Matyu 4:23 - Oksapmin

²³ Gahan Jisas oh Gariri aptei aptei sus iraire rotu ap rosa Got ohe napapten ohe yah meng oh pot pisao tihan tihan sik hat pati kuuhan pondeio mat pisanipatri.

Matyu 4:23 ပူးပေါင်းရင်းမြစ်များ

Matyu 11:5

Mamarumur. Kin kwisi han ihir it watahayao buh tan wa han ihir it yah ham sayao ina tohohesi han ihir it yah hayao nat ki han ihir it nat tem tanpur hanip meng amrayao hapuripti han ihirnong pamsaporhan it da apris masayao borop hat pati kuuhan bap ihir Got ohe yah meng oh amrayao nohe ma imat pisapat ohe meng moh gut sus Jon ohnong potinmur.

Matyu 12:9

Pora nuhur susa ire rotu ap oh ruhpa.

Matyu 13:19

Ti ihir Got ohe napapindin tei ma napaptepra ohe meng oh amrapti orhor na dahatperhan er da nahapat han oh aprisa meng oh kapkap gasnang por dat amdapatmur. Ama ihapti han ihiroh irat gwe mandap tei wanda hatin hat pati han bap ihirmur.

Matyu 13:54

Susa Jisas orhe aptei kotpa. Koripti rotu ap rosa oh meng am deingop. Am matporhan ihir amrama Epe. Dakuu mengwi rima na wandeipti han deipat han moh demdapat popriya rim ihirhe bupang ringopa.

Matyu 14:14

Patihan Jisas oh ama kuuhan ruumsan ihirnong wamara kamahara mara sik hat pati ihirnong yah mat pisongop.

Matyu 24:14

Got ohe napapindin hrepnong hatin ohe meng ohri mong mong moh gonsi ha amratingwe rim pot pisaperhan komdapat mong pepe dik oh apripramur napongop.

Matyu 3:2

Patin Got ohe yah hat napapindin oh kakduup hahmuro. Ihan gur da tamburketinmuro pot uarisuhri.

Matyu 9:35

Jisas ohe tamreima ma ihat sasuh oh aptei aptei gonsi susa rotu ap ros meng am maro ire Got orhe mengtei napapindin oh apripramur ma rishe meng oh Gin arpin mama apir ohmur pot pisao hanip tihan sik tihan sik ma er hat pati ihirnong yah maro ihat sanipat.

Mak oh yah meng ma brak matip meng oh 1:14

Gahan Jon ohnong karapus matperhan Jisas oh mong Garirinong apingopri. Aprisa Got ohe yah meng oh pot pisangopri.

Mak oh yah meng ma brak matip meng oh 1:21

Jisaso ihir pipari. Susa Kapeneam ap mutuhnong waihpari. Wasa patim gahan iraire tuperipti dik oh rotu apnong rosa Jisas oh kuuhan ihirnong meng am deingopri.

Mak oh yah meng ma brak matip meng oh 1:39

Susa Jisas oh Gariri mong aptei aptei ire rotu ap oh rosa meng poro mongsup ga apero hat pipari.

Mak oh yah meng ma brak matip meng oh 6:2

Sus orhe aptei patin gahan tuperipti dik oh rotu ap oh ros meng am deingopri. Meng am deipatin kuuhan trun ihir amrama Han moh demdapat dakuu da darpato. Dakuu moh kinhat dakuu hapato. Na imtin hatin han ohe bes tei indeipat moh kinmat sa indeipato.

Mak oh yah meng ma brak matip meng oh 6:6

Pondeipat Ihir nohnong Ohwi imtin hatin hanwa na dahapti moh kinham sa ihat na dahaptio daham da trun trun darhengopri. Da trun trun darhera aptei aptei oh sus meng am mat pisangopri.

Ruk oh yah meng ma brak matip ohe meng oh 13:10

Gahan Juda iraire tuperipti dik sabat dik tit hatporhan iraire rotu ap tit oh ros meng am deingopri.

Ruk oh yah meng ma brak matip ohe meng oh 16:16

Moses ohe sawa meng rim brak matip mengo propet ire sawa meng rim brak matpa mengo ama sawa meng ire hrepdapat hat pateshemur. Ihat patin Jon oh apdapmur. Aprisa Got orhe hrepnong naham napapindin ohe yah meng oh naporisuhmur. Orhe imat ma napot indir meng orhor gin imat orhor naporpatmur. Ama imat naporpat ohe pe oh Got orhe napapindin hrepnong hatinmat kuuhan ihir gonsi bap gosham gargoshaptimur.

Ruk oh yah meng ma brak matip ohe meng oh 20:1

Jisas oh Got orhe ap yawar ros meng por am mar ma indip oh tit dah tit ap yawar ros kuuhan ihirnong Got orhe yah meng oh por am deingopri. Por am deipatin ap yawar ohe hanat bok han ire duuptei hano sawa meng am hat pati hano rotu ap ohe han pohono ihir apris ohe duupnong hangopari.

Ruk oh yah meng ma brak matip ohe meng oh 4:14

Satan oh Jisas ohnong mandam saporhan gahan Got orhe Yahsup oh Jisas ohe mutuhnong ruumsan mar teip matporhan ama ohe kasip ohsi it Gariri mongnong ama pip oh. Sus patin orhe ma ihat pat ohe meng oh kuuhan ihir rit saperhan aptei aptei ihir gon ama amratpa oh.

Ruk oh yah meng ma brak matip ohe meng oh 5:17

Gahan tit dah tit Parisi bapo sawa meng am deipti han bapo ihir Gariri mong ohe aptei apteio Judia mong ohe aptei apteio Jerusarem ap mutuho ama aptei aptei amdapat apris kuuhan ihirsi tap ham tongnom amrat patin Jisas oh meng am deingopri. Hanipyah orhe sik hat pati han ihirnong yah matin ohe kasip ohsi hat patim meng am deingopri.

Ruk oh yah meng ma brak matip ohe meng oh 6:17

Jisas oh orhe nathei han ihirnong kis mat mandapat yei ohotdapat irair tap hat waihpari. Wasa mong but yah tan tei oh koripti Jisas oh kuuhan ihirnong meng potporim ama mong but yah tan tei oh tandeitporhan orhorsi ma sapti kuuhan ruumsan kat ihir apris ohe duupnong hangopari. Hatperhan Judia mong Jerusarem ap mutuh ma pati kuuhano be aptei aptei ma pati kuuhano tom hru duup ma pati Taiasi Saidon aptei ma pati kuuhano ama aptei aptei gonsi pati kuuhan ihirhe aprisa Jisas ohe meng amramo nure tihan tihan sik ma hat pati oh Jisas oh yah nahamo ha nahatinoh rim tap tei hangopari.

Ruk oh yah meng ma brak matip ohe meng oh 6:6

Gahan tit tuperipti dik tit hatporhan Jisas ohsi; orhe pinggit pisapat han ihirsi rotu apnong susa ruhpari. Rosa Jisas oh kuuhan ihirnong meng am deingopri. Bes oper tandap wa hatip han tit patin meng am deingopri.

Ruk oh yah meng ma brak matip ohe meng oh 7:21

Ama gipotpa sut oh Jisas oh tihan tihan sik hat pati kuuhan bapo mongsup oh ga at pat kuuhan bapo kin kwisi hat pati kuuhan bapo ama ihat pati han ihirnong yah mat pisapatin Jon ohe darher han yot ihit Jon ohe ma ri meng oh apris pongopari.

Ruk oh yah meng ma brak matip ohe meng oh 7:22

Potperhan Jisas oh ihitnong Gute nohe kuuhan ihirnong yah mat pisapatin wanahaya meng moh susa Jon ohnong potinmur. Ohe ma tamreipat ohe pe oh kin kwi hat pati kuuhan ihir kin watahayao buhdapat ma haputpa kuuhan bap ihir buhdapat yah ham tandeit sayao ina mong mong tohohet sapti han bap ihirnong it yah ina bok hayao nat ma kit patisi bap ihirhe it nat tem tanpur hanip meng amrayao hapuripti han ihirnong da pamsaporhan it da apris masayao borop hat pati kuuhan bap ihir Got ohe yah meng oh potperhan amrayao ihat saptingwerimur potinmur. Potporhan oh ha dahatinohmur.

Ruk oh yah meng ma brak matip ohe meng oh 8:1

Gahan Jisas oh ap mutuh ohe aptei apteio be aptei apteio oh kuuhan ihirnong Got ohe napapat yah meng oh pot pisaporo rim orhe pinggit pisapat han nathei han ihirsi meng pot pihipari.

Ruk oh yah meng ma brak matip ohe meng oh 9:11

Irarhe saperhan gahan kuuhan ruumsan ihir Ihir anong sayamur ritperhan ihir amrama ire kom apingopari. Ire kom apriperhan Jisas oh ihirnong Gur kom ma apriya oh yahwa pora Got ohe napapindin ohe meng oh poro sik hat pati kuuhan ihirnong yah mat pisao deingopri.

Ruk oh yah meng ma brak matip ohe meng oh 9:60

Potporhan Jisas oh Es. Damdapat ma haputpa da hatin hat pati bap ihirdapat kat hapuriya han ire sein oh sa saripri. Gori gin orhor nohe tapnong ham susa Got ohe napapindin ohe meng oh pot pisashenmur pongopri.

Jon oh yah meng ma brak matip ohe meng oh 18:20

Dahamtiporhan oh Wa. Nohnong dahanahapatda. Noh ahar meng ti na porpatmur. Juda ire ma tarmuriya teio rotu ap roya teio Got ohe ap yawar roya teio ohwi tirip hat porpatmur.

Jon oh yah meng ma brak matip ohe meng oh 6:59

Ameng ma gipotip oh Kapeneam aptei rotu ap oh ros potipmur.

Jon oh yah meng ma brak matip ohe meng oh 7:1

Gahan Juda ihir Jisas ohnong sutinmat riphariptin ohoh nuhur Judia mongnong na susa Gariri mong orhor aptei aptei oh sashemur.

Aposer 10:38

Pot patin Got oh Nasaret aptei han Jisas ohnong kis mara orhe Yahsupo orhe kasipo oh ohe boknong mara apdapmur. Apriporhan oh aptei aptei oh susa ihirnong panggeio Satan ohe ma er mat papat han ihirnong pondeio mat pisasuhmur.

Aposer 18:4

Ihat patim Por oh dipwi tuperipti dik oh rotu ap oh rosa Judao Griko ihir Jisas orhe meng amram orhe danong hat ha indingwe rim meng pot indipri.

Aposer 20:25

Gin noh tit ma dahapat oh Got orhe napapindin hrepnong naham napapat ohe meng oh ma naporpat gurnong oh kaput nohe rumkinnonghe gur na wanahatiprimur daham norhor am hat patmur.

Aposer 28:31

Ihat patim oh watahpei ham Got orhe hrepnong naham napapat ohe meng poro Hanipyah Jisas Krais ohe meng am maro hat ama patesuh oh. Ihat patin Go ihtin meng oh ripra por baso ama na porishe oh. Gin Ruk noh aposer ire ihat sashe ohe meng oh napor mama nabrak dei ohmur.

Rom ihirnong Por oh brak atip ohe meng oh 10:15

Meng pot pisonhe Got oh meng pot pison han ihirnong na darhet patin oh ihir pot pisaproheda. Basra. Orhor darhetporhanwi ihir pot pisaptimur. Orhor darhetporhan gin mama pot pisapti ohmur. Ama pot pisapti ohe meng rim ma brak matip oh mamaru hat patmur. Hanipyah ohe yah meng ohsi popriya moh yaho daham amam haptimur rim brak matipmur.