Matyu 6:2 - Oksapmin

² Gur borop hannong erer tit apinmat meng oh ayat bar tei hatin hat mengir aprisipri. Meng gop han ihir nuhurnong ha armi nahatingwe rim rotu apteio mandap kupo imat apripti ohoh ihan gur imat aprisipri. Imat ma apripti ihir ama armi deipti ohe yan oh pokwi dariptimur. Tit yan tit timbasmur.

Matyu 6:2 ပူးပေါင်းရင်းမြစ်များ

Matyu 15:7

Ma ihapti han gur pang yotsi hat patim ihat sapti han gurmur. Ihat ma pati han bap guroh Aisaia oh Ihir kaput ihtin han bap hatiprimur napor ma brak matip oh gin arpin gure boknong mama tarpapat ohmur.

Matyu 16:3

Kwihan aw burdeihanoh kimsi mong er hatipra ma hapat daham am haptimuro. Gur kernong wamar Kimsi ihtipra ma hapat dahapti orhor nohe ma ihpatnong gur wandeipti Oh ama han orhor indeipat ma hapat na dahaptida.

Matyu 22:18

Por dahamtiperhan Jisas oh Norhe boknong tasutin ohe meng ha ritinoh rim imat naporiya ma hapat daham am hapat ihirnong Wa. Pang yotsi hat pati han bap gur norhe boknong tasutin ohe meng oh ha ritinoh rim dahanahaptida.

Matyu 23:5

Parisi ire ma ihat sapti oh Hanip ihir be ha wanahatingwe daham ihat saptimur. Mamarumur. Ihir Got ohe meng brak mara ban mara kinbi tei moh suat hatinmat sariyao bes watah tan moh tumuh hatinmat ariyao ma ihapti oh Be han ihir wanaham Moh Got ohe mengsi pati han bap oh maihirhe ha naporingwe rim isipnap gon orhor mat sariptimur. Simbap hatinmat suma watah boknong ma dumapti oh Be han ihir wanahama Moh Got ohsi pat hanhe ha naporingwe rim dapsi orhor dumam saptimur. Ihir iraire danongwi ham ihat sapti han ihirmur.

Matyu 23:6

Ama ihapti han ihiroh den dam ma tarmuripti teinong susa moh yah hanhe daham tamsi kat yah tit ha napingwe rim iraire pohon tongnopti tei ohwi tongnoptimur. Rotu aphe rosa iraire pohon tongnopti yah ka ohwi tongnotpera daham tongnoptimur.

Matyu 24:51

Buporinsi mara ohnong Go er han tit nohe erer moh gwe hrepnong mat mandam noh pir ma hapat por rum hemat sara pang yotsi han ire tapnong matiprohmur. Ire tapnong ma dei tei oh batbet isip dara yimamo ga tikikir ga kup mat saro hat patepri ohe teinong oh matiprohmur napongop.

Matyu 5:18

Ihtin ohoh ihan arpin aw tan mong tan moh patin orhor Got orhe ritporhan ma brak matpa meng oh tit meng tit na timbas hatipramur. Meng oh gonsi patru patin orhor gonsi dam titwi hatipramur.

Matyu 6:16

Jisas oh Gur noh gin den na dam Got ohsi mengsarwi inpora dahaya han gur pang yotsi han ire tan hapri. Ihir Mama han moh den na dam Got ohsi meng sarpat hanhe ha dahatingwe rim ihir tahas ariyao rumsi hayao haptimur. Ama ihapti ihir iraire yan dar ihaptimur. Kaput ti na datiprimur. Noh arpin meng napormur. Gur den na dam Got ohsi mengsar inper ihyahanoh ire tan hat ihapri.

Matyu 6:3

Ihan imat aprisipri. Borop hannong erer tit apinmat ahar bes oper tan oh apirhanoh watah tan oh hanhan hat patin ahar aprishenmur.

Matyu 6:5

Jisas oh ameng oh porpat Gur Got ohsi mengitinmat pang yot hat patim mengripti han ire beten hapti ohe tan ihat beten hapri. Ihir ha am hatingwe rim rotu apo mandap tarmuriya teio tandeim ire kin tei beten haptimur. Ama ihapti ohe yan oh ama orhor dariptimur. Kaput komdapat ma datipri yan oh timbasmur. Noh arpin meng napormur.

Matyu 7:5

Pang yotsi hat pati han gur ihapri. Guragure kin irat barak isip hatin ma titapat pat andehri dat mandapti kin yah hat watahama arwananah ire gar huhun tambor andehhe dat amdatin ina hama dat amdatiprohemur.

Mak oh yah meng ma brak matip meng oh 12:39

Jisas oh kuuhan ihirnong meng am deingopri. Meng ma am matip oh Gur sawa meng napor am nahapti han ire ma ihapti oh Nuhursi inahatipri daham inin hat patenmur. Ihir iraire danong ham yahnap watah dapsi dap oh ara kuuhan ire kintei sayao tamohopti teinong saperhan kuuhan ihir Nure hanipyaha ha napotingwe daham sayao

Mak oh yah meng ma brak matip meng oh 7:6

Por dahamtiperhan oh Aisaia oh Ihat sapti han bap ihir pang yotsi hat patim ihat saptimur por ma brak matip oh ihat sapti han gure boknong naham brak matipmur. Ohe meng rima ma brak matip oh mamaru hat patmur. Ihir atem teidapatwi Nuhur Got ohe meng dindeipti han nuhurmur ripti orhora; damdapat oh wan danongwi hapti han bap ihirmur.

Ruk oh yah meng ma brak matip ohe meng oh 11:41

Ihan gur Nuhur bisei hat pat beso preto moh gahdeiyahan ongeng deiyamur dahapri. Guragure pret tei ma it pati erer oh hatip hat pati han ihirnong apris panggeitinmur. Iham ama ohe pe oh na bisei ham ongeng tahaptimur.

Ruk oh yah meng ma brak matip ohe meng oh 11:43

Parisi gur rotu ap ronmat oh hanip ihir Maihir yahnap han bap maras tongnoya ma hapat ha napotingwe rim ros yah teiwi tongnoptimur. Den tamohopti teinong saptihe ihir Nohan han yaha go patda napor yah mat orhorwi meng ha naporingwe daham sapti han bap gurmur. Parisi gure ma ihapti ohe pe oh ruumsup oh guragure boknong hatipra ohoh ihan gur hinhinsi hat pati bap gurmuro.

Ruk oh yah meng ma brak matip ohe meng oh 12:33

Ihat patim guragure erer oh wan han ihirsi mani ohsi mohoma ama mani ohsi hatip hat pati kuuhan ihirnong panggeinmur. Imat panggeipti aw tei mahathe guragure yah han erer oh ruprup mat kasip ung na turkatin ung oh mit sarinmur. Aw tei ohe yah han erer ohot ma saripti erer oh timbas haho gapah han ihir dariyao daskein ihir dam timbas deiyo na matin han sariptimur.

Ruk oh yah meng ma brak matip ohe meng oh 12:56

Gur tom wandon ohe kiso mong apiap hatin ohe kiso oh wamara gin ihtiproh ma hapat daham am hat pati orhor gin nohe mama ihat sapatnong oh gur kianorim wamar orhor na dahapti. Ihan gur Nuhur am hat patimur ma ripti oh gur dasuh hapti han bap gurmur pongopri.

Ruk oh yah meng ma brak matip ohe meng oh 13:15

Potporhan Hanipyah Jisas oh Wa. Da yot hat patim dasuh mengsi ripti han bap gurmuro. Gur tuperipti dik moh na tamreiptimur ripti orhor burmakauo donkio ire apnong sus ambop daphom ambopdapat marim tom pandinmat pisaptimur. Gur Nuhur tuperipti dik moh na tamreiptimur ripti gur ihat tamreipti ohoh ihan gur da yot hat pati han bap gurmur.

Ruk oh yah meng ma brak matip ohe meng oh 20:46

Gur sawa meng napor am nahapti han ire ma ihapti oh Nuhursi inahatipri daham inin hat patenmur. Ihir ire danong ham yahnap watah dapsi dap oh ara kuuhan ire kintei sayao tamohopti teinong saperhan kuuhan ihir Nure hanipyaha ha napotingwe daham sayao rotu aphe iraire pohon tongnopti yah ka ohwi tongnotpera dahayao den tarmur dapti teinong oh tamsi kat yahwi ha namdengwe daham sayao ihat iraire danongwi ham sapti han bap ihirmur. Ihan ire ma ihapti ohe da oh nuhurri ihtin han hatiprio daham inin hat patenmur.

Ruk oh yah meng ma brak matip ohe meng oh 6:24

Erer ruumsansi ham kamah hat pati bap guroh guragure erernong dar amam hapti ohe da oh ama pok daripti ohmur. Kaput komdapathe gur tit na datipri bap ohoh ihan gur hinhinsi hat pati bap gurmur.

Jon oh yah meng ma brak matip ohe meng oh 13:29

Na dahama kat han nuhur Judas oh nuranure den mohotin ohe mani oh oh papat hano rim oh tarmur ma dipri ohe den oh mohom sona pordo da borop han ihirnong panggeim son meng poro dahatpa.

Jon oh yah meng ma brak matip ohe meng oh 5:41

Noh Hanip ihirdapat nohnong winsi han nahat ha napaptengwemur na dahapat orhor Got ohdapat Hanip ihirdapat ohnong winsi han mar ha paptengwe dahapatmur.

Jon oh yah meng ma brak matip ohe meng oh 5:44

Gur Hanip ihirdapat nohnong Oh yah hanmur napor ha armi nahatingwe dahaptimur. Gur Got ohdapatwi nohnong Oh yah hanmur napor ha armi nahatinoh na dahaptimur. Gur ihat ma na dahapti oh gur kinhat Got oh inahatin hatin hanwa dahatiprohe.

Jon oh yah meng ma brak matip ohe meng oh 7:18

Tit han tit orhe damdapat orhor Nohnong winsi han ha nahatingwe. Ihan noh sus meng potpor daham apirhanoh apris dasuh meng napotiprohmur. Tit han ohdapat tit han ohnong Gin go sus nohe da meng moh ihirnong potinmur por darherhanoh ama han oh sus ma darhetir han orhe winnong oh ha adaptuhutingwe rim dasuh meng na pora ma darhetir han orhe arpin meng orhorwi apotiprohmur.

Aposer 10:2

Ohsi orhe ap pati han ihirsi tap hat Got ohnong kas hapti ohe meng amramo ohsi mengiro ham ama pateshe oh. Ihat patim oh Juda ihirnong erer oh panggeim paptemo dipwi Got ohsi mengiro ama patesuh oh.

Aposer 10:31

Patdapat nohnong Kornirias gwe Got ohsi mengiro ihirnong erer oh panggeio ma hapat oh Got oh am hat patmur.

Aposer 10:4

Potporhan oh kas hapat ohnong kin dung por wamara Hanipyaha. Go kian meng napotporim ihpat ama potip oh. Potporhan oh Gwe Got ohsi mengiro erer oh ihirnong panggeimo ma deipat oh Got oh wamara gwe ma ihpat oh yaho naporpatmur.

Aposer 11:29

Pahoh isip sup oh ihat apripramur ritporhan Jisas ohe meng amrapti han ihir Kimsi pahoh isip ma tarpatipra dik oh Judia mong ma pati Got ohe nita bap taptem ihir erer oh hatip hatiprikin. Ihan dir ihirnong pangeitinmat mani oh diradire marin pati kis orhorwi mat atiprohemur gosham

Aposer 24:17

Ihat ma sapat han noh Jerusarem ap mutuh mandama wan mongnong sus patim krismas kat tit birhitirmur. Kat tit birhitporhan Gin noh it Jerusarem ap mutuhnong susa norhe yah han ihir hatip hat pati han ire ma atiri mani oh apriso Got ohe danong ham erer oh apriso hatporo rim noh it ap mutuhnong apdormur.

Aposer 9:36

Pita oh Rida aptei patin Jisas ohe meng amrapat kuu tit Jopa aptei ama patesuh oh. Uhe win oh Tabita uhmur. Tabita ma porishe oh Grik ire mengtei Dokas uhmur porishemur. Uh ihir erer oh timbas hatperhan ihirnong pandemo ihirnong panggeim yah maro paptesuh kuu uhmur.

Rom ihirnong Por oh brak atip ohe meng oh 12:8

Ire danong akasip mat papten da napin pathanhe ama da ohsi ire danong akasip mat paptenmur. Ire erer ma hatip hat patinong asohhe panggeim yah matin da napris napapathanhe ama da ohsi ihirnong asoh isip yah mat orhor apris panggeinmur. Ihirnong wamat papten da napris napapathanhe ama da ohsi pan da tei orhorwi wamat paptenmur. Ihirnong hinhina mar panggeit papten da napris napapathanhe ama da ohsi amam da tei orhor patim panggeit paptenmur.

1 Korin 13:3

Dir dire erer oh borop han ihirnong apriyao Diradire ina moh namrin napisus irat teinong nahayahanhe yahwa daham diradire ina moh ihirnong apriyao hatiprohe orhor hanip ihirnong da na apris na bopor mat patim ihat saptihanoh ama ihat sapti da oh hanip dirnong na napanggeitin da ohsi ihat saptimur. Ihan hanip ihirnong da apris bopor deipti da kamen tahat na patin ohri ihathe sasipri.

Garesia 2:10

Tit dawi ham Gur wan han ihirnong meng pot ma pisasipri oh ama ire danongwi hapri. Diradire taptem borop hat pati ihirsi tap mat dahat sashenmur napotpamur. Ma napotpa oh nohhe ama da orhor daham kasip hat patmur.

Epesas 4:28

Gapah hapti han gurhe gapah hapti danong oh hariri por mandanmur. Mandapti guragure bes tei yah hat tamreindinnong asoh yah hat tamreima den yah mat damo hatip hat pati ihirnong pandemo hat patenmur.

1 Tesaronaika 2:6

Nure gurnong imat ma napotiri oh gurdapatdo wan han ihirdapatdo nure winnong armi naham win ha nadaptuhutingwe rim imat na napotirimur.

1 Timoti 6:18

Gur dahat orhorwi patima ihirnong yah mat orhor panggeiyao ihirnong pan mat isip mat orhor apriyao mat pisashenmur pora ama ihat kamah hat pati ihirnong kasip mengtei pot pisashenmur.

Pirimon 1:7

Norhe taptema. Gorhe ma Got ohe nita ihirnong bopor mar panggeim da ayah deipat oh noh amam isip hama gin nohe dahe pangsi hat patmur.

Hibru 13:16

Imat armi mat paptim arwananah ihirnong asoh panggeipti dao erer hatip hatperhan panggeim apripti dao oh hanhan mar mandapri. Dahat patim orhor panggeinmur. Ama imat armi mar panggeipti da oh Got oh Nohnong armi naham apop natemar napripti ohe tan mat nohnong napriya ma hapat daham oh da yah ham amam hapatmur.

1 Pita 4:11

Nitat ma napin pat da oh mamarumur. Got orhe meng mama pot pison da napin pathanhe Noh Got ohe meng pot pison da napin pat ma hapat daham pomat orhor pot pisashenmur. Ihirnong panggeit pison da napin pathanhe Nohnong Got oh ihirnong panggeitin dasi nahat napapat ma hapat daham orhe kasip nahat napapat kasip orhorsi panggeit pisashenmur. Imat pisaptin ihir wanahama Maihir Krais orhe kasip dap teidapat ihat yah hat tamrein sapti ma hapat daham ihirhe Got orhornong armi matin dasi ham ha armi deingwemur. Ma armi matiprohe han orhor pokwi has yahnap dasi ham dipwi armi mar papten han orhorwimur. Arpinwa.