Matyu 23:8 - Oksapmin

⁸ Ire ma ihat sapti da hatin oh gurhe ihat sasipri. Gure tisa ma am nahapat han oh tit hanwi ohoh ihan gur nohnong Moh sawa meng duuptei am hat pat hanhe daham Tisa ha naporingwe ama ihtin da oh hapri. Gur titwi hat pati ohoh ihan nanipo napo goshapri. Tit pokwimur.

Matyu 23:8 ပူးပေါင်းရင်းမြစ်များ

Matyu 10:25

Ohe hrepdapat hat patim tap da hat ayahanoh oh yahmur. Orhe hrepdapat hat pati ohoh ihan ap nita han norhornong Oh Bierseburmur por inahayahanoh norhe hrepnong mar ma napapat gurnonghe imat orhor ginapotiprohe basda. Gurnong atnap ginapotiprohemur. Gurnong ginapor inahatipri orhor gur Got ohe danongwi kasip hat mandayahan orhor nambutipramur napangop.

Matyu 17:5

Giporpatin orhor awgapor has oh giandeingopri. Giandeipat awgapor has mutuh amdapat meng tit Moh norhe bopor mat papat brermur. Ohe ma ihat sapat oh norhor amamsi mat patmur rim hangopri.

Matyu 23:10

Ihirdapat gurnong Nure kamoheim kakhana naporiyahanoh gur Ei. Nuhurnong ginaporipri. Nure kakhan oh tit han ohwi Got oh darhetipra ma ritip han Krais ohwi kak hat pat ohoh ihan gur nuhurnongri ginaporipri porinmur.

Matyu 23:7

Kot dus ohe den ma tamohopti tei ohhe ire kintei Nohana. Hanipyaha ha naporingwe rim saptimur. Tit oh Moh sawa meng duuptei am hat pat han ma hapat napora Tisa ha naporingwe rim saptimur.

Matyu 26:25

Napotporhan orhe nang han Judas oh Namgipat hana. Nohri basmur potporhan oh Es. Gorhormur pongop.

Matyu 26:49

Aprisa kapkap orhor Judas oh Jisas ohe pat teinong susa Nohan tisa. Gohe sa pat por ga tam pedapat amam deingop.

Mak oh yah meng ma brak matip meng oh 10:51

Apriporhan Jisas oh Gin noh gonong ha kinnahatinoh rim go nohnong unar por dahandeingopri. Gipor dahamtiporhan oh Hanipyaha. Nohe kin mama kwi hat pat moh nayah matporhan noh kin watahatporo daham ginapormur pongopri.

Mak oh yah meng ma brak matip meng oh 11:21

Gathathan Pita oh wamara Jisas ohe ma yahoh deingwer irat moh gin orhor kapkap gathat ma hapat dahapat Jisas ohnong Am nahapat hana. Gwe ma yahoh deingwer irat moh gin wamtin. Gathathemur potipri.

Mak oh yah meng ma brak matip meng oh 14:45

Aprisa kapkap orhor Judas oh Jisas ohe pat teinong susa Nohan tisa. Gohe sa pat por ga tam pedapat amam deingopri.

Mak oh yah meng ma brak matip meng oh 9:5

Mengriptin ihir wamara kas hapti Pita oh Noh kian meng sa potiproh dahama Jisas ohnong Tisa. Dir matei mihat pati oh yahmur. Ihan nuhur tom ap tem yitir hatiprohemur. Tit Gwea; tit Moses ohea; tit Iraija ohe imat hatiprohemur potipri.

Ruk oh yah meng ma brak matip ohe meng oh 22:32

Satan oh gonong kis nahatpor ihah ohoh ihan noh go nohe danong hat sapat ohe da oh mandatipra rim noh Got ohnong naporpatmur. Imat naporpat ohoh ihan gwe er da tit ma hatiproh da oh mandama it norhe danong hatiprohmur. Hama gorhe taptem ihirnong norhe danong hat pati ohe da oh kasip mat pisashenmur pongopri.

Jon oh yah meng ma brak matip ohe meng oh 1:38

Ohe kom saptin oh tamburker wamara Gut kianorim nohe kom apripti pongopri. Potporhan ihit Rapaia. Go de ap oh pat potpari. Hipru ire mengtei Rapai ma porishe oh Grik ire mengtei tisa porishemur.

Jon oh yah meng ma brak matip ohe meng oh 1:49

Gipotporhan Natanier oh Tisa. Go nohnong imat napor moh ihan go Got ohe brermur. Go Isrer nuhurnong napapten han ham nure kakhan hat pat hanmur pongopri.

Jon oh yah meng ma brak matip ohe meng oh 11:8

Napotporhan nuhur Tisa. Ama Juda ihir kopenpok ma kweisi gonong nitperim ihangweri oh ginhe it amongnong sapero ripatda potpa.

Jon oh yah meng ma brak matip ohe meng oh 20:16

Potporhan Jisas oh Maria potporhan uh orhor ma hapat daham potahat tamburkes rim Hibru ire mengtei Raponai ama potip oh. Raponai ma poripti oh Grik ire mengtei tisa poriptimur.

Jon oh yah meng ma brak matip ohe meng oh 3:2

Patin gahan oh kwitem oh Jisas ohe pat ama apdap oh. Aprisa Jisas ohnong Tisa. Gwe hanip nure na imtin hatin da ma deipat moh hanip nure da ohsi na imtin hatin ma hapat. Ihan Got orhe kasip da oh napriporhan go ama da ohsi indeipat ma hapat. Ihan kat han pang han nuhurhe go Got oh nadarhetir tisa ma hapat dahat patimur pongop.

Jon oh yah meng ma brak matip ohe meng oh 3:26

Sakarap goshapti Jon ohnong Tisa. Gwe Kaput ihtin han tit apripramur ripatin arpin tom Jodan han tan ma apingop han oh gin oh hanip ihirnong tom patirpatmur. Patirpatin kuuhan gonsi ihir ohe danong hama ohe duupnongwi haptimur ama potpa oh.

Jon oh yah meng ma brak matip ohe meng oh 4:31

Ihir kopen na apin patin Jisas orhorsi ma pati han nuhur ohnong Tisa. Go den moh dina por kamtipa.

Jon oh yah meng ma brak matip ohe meng oh 6:25

Mandesa Jisaso nuhur matan patin ihir wanahangopa. Wanaham ohnong Tisa. Go desut mandeih pongopa.

Jon oh yah meng ma brak matip ohe meng oh 9:2

Pathan Jisas orhorsi pati han nuhur ohnong Tisa. Han moh orhe er hat sapat ohe pe oh kin kwi hatipda da supsi itap ite er hat sashe ohe pe oh kin kwisi sup uh itip por dahamtipa.

2 Korin 1:24

Gure Got ohe danong hapti da oh nure hrepnong mar mihat dahatinmura; mihat dahatinmur napor kasip meng tei napapindinmat oh gurnong mama meng moh na naporiyamur. Gure Got ohe danong ma hat pati da oh gur kasip hat pati ohoh ihan gurnong nuhur Gur ihat dahat patenmura; ihat dahat patenmur na napotiprohemur. Gur guragure amam danong isip hat ha sonoh ma dahapti da oh nuhurhe ihir ihat amam danong bapkei mar isip mat ha pisongwe dahat patim mama meng napor nasariptimur.

2 Korin 4:5

Krais orhe has yah hat pat meng ma naporipti oh gur nure danong ha hengwerim ohe meng na naporiptimur. Watina. Jisas Krais oh nure duuptei han hat pat sa. Ihan dirhe orhe danong ham orhe hrepdapat hat inpera ha dahatingwerim ohe meng oh naporiptimur. Jisas oh nuhurnong gurnong napanggeit napapten da napin pato rim nuhur gurnong napanggeim mameng moh naporiptimur.

Epesas 3:15

Ama nadahadeipat Got oh kakdah ohe tihan tihan bapo aw tei ohe tihan tihan bapo gonsi namanhem tihan tihan nahatip Got ohmur.

Pirimon 1:16

Gin oh it gorhe patnong ma apir oh rih gorhe hrepdapat be natamreisuh han hatin hat orhorwi na apirmur. Gin yahnap han gorhe nanganong bopor mat papat hatin da ohsi hat apirmur. Noh ruumsan bopor mat papat ohoh ihan gorhor atnap Moh norhe yah hat natamreipat han ma hapat. Moh Hanipyah ohe nitao rim nutanut taptem nangman haya ma hapat daham bopor isipnap matinmur.

Jemis 3:1

Nohe taptem gur amratinmur. Got oh meng amrapti han ihirnong dahamara sama garpok imtipramur. Sawa meng am deipti han dirnong oh dahanahama nasama isipnap orhor inahatipramur. Inahatipra ohoh ihan gur Noh sawa meng am mat pisashen han hatiprohnengo han ruumsan gur ihat dahathe sasipri.

1 Pita 5:3

Got oh Kuuhan maihirnong gure hrepnong mar paptenmur napor gure hrepnong mat papat ihirnong Norhor hanipyahmur. Noh kasipnap hanmur rim ihirnong sahrara pora kasip mengtei ihirnong apaptepri. Got orhe sipsip bap hatin hat pati maihirdapathe gurnong wanaham dinahatin ohe yah dasi mar orhorwi pinggit apaptenmur.

Erer tarpatipra 1:9

Noh guragure nita Jon noh brak mat mama nasar ohmur. Diradir Jisas ohe nita bap dir Got orhe napapindin hrepnong hat pati bap dirmur. Ama ihat pati han dirnong be han ihirdapat Jisas ohe nita hat pati han bap ma hapat daham ina ruumsup napriptimur. Ina ruumsup diradir titwi daripti han dirmur. Ina ruumsup napripti orhor Jisas orhe tapnong hat pati ohoh ihan dir na gapa ham kasip hat orhorwi saptimur. Noh Got ohe mengsi; Jisas ohe arpin meng ma napor mengsi pot pisapatin ama ohe pe oh ihir nohnong inahama tom goh Patmos mongnong nang natpam namdatpamur.

Erer tarpatipra 19:10

Enser oh napotporhan noh ohe duup oh bos hamnong ham timama ohe danong ham armi matpor ihpatin oh Es. Nohe danong ham armi nahatipra. Noh ditadit tap Got ohe atamreipti han ditaditmur. Gure taptem bap Jisas ohe arpin meng ma dindeipti ihirsi; diradir tap atamreipti bap diradir ohoh ihan nohe danong ham armi nahatipra. Got orhe danong ham armi mat paptenmur napongop. Got ohe meng pot pison ina mara ma kasip deipat sup oh dirnonghe Jisas ohe meng oh pot pison ina dasi nahat napapat ohmur.

Erer tarpatipra 22:9

Noh kopen armi matpor ihpatin oh Es. Go nohnong inahatipra. Noh gwe ma tamreipato Got ohe meng pisapti han gwe taptemo mama brak meng amram dindeipti hano ihirsi; diradir gonsi tap Got ohe atamreipti han bap dir ohoh ihan go nohe danong ham armi nahatipra. Got orhe danongwi ham armi mat paptenmur napongop.