Matyu 22:45 - Oksapmin

⁴⁵ Depit oh Krais ohnong Hanipyaha ma potip oh orhe puh na tarpat patinneng na gipotipnengmur. Ihan moh orhe puh bas ma hapat. Ohri patesuh ma hapat dahatinmur pongop.

Matyu 22:45 ပူးပေါင်းရင်းမြစ်များ

Matyu 22:44

Oh Hanipyaha por ma brak matip oh mama ohmur. Norhe Hanipyah Got ohdapat norhe Hanipyah Krais ohnong Go norhe bes oper tan moh tongnotinmur. Tongnot patin noh gorhe mahaw nahapti han ihirnong gorhe hrepnong matipramur. rim Depit oh brak matipmur.

Matyu 22:46

Potporhan ihir Epe. Mihat daham mengripat han mohri dahamara da na ban matin hanhe daham it komdapat na dahandeishemur.

Rom ihirnong Por oh brak atip ohe meng oh 9:5

Ama han bap ire ropir ihiroh nuranure duupteinap awher ihirmur. Ama awher duuptei han ire puh ire bokdapat Krais oh hanip brer tarpam apdapmur. Ama apdap Krais oh dire kakhan titwi ham erer gon moh orhe hrepnongwi naham napapat han Got orhormur. Orhornongwi dipdipwi armi mar papten han ohmur. Arpinwa.

1 Timoti 3:16

Ama dire yah hat paten arpin meng nareman papat meng oh Got oh pitap teinong matir meng moh wanohe arpin meng yahnap meng tit ma hapat daham mama ga ripti meng hatin mat ripti ohmur. Krais oh hanip hapat pitap hatipmura; pitap hatipmura. Pitap hapat orhe ongeng tahat yah hat sapatin Got ohe Yahsup oh orhe yah hat ma sapatnong oh namgitipmura; namgitipmura. Enser ihir wandeishemura; wandeishemura. Orhe meng oh aw pe mong pe han gonsi pot pisaperhan ihir amram arpin ohwi inahatin hatin hanhe dahashemura; dahashemura. Dahatperhan Got oh orhe yahnap teinong pihipmura; pihipmura. rim mama ga oh ripti ohmur.

Hibru 2:14

Jisas oh Got ohe nohnong napripat brer ihirsi; nuhur tap hat mama pati ohmur ma ritip oh hanip ina hat pati bap dirnong ginapotipmur. Ma ginapotip oh Ihir hanip ina hat patina Satan oh ihirnong haputin ohe kasip ohsi ambapte mat papat ma hapat. Ihan noh hanip watah inasi hapat hapura Satan ohe ihirnong haputin inasi mat papat kasipnong moh noh atimbas matpora.

Erer tarpatipra 22:16

Gahan Jisas oh Noh Jisasmur. Noh patin orhor nohe pepuh oh Depit oh irat bap ohe tan hat marhupmur. Gahan Depit oh irat ohe tan hetporhan noh it ohe puh ire bokdapat irat bap hatin hat tarpatipmur. Noh yinggarheis mong da hatin hah tei ma has hapat hatin han oh nohmur. Ihat ma pat han noh norhe enser ohnong Gin go susa ma ihtipra ohe meng erer oh sus sios ihirnong potinmur pora darhetporhan oh susa Jon ohnong gonsi meng erer oh pinggimur ringop.