Matyu 9:27 - Oksapmin

²⁷ Ihapti nuhur kot rosa pipa. Saptin kin kwisi han yot ihit Depit ohe puh go nuhutnong hinhina nahatina pot uat tit apingopa.

Matyu 9:27 ပူးပေါင်းရင်းမြစ်များ

Matyu 1:1

Mama brak moh Epraham ohe puh ire dimdim dap oh apripatin Depit ohe bok oh tarpatipmur. Depit ohe puh ire dimdim dap oh Jisas Krais ohe bok oh tarpatipmur. Ama han oh dire Hanipyahnapo rim mama brak dei ohmur.

Matyu 11:5

Mamarumur. Kin kwisi han ihir it watahayao buh tan wa han ihir it yah ham sayao ina tohohesi han ihir it yah hayao nat ki han ihir it nat tem tanpur hanip meng amrayao hapuripti han ihirnong pamsaporhan it da apris masayao borop hat pati kuuhan bap ihir Got ohe yah meng oh amrayao nohe ma imat pisapat ohe meng moh gut sus Jon ohnong potinmur.

Matyu 15:22

Saptin Kenan mong Juda na hat pati kuu tit aprisa Jisas ohnong Hanipyaha. Got oh kaput Depit ohe puh tit darhetipra rim orhe nadarhetip han go gin nohnong kamahara nahatina. Nohe kor uh mongsup oh amkat patmur pongop.

Matyu 17:15

Tongnoma Hanipyaha. Nohe mon ohnong ketsup oh da ban mara irat teinong deio tom dah eiprehet saro mat pisapatin oh batbet isip hat patmur. Ihan go ohnong kamahara mar pomtina.

Matyu 20:29

Gahan Jisaso nuhur Jeriko aptei mandam pipa. Saperhan kuuhan wanohe kat tit nure kom apingopa.

Matyu 21:15

Yah mat pisaporhan brer ihir wamara Depit ohe puh yah nahatin han moh wes apiro por amam deiptin Got ohe ap yawar hanat bok han ire duuptei hano sawa meng am hapti hano ihir Jisas ohe sik hat pati han ihirnong ma yah mat pisao brer ire amam deiyao ohnong wamara ihir heisup deingopa.

Matyu 21:9

En mat pisapti Jisas ohnong mutuhnong mara kuuhan nuhur bosnong haya komnong haya hama amam mat pihipa. Amam mar ma pihipa oh Depit ohe puh go wes nambur apiro. Got ohe mengtei ma apir oh Got orhor armi mar bapkei dasi matporhan apiro. Ihan aw tei ohe pati han enser ihir orhornong weso por ha amam matingweo. pora amam mar ut tit pipa.

Matyu 9:28

Pot uat tit apriperhan nuhur ap roperhan ihithe marangopa. Marperhan Jisas oh Gut nohnong Oh arpin yah nahatin hatin hanwa dahayada por dahandeingop. Por dahamtiporhan ihit Hanipyaha. Nuhut arpin ihat dahayamur pongopa.

Mak oh yah meng ma brak matip meng oh 11:10

Diradire aw Depit orhor kakhan ham orhe hrepnong naham paptesuhru gin dirnonghe amaru mat orhe hrepnong mat napaptenmat apir moh weso. Ihat apir han mohnong Got ohsi aw tei mahat pati da ihirhe armi mar ha paptengwermuro. pora ohnong armi mar amam mat pisangopari.

Mak oh yah meng ma brak matip meng oh 9:22

Por dahamtiporhan itap oh Es. Brer garsut orhor ihat patesuhru ginhe ihat orhorwi mama pat ohmur. Imat papatim brer ohnong sutinmat irat teinong deio tom dahnong deio mat pisapatmur. Imat pisapat ohoh ihan gin go napanggeitin ina hat pathanhe hinhina naham napanggeitina pongopri.

Ruk oh yah meng ma brak matip ohe meng oh 17:13

Jisas napapat han go nuhurnong kamahara naham yah nahatino por kasip mengtei pongopari.

Ruk oh yah meng ma brak matip ohe meng oh 20:41

Jisas oh Gur Got oh Krais namburin han ma kis mat pat han oh Depit ohe puh ihir tarpatipramur ma ripti oh kinhat it tarpam Depit ohe puh hatiproh.

Ruk oh yah meng ma brak matip ohe meng oh 7:21

Ama gipotpa sut oh Jisas oh tihan tihan sik hat pati kuuhan bapo mongsup oh ga at pat kuuhan bapo kin kwisi hat pati kuuhan bapo ama ihat pati han ihirnong yah mat pisapatin Jon ohe darher han yot ihit Jon ohe ma ri meng oh apris pongopari.

Jon oh yah meng ma brak matip ohe meng oh 7:42

Ma brak matpa meng oh Krais oh Depit ohe puh ihirmur. Oh Depit orhe puh ohoh ihan orhe itpa aptei Betrehem apteidapat apripramur rim ma brak matpa meng ohwa. Ihat brak matpa ohoh ihan mama han moh wan aptei han ihir ohoh ihan oh ama Krais oh basmur ringopa.

Rom ihirnong Por oh brak atip ohe meng oh 1:3

Ama imat brak mat sarishe oh Got orhe mon diradire nambutin han Hanipyah Jisas Krais orhe boknong mar brak deishemur. Ma brak deishe oh Oh kakdah mama hanip brer ham ma tarpatipra oh Depit ohe puh ire bok oh tarpatipramur.

Rom ihirnong Por oh brak atip ohe meng oh 9:5

Ama han bap ire ropir ihiroh nuranure duupteinap awher ihirmur. Ama awher duuptei han ire puh ire bokdapat Krais oh hanip brer tarpam apdapmur. Ama apdap Krais oh dire kakhan titwi ham erer gon moh orhe hrepnongwi naham napapat han Got orhormur. Orhornongwi dipdipwi armi mar papten han ohmur. Arpinwa.