epesas 6:18

Mamen tahat patin Yahsup oh napapatin Got ohnong erer gonsi dahamtin ohe meng oh dahandeiyo hat patenmur. Ihat patepero daham kin watahat orhorwi patima Got orhe nita bap ire adahamtin oh kasip hat orhorwi adahamar patenmur.

Ruk oh yah meng ma brak matip ohe meng oh 5:16

Ihir ihat Jisas ohe pat teinong apriptin orhora; oh Norhe teinong hapat at ohsi mengira it apris kuuhan ihirsi mengitiprohwa daham hanip timbas irat timbas dusnong orhe sus itap ohsi ama mengrisuh oh.

Hibru 5:7

Ama kis matip han Jisas oh hanip ham kakdah moh patim nohnong niyarit haputiprarim at Got oh napanggeitin han hat patwa daham itap orhornong yimat tit orhor dahamar patesuhmur. Imat dahamar patin itap oh Norhe mon moh orhe danong na hat pat ma hapat. Norhe hrepdapat hat patim dahanahapat ma hapat. Ihan noh ohe meng amratpora daham panggeit paptesuhmur.

Jon oh yah meng ma brak matip ohe meng oh 6:15

Gigoshapti Jisas oh saprarim Gin dir ohnong marima dirnong napapten han matiprohemur dahatperhan oh ire danong awamara orhap yei mutuhnong sangop.

Matyu 14:23

Nadarhetporhan nuhur saperhan oh kapkep mar orhap yei boknong rusa Got ohsi mengiro hapatin ama kwi hatip oh.

Piripai 2:5

Gur Krais oh orhe danong na hama hanip dire danong ham ma namgitip danong orhorwi hat patenmur.

Jon oh yah meng ma brak matip ohe meng oh 4:34

Goshatperhan oh Nohe nohnong ma nadarhetip han orhe atamreindin oh atamreima timbas matporim ihpatmur. Ama ihat dahapat da oh norhe den ha de hatin ham kasip nahat napapat da ohmur.

Matyu 14:13

Jisas oh Jon ohnong sutiri ohe meng oh amrama Jisaso nuhur bot dah rus tongnoma hanip timbas mongnong tom kat tannong ahar deihpa. Desa koriyaoh kuuhan ihir am hama ihirri kakup kapkap apris patingopa.

Mak oh yah meng ma brak matip meng oh 1:36

Oh Got ohsi mengripatin Saimono orhorsi ma pati hano ihir tong dinggoshat kom pipari.