Matyu 6:31 - Oksapmin

³¹ Ihan gur Epe. Noh kian han sa dam patepra noh kian han sa an patepra daham da trun darheripri.

Matyu 6:31 ပူးပေါင်းရင်းမြစ်များ

1 Pita 5:7

Got oh norhe danong ham yah nahat napapat han sa. Ihan norhe ti da it daham ruumsup hat pat da moh orhe bes teinong matpora daham orhe bes teinong mar mandanmur.

Ruk oh yah meng ma brak matip ohe meng oh 12:29

Guragure ita Got oh gure den din ohe ma hatip hat patio tom din ohe ma hatip hat patio erer oh orhor gonsi am hat pat ohoh ihan gur Nuhur deno tomo oh kinhat dam patepri daham da darher ruumsup hapri. Got ohnong hanhan hat pati bap ihir Nuhur deno tomo erer oh kinhat patepri daham ama erer datin ohe danongwi hat patimur. Ihan gurhe ire ihat ma dahat pati da hatin hapri.

Matyu 4:4

Potporhan oh Go giritipra. Got oh hanip nuhurnong meng napotporhan ma brak matpa mengnong moh dahatinmur. Ma brak matpa oh Hanip gur den ohe kasip ohsiwi yah hat eimat paten dasi haptida. Basra. Got ohe naporpat meng ohe kasip ohsi paten ina dasi haptimur. ritporhan brak matpamur. Ihat brak matpa ohoh ihan den dam eimat paten dasi na haptio rim noh gwe ma napor meng oh amram na imtiprohmur potipri.

Matyu 15:33

Napotporhan nuhur hanip timbas tei moh den oh de teidap dar kuuhan mihtin ihirnong pandiprohe potpa.

Matyu 6:25

Jisas oh kuuhan ihirnong Gur amratin. Gur Nure ma indipri oh nuhur den oh kinhat sa indeipri. Watah andin oh kinhat sa indipri daham da trun trun darher ruumsup hapri. Gin de ohe isip hat pat. Dire mama pati oh isip hat patda da den oh isip hat pat. Gin mama pati ina moh isip hat patda da ina teimdapat ma aripti watah oh isip hat pat. Basra. Ina tei ma pat erer oh isip hat na patmur. Hanip dire ma patinong oh isip hat patmur.

Matyu 6:27

Gur Epe. Nuhur kinkinhatwi sa patepri daham da darher ruumsup hayahanoh ama ihya ohe pe oh guragure da indinnong asoh gar tit dip matin hatinda. Basra. Gur indin danong gar tit na dip matin ina hat patimur. Gur na imtin hatin hat pati ohoh ihan gur Epe. Nuhur kinhat patepri sa daham da darheripri.

Ruk oh yah meng ma brak matip ohe meng oh 10:41

Potporhan Hanipyah oh We. Kora kora. Go tihan tihan danong oh ham da ruumsup hatipra.

Ruk oh yah meng ma brak matip ohe meng oh 12:11

Hanip ihir gurnong Maihir Jisas ohe nita han bapmur napor gurnong nambur dahanahatinmat rotu apnongdo gapman ohe atamreipti han ire duupnongdo napisayahanoh gur Epe. Dire boknong meng ma nahatiprohe oh dir kian meng sa potiprohe daham da darhetipri.

Ruk oh yah meng ma brak matip ohe meng oh 12:22

Kuuhan gonsi ihirnong ama meng oh porpat orhe pinggit pisapat han ihirnong Gur Nure ma indipri oh nuhur den oh kinhat sa indeipri. Watah andin oh kinhat sa indipri daham da trun trun darher ruumsup hapri.

Piripai 4:6

Gur Noh gin kinhat sa indiproh daham da trun darheripri. Guragure daham dahamtipera ma dahaya danong oh Got ohnong Weso porin ohe da ohsiwi hat patim dahamtin meng oh porinmur.