Matyu 5:14 - Oksapmin

¹⁴ Gur gure mutuh oh tanggam has hatin hat patimur. Ihan gure yei ka ohe ap mutuh oh has hahrit ma wandeiptiru gurhe ihat patenmur.

Matyu 5:14 ပူးပေါင်းရင်းမြစ်များ

Jon oh yah meng ma brak matip ohe meng oh 12:36

Gure has nahat indin han oh patin orhor ohnong Ohwi inahatin hatin hanwa dahatinmur. Dahatperhan ama ihat dahaya gur orhe han hatiprohemur napongop. Napotporhan ihirnong atei mandama Jisaso nuhur susa ihir wanahatipri rim tremdipa.

Jon oh yah meng ma brak matip ohe meng oh 5:35

Jon oh tanggam has hatin hat patin nohe boknong meng naporisuhmur. Naporpatin gur Dir kakun ohe has teinong hatper daham kakun ohe has tei amam hat sashemur.

Jon oh yah meng ma brak matip ohe meng oh 8:12

Gahan Jisas oh Noh kakdah han gonsi gure has han oh nohmur. Norhe danong ma haya han gur kwitem dus na saptimur. Eimat paten dasi nahapat ohe has teiwi saptimur napongop.

2 Korin 6:14

We. Krais orhe danong hat sapti gurri Krais ohe danong na hat pati kuu han ihirsi tit inawi gosham sahsah hathe patepri. Got ohe duutin da ohsi; er hat sapti da ohsi tap matin hatinda. Na tap matin hatin ohoh ihan sahsah mathe paptepri. Mong dasi; kwitemsihe tap mat sahsah mat pison hatinda. Na imtin hatin ohoh ihan gur sahsah mathe paptepri.

Piripai 2:15

Gur er mandap ham tan wasa ham ma pati han bap ire mutuh oh pati ohoh ihan ihir wanahama Moh Got ohe nita bap orhe ongeng mat papat dasi hat pati bap ihir ma hapat ha naporingwe rim tit dawi hat patim yah hat orhorwi ire kintei sashenmur. Susa yah hat paten da meng oh ire mutuh oh pinggit pisashenmur. Pinggit ma pisapri oh kwitemnong ma has mat pat han has hatin mat ire mutuhnong imat ahas mat pisashenmur.

1 Tesaronaika 5:5

Dire da oh kwitem hat na patema mong da has teinong hat pati bap dir ohoh ihan ihat ma apripra dik oh dire boknong buporinsi na nahatipramur.

Erer tarpatipra 1:20

Gwe nohe bes oper tan beshei merum marin patin ma wandeio tanggam has mara ohe bas saripti gwar gor kweisi hatpa beshei gwar ma wandeio ama wandei ohe mengnong oh treman pat meng ohmur. Ma treman pat meng oh mamarumur. Beshei merum oh Got ohe nita bap beshei sios ihirnong wamat pati han enser bap ihirmur. Beshei gwar oh ama Got ohe nita bap beshei sios ihirnongmur napongop.

Erer tarpatipra 2:5

Ihan gur guragure isip bopornap mar ma papteshe danong oh it dahatinri. Dahama Epe. Dir arpin er hatiri sa. Ihan dir gin mama ihapti da oh mandatpera. Mandama rih orhe da orhornong it dimtipera daham dimtinri. Na ihyahan oh gure tanggam has mar saripti gwar oh orhe pat tei oh na pat hatiprari. Orhor apris datiprari.