Matyu 6:10 - Oksapmin

¹⁰ Gorhe hrepnong naham napapindin ohe da oh mong mong gonsi ha aprinohmur. Gorhe aw tei moh ihat ha paten oh dahatporhan ma tarpapatru hat orhor kakdah mohe ihat tarpat sus orhor ha patenohmur.

Matyu 6:10 ပူးပေါင်းရင်းမြစ်များ

Matyu 12:50

Namgima Nohe at aw tei ma pat han ohe dahapat danong ma dindeipti guroh nohe nap nanip kuunango wanango emhero gurmur pongop.

Matyu 16:28

Noh arpin meng napormur. Mama pati han gur kat gur na haput patin orhor Hanip Brer noh gurnong norhe hrepnong naham napapten han hat apripatin gur wanahatiprimur napongop.

Matyu 26:42

Pora it susa itap ohnong Ata. Hanip ihirnong ambutin mandap oh wan mandap timbas ham norhe boknongwi hat pathanoh at gorhe dahapat dawi nahatinmur gipor sa dahamtipri.

Matyu 3:2

Patin Got ohe yah hat napapindin oh kakduup hahmuro. Ihan gur da tamburketinmuro pot uarisuhri.

Matyu 4:17

Ihama Jisas oh ama aptei patdapat aptei aptei meng pot pisanipatri. Meng pot ma pihip oh Got orhe mengtei napapindin oh gin kakduup hah ohoh ihan gur er danong kom asar mandama da tamburketinmuro pot pisanipatri.

Matyu 7:21

Gur nohnong Arpin hanipyah go ma naporipti han gur gonsi Got ohe napapindin teinong hatipriwa dahapri. Basra. At aw tei ma pat han orhe danongwi daham ma dindeipti han gurwi saprimur.

Mak oh yah meng ma brak matip meng oh 11:10

Diradire aw Depit orhor kakhan ham orhe hrepnong naham paptesuhru gin dirnonghe amaru mat orhe hrepnong mat napaptenmat apir moh weso. Ihat apir han mohnong Got ohsi aw tei mahat pati da ihirhe armi mar ha paptengwermuro. pora ohnong armi mar amam mat pisangopari.

Mak oh yah meng ma brak matip meng oh 3:35

Got ohe dahapat danong ma dindeipti guroh nohe nap nanip kuunango wanango emhero gurmur pongopri.

Ruk oh yah meng ma brak matip ohe meng oh 19:11

Ihir Jisas ohe meng oh amrama Dir Jerusarem ap mutuh kakduup haya tei mah ihan Got ohe kakhan ham napapindipra tei oh kimsi orhor pitap matipra ma hapat dahatperhan Jisas oh Ihir ihat dahaya moho daham ha dahatingwe rim paham meng tit pongopri. Ma potip oh

Ruk oh yah meng ma brak matip ohe meng oh 19:38

Got ohnong armi mar ohe win ma adaptuhutpa oh Hanipyah Got orhe mengtei apripat kakhan moh Got orhe yah mar bapkei mat papat han apripatmuro. Gin Got oh dirsi yah han ham manap dasi nahat napapatmuro. Ihan hanip dirhe putei mahat ma pat Got ohnong armi mar ohe winnong isip mar paptepero. por amam mat pihipari.

Ruk oh yah meng ma brak matip ohe meng oh 22:42

Ata. Kuuhan maihirnong ire er gap oh ahirmara ambutin mandap oh wan katdapathe ambutin kat tit pathanohri nohri ina ruumsup dar na haputiprohmur dahapatmur. Ihan ire er gap ohe ina ruumsup nohe boknong namkat pat moh ha timbas hatinoh rim dat namdatinmur dahapatmur. Ihat dahapat orhor ire er gap oh ahirmar ambutin kat oh norhe boknongwi hat pathanoh nohe ma dahapat danong oh nahatipra. Gorhe ma dahapat danong ohwi nahatinmur por sa dahamtipri.

Jon oh yah meng ma brak matip ohe meng oh 4:34

Goshatperhan oh Nohe nohnong ma nadarhetip han orhe atamreindin oh atamreima timbas matporim ihpatmur. Ama ihat dahapat da oh norhe den ha de hatin ham kasip nahat napapat da ohmur.

Jon oh yah meng ma brak matip ohe meng oh 6:40

At orhe daham ma nadarhetip da oh nohnong Norhe brer go waporhan ihir gonong wanaham am hapti Ohwi inahatin hatin hanwa daham eimat paten dasi ha hatingwemur. Hatperhan go kaput mong pepe dik oh gonsi ihirnong pamsonmur napor nadarhetipmur pongop.

Jon oh yah meng ma brak matip ohe meng oh 7:17

Ma nadarhetip han orhe da meng oh gurnong naporpat orhor gur ama meng oh naporpat ma hapat na dahaptimur. Gur Noh Got ohe dahapat dahnong oh am ham noh ihtiprohmur ma dahaya han gurwi nohe mengnong Oh orhe da meng bas ma hapat. Arpin Got ohe da meng oh ohnong potporhan napor ma hapat daham am haptimur.

Aposer 13:22

Birhitperhan Got oh Sor oh nohe mengtei yah hat na ihpat moh noh ohnong mandatpor. Mandama tit han Jesi ohe mon Depit ohnong moh norhe boporsi hanmur. Oh norhe ma dahapat danong orhorsiwi ihat sasipra hanmur pora Sor ohnong mandama Depit ohnong ire kakhan matipmur. Dire awher ihir among tei orhorwi ihat patin 450 krismas birhitpamur.

Aposer 21:14

Napotporhan ihan nuhur Por ohe son da oh na yawar matin hatin ma hapat dahapti Ihan Hanipyah orhe dahat pat da oh ha tarpatinoh daham kimiritpa. Kimirim atei inpa.

Aposer 22:14

Watahatporhan oh nohnong Dire awher ire Got orhor gonong kis nahatipmur. Gonong ma kis nahatip oh go orhe dahapat danong am haho ama duung dasi ham ongeng tahat ma pat han orhornong wamar am haho orhe atem teidapat ma naporpat meng oh amram am haho ha henoh rim gonong kis nahatipmur.

Rom ihirnong Por oh brak atip ohe meng oh 12:2

Da ina imat ma apripti han bap guroh kakdah mama dahat sapti da hatin hathe sasipri. Kakdah mama da hat sapti da moh Got oh dat namdama orhe dahapat kopenohe da ohsi ha nahatinoh. Nahatporhan noh kopenohe da hat son dasi nahah mohsi hat sasipora daham ama kopenohe da ohsi saya apriya hatwi sashenmur. Ihat susa Got orhe Moh yah damur dahapat ohe danong am hayao orhe amam mat papat danong am hayao orhe ihat ha sashengwe dahapat danong yah hat orhor am hayao hat sa sasipri.

Epesas 6:6

Ihat saptin ire kinteiwi Moh yah hat natamreipat hanhe ha napotingwe daham ire kinteiwi kasip hat tamreipri. Ei. Noh Krais orhe atamreipat han hat pat sa. Ihan noh Got orhe pan hat orhorwi ha atamrein sashengwe ma dahapat da morhorsiwi hat patim atamrein sasipora daham ire atamreindin oh kasip hat orhorwi atamrein sashenmur.

Korosi 1:13

Ama imat nadahandeipti Got oh dir kwitem er da ohe hrepnong hat patin orhor orhe bopor mat pat brer orhor ama kwitem yan datin ina ma hat pati oh orhor dar natimbas matipmur. Imat natimbas matip ohe dap tei oh Got oh nambura orhe bopor mat pat brer orhor kakhan ham orhe napapindin has hrepnong naham imat napapatmur.

Korosi 1:9

Korosi ihir ihat patimur ritporhan nuhut amrama ma nadahamtipa oh dipwi nadahamtiparu nadahamar orhorwi paptimur. Nadahamar papti meng oh mamaru mat por nadahandeiptimur. At Gota. At Got go gorhe Yahsup ohsi am hat paten ohe dao dakuu hat paten ohe dao oh ihirnonghe aprishenmur. Apriporhan ihir ama da ohsi hat patin Got gwe Ihat ha songwe ma dahapat da oh isip mat orhorwi am mat apisashenmur por nuhut dipwi nadahamarwi patimur.

1 Tesaronaika 4:3

Got oh ihir ihat ha songwe ma dahapat da oh mamaru hat patmur. Hanipyah orhe kasip ohsi da ongeng mat yah mat orhorwi papti dao imat paptim it bisei saw goshat ma sapti danong kom asar mandama yah hat ma sapti ohe dao

1 Tesaronaika 5:18

Kinhatin da tit gure basnong apirhanhe gur Got ohnong Wes napanggeitin han go pato por dipwi weso por paptenmur. Got oh Jisas Krais orhe tapnong hat pati han bap ihir ihat ha patengwe dahapat ohoh ihan gur wes inahat napapat hano por weso por paptenmur.

Hibru 1:14

Enser ihir gonsi oh Got ohe atamreipti da bap ihirmur. Ihtin bap hat patim Got oh Gur norhe ambutipra kuuhan bap ihirnong panggeim paptenmur por darhetporhan ihir arpin napanggeim napapti bap ihirmur.

Hibru 10:36

Gur kasip hat orhorwi marin ayao Got orhe dahapat danongwi dimar ayao ihat orhorwi ayahanoh orhe rit natip erer oh datiprimur. Ihan kasip hat orhorwi marin patenmur.

Hibru 10:7

Ihan norhor mama pat ohmur. Mama pat oh norhe boknong mar ma brak matpa meng oh Oh Got orhe danongwi dimtipra hanmur napor ma brak matpa mengru hat arpin gorhe danong dinahatinmat mama pat ohmur. Krais oh itap ohnong gipotporhan brak matpamur.

Hibru 13:21

Ama imat pamsuhup han Got go gorhe ma ti da ti da dahapat danong dinahatin ohe tihan tihan kasip da oh apris paptenmur. Imat apris papatim gorhe Noh ire mutuh oh ihat patin yaho ma dahapat da oh Krais ohe heim dap tei oh nure mutuhnong namtinmur. Krais gonong nuhur dipwi armi naham napapten hano rim mameng moh napormur. Arpinwa.

1 Pita 2:15

Amram dimara ihat yah hat sapti ohe da ohsi kat han ire na daham dasuh meng ripti atemnong oh apat apaptenmur. Got oh ire dasuh atemnong yah da ohsi apat apaptenmur dahat pat ohoh ihan apat orhorwi apaptenmur.

1 Pita 4:2

Eimat mandam ma ihapti oh kakdah moh da patim ma indipri oh it damdapat da tarpam ihtipora ihtipora ma dahapti er da oh eimat mandama Got ohe Ihat ha patengwe ma dahapat da hrepdapat hat patim dimar ihaptimur.

Erer tarpatipra 11:15

Gahan bes enser oh pong poripti han oh pong potporhan noh amraoh aw tei mahatdapat kasip mengtei Gin kakdah han ihirnong ohe hrepnong mar papindin inasi hat ma pati oh diradire hanipyah Got ohsi; orhor Go ihirnong amburin hanmur por ma kis matip han Krais ohsi ihit pokwimuro. Ama yot ihit pokwi ihirnong paptiru dipdipwi papteprimuro gigosham hangopa.

Erer tarpatipra 12:10

Tapan andutperhan noh amraoh aw tei mahat kasip meng tit Kwitem timbas mong da timbas dipwi Got ohnong hanip dire boknong dasuh meng nahama Got ohnong porpat han moh sei tapan kakdahnong deiyao rima Gin diradire Got ohe kasip oh Satan ohe kasipnong ambapte mara dirnong orhe hrepnong naham nambutmuro. Ma inahat oh orhe napapten ohe kasip oh namgitmuro. Gin orhe ihirnong amburin han darhetipramur ma dahatip han Krais oh kasipsi hat patmuro.

Erer tarpatipra 19:6

Gahan Jon noh amraoh kuuhan ruumsan tarmura ha meng sariya hatin hat mengrim hangopa. Ma mengriya oh tom war isip kuro minggihim isip gurir deio hatin ham hangopa. Dire napapat han oh Hanipyah kasipnap han orhorwi erer gon oh gonsinap orhe hrepnongwi mat papat hanmuro. Ihtin han ohoh ihan orhornongwi armi mara amam mat paptenmuro.

Erer tarpatipra 20:4

Kanmat mandatporhan gahan noh wandeioh Jisas ohnong na mandatin ina ham orhe mengo Got ohe mengo oh ihir kasip ham marin patio rima ihirnong mahaw mar sutperhan ma haputpa da bap ihiroh masasa patingopa. Ama bap ire ma pateshe oh kurwah ohe danong na hamo orhornong arhur irat bok kis matpa ohe danong na hamo orhe win kis oh ire kinbi teio bes teio na brak matpao ama ihat pateshe han bap ire da oh masas patingopa. Ihir ihat patin Krais oh Gin Satan ohnong tanggap tem apat mandamur. Gurhe nohsi tap ham ihirnong papindin ohe kakhan hat patin krismas 1,000 birhim timbas hatipramur pora kuuhan ihirnong dahamar satin inasi matporhan ihir kakhan ire tongnopti tei oh tongnoma ire hrepnong mar paptingopa.