Matyu 23:4 - Oksapmin

⁴ Ihir sawa meng oh Gur mohnong dimtinmur. Mihat indinmur napor ung ruum gon ohe tan dar gure basnong naptahat napisaptimur. Inahat naptahat napisapti orhor meng amram dimtinnong oh gurnong na napanggeim be ina ruum naptahat napisaptimur.

Matyu 23:4 ပူးပေါင်းရင်းမြစ်များ

Matyu 23:23

Parisio sawa meng am hat pati hano gur pang yotsi hat mengripti han bap gure boknong ruumsup hatipra ohoh ihan gur hinhinsi hatipri han bap gurmuro. Gur tohan pa saman erer oh dara sama katheihanoh kat oh dara Got ohnong apriptimur. Ma ihapti oh yah orhora; isip sawa mengnong asoh ma mandapti oh ermur. Gur isip sawanong ma mandapti oh mamarumur. Tit oh gur hanip bokdus asoh sapri. Meng arpima sanmur. Tit oh hinhina mat paptenmur. Tit oh arpin dasi paptenmur. Ama sawa meng muk oh tap mar pomar paptenmur.

Matyu 23:3

Ama napor am nahapti mengnong oh gur amram dindeinmur. Dindeinmura; ire ma ihat saptinong moh wamar dindeipri. Ihir sawa meng oh naporipti orhor irairnong oh na dindeipti ohoh ihan ire ihat ma sapti danong oh wamar dindeipri.

Ruk oh yah meng ma brak matip ohe meng oh 11:46

Potporhan Jisas oh Pohon sawa mengnong am hat pati han bap gur kuuhan ihirnong amram na dimtin hatin ohe sawa meng oh pora ruumsup aptahaptimur. Imat ruumsup aptahat mandama panggeitinnonghe na panggeiptimur. Sawa meng am hat patim ma ihapti ohe pe oh ruumsup oh guragure boknong hatipra ohoh ihan gur hinhinsi hat pati bap gurmuro.

Aposer 15:10

Got oh tit dawi naham inahapat ohoh ihan eit watah gatmatin meng oh ather awher ihir dire boknong ma ruumsup naptahashe meng oh gin ama Jisas orhe danong hat pati ire boknonghe matpero rim Got ohnong kis deipri.

Aposer 15:28

Got orhe Yahsup ohe dahapat da ohsi; nuranure ma dahapti da ohsi nuhur tap mat Dir mama meng pok mohwi potiprohemur dahayamur. Nure ma dahaya da meng oh mohmur.

Garesia 6:13

Moses ohe sawa mengnong ma pomat dindeipti han ihiroh de ihira. Eit watah gatmatin ohe danong dindeipti han ihirkin dahapri. Basra. Sawa meng oh pomat dimtinmur naporipti orhor irairnong oh pomat na dindeipti bap ihirdapat gurnong ginaporiptimur. Ma ginaporipti oh gur eit watah gatmatperhan ama han ihir susa Nure mengtei ihat eit watah gatdeiyahe ritperhan ihir amrama dire winnong isip mat ha napisashengwe rim ihaptimur.

1 Jon 5:3

Got orhornong da apris ma bopor deipti ohe da oh orhe naporpat sawa meng gonsi amram dindeipti da ohmur. Kakdah ohe danong ambapte matin ohe da oh Jisas ohnong Ohwi inahatin hatin hanwa ma dahapti ohe da ohmur. Got orhe brer hat pati dir ama da ohsi hat pati ohoh ihan ama da ohsi kakdah ohe danong ambapte deiptimur. Ama dasi hat pati ohoh ihan Got orhe sawa mengnong oh dimtin sawa meng hat pat sawa meng ohmur.

Erer tarpatipra 2:24

Taiataira aptei kat kuuhan gur Jeseber urhe er hat sapat danong dindeipti orhor kat kuuhan gur urhe er hat sapat danong na dimara kat ihir Satan ohe mutuh awam mengnong amram ma dindeipti awam meng oh gur na amraptiri. Ihapti gurnong oh oh ina ruumsuphe gure boknong ti na nahaprari.