Matyu 24:39 - Oksapmin

³⁹ Roporhan be kuuhan ihir hanhan hat patin tom dusut apris ihirnong gurmar timbas matipmur. Amaru hat orhor hanhan hat ihat saptin Hanip Brer noh it apripramur.

Matyu 24:39 ပူးပေါင်းရင်းမြစ်များ

Matyu 16:27

Hanip Brer nohe ma apripra oh at ohe has da ohsi nahatporhan enser ihirhe nuhur tap hat apriprimur. Aprisa gure ma ihapti ohe pe oh it napripramur.

Matyu 24:3

Jisas oh ameng oh naporpat nuhur susa mong Orip ka oh Jisas oh tongnotporhan orhe namgit napisapat han nuhurwi ohe pat teinong hapti Nohana. Ap yawarnong ma urkamat itipri oh desut urkamat itipri. Go nuhurnong napotinmur. Naporpat gwe it aprin dik ohe kakduup hah ma hapat daham namgitin han oh kian han kis ohri pitap hahrit nuhur Gin Hanipyah oh it aprin kakduup hah ma hapat. Mong pepe timbas matin dik kakduup hah ma hapat daham am hatipri. Ihat gin go napotinmur por dahamtipa.

Matyu 24:30

Kopen ungang tahaptin orhor Hanip Brer nohnong Oh gin apir ma hapat dahatin ohe kis han ohri aw tei mahat pat hatporhan gur wamar am hatiprimur. Am hama among among ma pati han gur kas ham yimtiprimur. Yimama wanahayaoh Hanip Brer noh armi nahatin ohe kasipo has yahnap armisi dao ohsi tap hat rian tap wanpatin wanahatiprimur.

Matyu 24:37

Hanhan hat patin Hanip Brer nohe ma apripra oh rih Noa ohe patin ire ma ihasheru hat patin orhor noh apripramur.

Matyu 24:40

Aprisa yot han tit rang tamreiptihanhe tit han ohnong ambutipramura; tit han ohnong atei orhor mandatipramur.

Ruk oh yah meng ma brak matip ohe meng oh 19:44

Ret gatnahama ap mutuh ohe doho dah ma pati kuuo hano brero guragure apo erer gonapsi nim tambor muk naham timbas nahatiprimur. Timbas nahama ap ohe kwei ma patan prus ma hatpa ap ohhe gonsi urkamat natperhan tit kwei oh tit kwei ohe boknong ham diptahathe na pat hatipramur. Inaham ma timbas nahatipri oh gur nohe ma apir moh Got oh nuhurnong napanggeitinmat apir ma hapat na dahapti ohe pe oh imat nim timbas nahatiprimur por payimangopri.

Jon oh yah meng ma brak matip ohe meng oh 3:20

Er hat ma sapti bap ihiroh Epe. Noh mong da gapah haho er hat uso hahhan ihir wanaham inahatiprohekin. Noh ihan kwitem dusnong sus ihtipor daham mong da teinong dasei mara kwitem dusnong bopor mar ihat saptimur.

Aposer 13:41

Rih ire ma brak matpa meng oh mamaru hat patmur. Dasei hapti han gure mutuh oh Got noh tit han tit namgitipramur. Namgitporhan kat han ihirdapat Got ohe dirnong ma namgipat oh mimat namgipatmur napotipri orhor gur dasei mar kom asar na dahatiprimur. Gur ihtin ina hat pati han bap gur ohoh ihan nohe ma namgitipra oh gur wamara Moh kinhatin han sa namgi daham orhor guragurnong timbas ham haputinmur. ritporhan brak matpamur potipri.

Rom ihirnong Por oh brak atip ohe meng oh 1:28

Ihir Got orhornong dahatin ohe da oh na hatiprohemur daham mandatperhan Got oh Yahwa. Guragure er da hat sapti ohe da er hrepdapat hat patena por arpit mandatipmur. Mandatporhan hanip dire na ihapti ohe er danong hrepdapat hat patim ama hanip dire na ihapti er danong ohwi er hat sashemur.

2 Pita 3:5

Ihat dasei meng ma naporipri oh mama mengnong moh ihir dahat patim orhor hanhan mar mandatinmat imat naporiprimur. Hanhan mar mandatperim ihapti meng oh mohmur. Got oh rih orhe kasip mengtei Aw tan ha tarpatinoh ritporhan tarpatipmur. Tarpatporhan tom orhorsi tom mutuh paten ohe mong oh darpatipmur.