Matyu 3:11 - Oksapmin

¹¹ Porpat Noh gure er da ha mandatingwe rim tomwi napatirpatmur. Kasipnap han oh kom apripramur. Ma apripra han oh kasip isipsi han oh apripramur. Nohe kasip oh ohe kasip hrepdapat hat patepramur. Oh kasip yahnapsi han ohoh ihan noh bisei han hatin hat pat ohoh ihan noh orhe tongapnong na apison inasi hat patmur. Ihtin kasipnap han tit aprisa gurnong Got ohe Yahsup ohsi; gure danong nahirmatin ohe irat has hatin ohsi nohe tom ma napatirpatru nahat gure mutuhnong namtipramur.

Matyu 3:11 ပူးပေါင်းရင်းမြစ်များ

Matyu 3:6

Aprisa iraire er hat sapti ohe meng tirip hatperhan oh tom Jodan dahnong patirisuhri.

Mak oh yah meng ma brak matip meng oh 1:4

Gahan Aisaia ohe rim ma brak matip mengru Jon oh tom patitin han oh arpin aprisa irat timbas hanip timbas mong dusdapat hat patin kuuhan ihirnong Gure er hat sapti pe oh Got oh er yan oh it nuranure boknong napripra daham guragure er hat sapti da oh kom asar mandatinmur. Mandama gin er danong kom asar mandaya ma hapat ha dahengwe rim tom wayonmuro pot ama pisasuh oh.

Ruk oh yah meng ma brak matip ohe meng oh 1:17

Ihama Iraija ohe kasip ham ma tamreisuh ohe da hatin hat dara ohe tan hat Hanipyah ohe aprin mandap oh ohri han hat sapramur. Ohri han hat susa brer tamder iraire da na gosat pati da oh it irair tamder da gosat indin dasi mat pisapramur. Got ohe mengnong na amram sakarap mat sapti han ire dahe adapurkera duutin dasi hat ma sapti han ire da hatin mat apisasipramur. Ihama Hanipyah ohe nita hatin han ire danong amamen mat tei orhor sa apripra daham amamen matipramur pongopri.

Ruk oh yah meng ma brak matip ohe meng oh 3:16

Ihat daham apetperhan Jon oh Es. Noh oh basmur. Noh tomwi napatirpatmur. Kasipnap han oh kom apripramur. Ma apripra han oh kasip isipsi han oh apripramur. Nohe kasip oh ohe kasip hrepdapat hat patepramur. Oh kasip yahnapsi han ohoh ihan noh bisei han hatin hat pat ohoh ihan noh orhe tongap nangnong noh na arpitin inasi hat patmur. Ihtin kasipnap han tit aprisa gurnong Got ohe Yahsup ohsi; gure danong nahirmatin ohe irat has hatin ohsi nohe tom ma napatirpatru nahat gure mutuhnong namtipramur.

Ruk oh yah meng ma brak matip ohe meng oh 3:3

Imtiporhan oh susa Jodan but mong aptei aptei oh sus Kuuhan ihirnong Gure er hat sapti pe oh Got oh er yan naham gure boknong napripramur ma dahat pat yan oh it yansi na naham hanhan mar ha mandatinoha daham da tamburketinmuro. Da tamburkera kuuhan ihir Gin er danong kom asar mandaya ma hapat ha dahengwe rim tom wayonmuro pot ama pisasuh oh.

Jon oh yah meng ma brak matip ohe meng oh 1:15

Ama han oh ihat has dasi hat apriporhan Jon oh kaput nohe kom ma apripra han oh oh ihtin han tit apripramur. Apriporhan ohri patesuh han ohoh ihan ohri han hatipramur. Noh ohe hrepdapat hatipramur ma naporpatgwer han oh gin mama apir ohmur potipmur.

Jon oh yah meng ma brak matip ohe meng oh 1:30

Noh rih han tit nohe kom apripramur. Nohe kom apripra orhor ohri patesuh han ohoh ihan noh ohe hrepdapat hat patmur nohe ma ripatgwer han oh gin mama apir ohmur.

Aposer 19:4

Potperhan oh Jon oh Gur nohe kom ma apripra han ohe danong hama Nuhur er danong kom asar mandatpera daham kom asar mandama tom wayonmur porisuhmur. Ama han oh Jisas ohmur potipri.

Aposer 8:36

Pot susa tom hru gar duup tit kotpari. Koripti ama han oh Pirip ohnong Tom hru moh noh Got ohe danong ham waprohmur. Noh kinhapat han ohra ihan noh na waproh pongopri.

Aposer 8:38

Potporhan Pirip oh ama pisapat han ohnong Gin matei kimiritinmur. Nuhut tom waper potporhan oh kimiritporhan Pirip ohsi ihit tom dahnong wasa Pirip oh ama han ohnong tom patitipri.

1 Korin 12:13

Dir ihat trun han bap hat pati orhor tit inawi hat ma pati oh mamaru hat patmur. Juda hat pati han bapo Juda na hat pati han bapo ire hrepdapat nang tatpat patim be atamreipti han bapo ire hrepdapat nang na tatpat patim be han hat pati han bapo ama trun han bap hat ma pati han bap dirnong oh Got oh orhe Yahsup oh dire mutuhnong namtiporhan dir tap hat patim tom wasa Krais ohe ina ohsi dir tit inawi hat patimur.

Epesas 3:8

Norhe da oh Noh komnap han win timbas han hat pat ma hapat dahapatmur. Ihat ma dahat pat han nohnong Got oh orhe damdapat orhor Imat yah matpora dahapat da ohsi nohnong Go Krais orhe yahnap da hanip gur na dahatin hatin ohe yahnap da meng moh go Juda na hat pati bap ihirnong pot pisashenmur.

Taitas 3:5

Ma nambutip oh hanip diradire yah hat sapti ohe pe oh ambutpora daham na nambutipmur. Basra. Dir er hat patin orhor orhor hinhina dasi han ohoh ihan dirnong hinhina naham nambutipmur. Ma nambutip oh dire er gap hirmat namdama orhe Yahsup ohsi orhorsi yah hat paten ohe kopen brer nahama kopenohe han nahatipmur.

1 Pita 5:5

Kopen han gurhe Nuhur sios kasip ham pohon ma pati han ire hrepnong ham ire meng amram dimtipera daham ire meng hrepdapat hat patenmur. Ihat patim Nohwi ihtin hanwa ma dahapti danong oh hapri. Noh ire danong ham panggeitpora daham ama danong oh watah aripti hatin hat an patim da gosapris gospanggeit paptenmur. Da gosapripti ohe meng oh girim ma brak matpa oh mamarumur. Got oh Norhorwi ihtin hanmur daham orhe danong ham armi tahapat han ihirnong oh Got oh heisup mat papatmur. Mat papatmura; Norhorwi ihtin hanmur na dahama ire danongwi hat sapti han ihirnong oh Got orhe damdapat orhor Noh ihirnong imat yah matpora ma dahapat da oh ihirnong apripatmur rim brak matpamur.