Mak oh yah meng ma brak matip meng oh 1:14 - Oksapmin

¹⁴ Gahan Jon ohnong karapus matperhan Jisas oh mong Garirinong apingopri. Aprisa Got ohe yah meng oh pot pisangopri.

Mak oh yah meng ma brak matip meng oh 1:14 ပူးပေါင်းရင်းမြစ်များ

Matyu 11:2

Saptin Jon oh karapus hat patin Jisas ohe tamreim apripat meng ama amratip oh. Amrama orhe papat han ihirnong ama potip oh.

Matyu 14:2

Amrapat orhe atamreipti han ihirnong Ama ihat sapat han oh nohe sutip han Jon rih tom patirisuh han orhorkin. Orhe it ma mashur ohe kasip ohsi ihat supsi han hama ihat apripatkin ama potip oh.

Matyu 4:12

Gahan Jon ohnong karapus matamuro ritperhan Jisas oh Gariri mongnong it apingopri.

Matyu 4:17

Ihama Jisas oh ama aptei patdapat aptei aptei meng pot pisanipatri. Meng pot ma pihip oh Got orhe mengtei napapindin oh gin kakduup hah ohoh ihan gur er danong kom asar mandama da tamburketinmuro pot pisanipatri.

Matyu 4:23

Gahan Jisas oh Gariri aptei aptei sus iraire rotu ap rosa Got ohe napapten ohe yah meng oh pot pisao tihan tihan sik hat pati kuuhan pondeio mat pisanipatri.

Matyu 9:35

Jisas ohe tamreima ma ihat sasuh oh aptei aptei gonsi susa rotu ap ros meng am maro ire Got orhe mengtei napapindin oh apripramur ma rishe meng oh Gin arpin mama apir ohmur pot pisao hanip tihan sik tihan sik ma er hat pati ihirnong yah maro ihat sanipat.

Ruk oh yah meng ma brak matip ohe meng oh 3:20

Potporhan Herot ohe er hat ma sasuh da oh gahan tit ma er hatip oh Jon ohnong ambura karapus ama matip oh.

Ruk oh yah meng ma brak matip ohe meng oh 8:1

Gahan Jisas oh ap mutuh ohe aptei apteio be aptei apteio oh kuuhan ihirnong Got ohe napapat yah meng oh pot pisaporo rim orhe pinggit pisapat han nathei han ihirsi meng pot pihipari.

Aposer 20:25

Gin noh tit ma dahapat oh Got orhe napapindin hrepnong naham napapat ohe meng oh ma naporpat gurnong oh kaput nohe rumkinnonghe gur na wanahatiprimur daham norhor am hat patmur.

Aposer 28:23

Poripti kimsi asut oh dir mengitiprimur pora dik asaringopari. Gahan ama dik oh atporhan han ruumsan ihir kutwi orhor ohe patnong apingopari. Apriperhan oh Got ohe napapindin tei ohe meng oh pomat potipri. Pora ihir Jisas oh aprin inahatin hatin hanwa ha dahatingwerim propet ire rim ma brak matpa mengo Moses ohe rim brak matip mengo oh sat potipri. Imat meng oh porpatin atan was kwi hangopri.

Rom ihirnong Por oh brak atip ohe meng oh 1:1

Noh Pormur. Noh Krais Jisas ohe atamreipat hanmur. Got oh nohnong Go norhe mengtei Krais ohe yah meng oh pot pisashenmur napor kis nahat napapat han noh Rom ap mutuh ma pati gurnong mama brak mat nasar ohmur.

Epesas 2:17

Imat natimbas deipat manap da gosapris indin ohe da meng oh napot napisasuhmur. Napot ma napisasuh oh Got ohe kakduup na patema Juda bap na hat pati bap gursi; Got ohe kakduup hat pati Juda bap nuhursi dirnong tap mat napot napisasuhmur.