Matyu 8:8 - Oksapmin

⁸ Potporhan oh Hanipyaha. Go yahnap han ohoh ihan bisei han nohe ap gwatei kat mohri go na ron hatinmur. Ihan go mateidapat orhor mengwi potporhan natamreipat han oh sa yah hatiproh.

Matyu 8:8 ပူးပေါင်းရင်းမြစ်များ

Matyu 3:11

Porpat Noh gure er da ha mandatingwe rim tomwi napatirpatmur. Kasipnap han oh kom apripramur. Ma apripra han oh kasip isipsi han oh apripramur. Nohe kasip oh ohe kasip hrepdapat hat patepramur. Oh kasip yahnapsi han ohoh ihan noh bisei han hatin hat pat ohoh ihan noh orhe tongapnong na apison inasi hat patmur. Ihtin kasipnap han tit aprisa gurnong Got ohe Yahsup ohsi; gure danong nahirmatin ohe irat has hatin ohsi nohe tom ma napatirpatru nahat gure mutuhnong namtipramur.

Matyu 3:14

Potporhan Jon oh Es. Gorhordapat nohnong napatirhan yahmuro. Nohdapat kinhato potipri.

Matyu 8:3

Potporhan oh bes marima Dawa. Noh gonong yah nahatiprohwa. Gin yah nahahmur porpatin orhor tohohet sapat moh timbas ham yah hangopri.

Matyu 8:7

Por kamtiporhan Noh sus yah matiprohwa pongopri.

Matyu 8:9

Noh duuptei han ire hrepdapat hat patem ire poriya meng oh amram ihpatmur. Norhordapathe kat dupsi han ihirnong norhe hrepnong mar papatmur. Paptema tit han ohnong Gin go sona potporhan oh arpin amram sapatmur. Tit han ohnong Gin go aprina potporhan oh arpin amram apripatmur. Norhe natamreipat han ohnonghe Go mihat tamreindinmur potporhan oh aprin norhe ma por mengru hat orhor tamreipatmur. Noh ihat pat han ohoh ihan mateidapat orhor mengwi potporhan oh sa yah hatiproh pongopri.

Ruk oh yah meng ma brak matip ohe meng oh 15:19

Iham nohri gwe brer hatin na hat pat ohoh ihan go nohe mona napotipra. Go ihan norhe be natamrein han hat patenmur napora gorhe hrepnong nahat napaptenmur noh sus gipotiprawa dahatipri.

Ruk oh yah meng ma brak matip ohe meng oh 15:21

Imat amam isip tit matporhan mon oh Ata. Nohe ihat pat moh Got gutnong er nahat napapatmur. Iham nohri gwe brer hatin na hat pat ohoh ihan go nohe mona napotipra potipri.

Ruk oh yah meng ma brak matip ohe meng oh 5:8

Ihat orhor pisusa manggap tom dinin teinong deipti Saimon Pitao orhorsi tap hat tamreipti han Sebedi ohe mon yot Jemissi; Jon ihito ama tap tamreipti han gonsi ihir aning ruumsan ma taminong oh wamara Epe. Moh kinhatin da namgi daham da tupnet ritpari. Da tupnet ripti Saimon Pita oh Jisas ohe tong duup oh katin takir tongnom mem hapat Han moh orhe da oh duutin dawi hat sapat han ma hapat. Noh ohe tan hat na pat ma hapat daham ohnong Hanipyaha. Noh duutin dasi ham yah hat na pat han ohoh ihan go nohnong namdam sonmur potipri. Potporhan Jisas oh Saimon ohnong Go ihtin daham kas hatipra. Gin gorhe mama patru ma patepranong oh aning ung tamitperhan daripti ohe tan mat orhor hanip ihirnong ambur norhe han nadein han oh gorhor hat patepramur pongopri.

Jon oh yah meng ma brak matip ohe meng oh 1:27

Ama han oh nohe kom apripatmur. Nohe kom apripat orhora; oh yahnapsi han ohoh ihan noh bisei han hatin hat pat ohoh ihan noh ohe tongap nang oh noh na arpitin inasi hat patmur ama potip oh.