Matyu 19:21 - Oksapmin

²¹ Potporhan Jisas oh Go Noh yahnap han hatpora dahahhanoh gorhe erer oh ihirsi mohoma mani oh dar borop han ihirnong apinmur. Ihyahanoh go aw tei mahat Got ohe napapindin tei ohe ruumsansi han hatipramur. Ihpat nohsi tap hat sashen han hat aprishenmur pongop.

Matyu 19:21 ပူးပေါင်းရင်းမြစ်များ

Matyu 16:24

Por indeipat nuhurnong Gur Noh ohe danong ham dimtipora ma dahapti kuuhan gur guragure ma Nuhur ihat inpera ma dahapti da oh mandama Noh Jisas ohe danongwi hat sapatin nohnong ruumsup naham nitperhan hapurhanhe yahwa dahat orhorwi nohe danong ham dinahenmur.

Matyu 19:20

Potporhan oh Noh ama sawa meng oh gonsi dindeisuhru patru ginhe dimat orhorwi papatmur. Noh sawa meng oh gonsi dindeipatmur. Gin nohe ma na dindeipat sawa meng oh dehnong na dindeipat pongop.

Matyu 19:22

Potporhan oh Noh ihsen ruumsan pat moh gonsi ha mandatiproh dahama heimse rim da er ham mandam sangop.

Matyu 19:28

Por dahamtiporhan Jisas oh Noh arpin meng napotiprohmur. Kaput rihohe mong erer moh timbas ham kopenohe ina ma hatipri dik oh Hanip Brer noh armi nahatin ohe hassi han hama tongnom napapindin tei ohe tongnotin oh norhor datipramur. Dara gurnong nasamo ham napaptepramur. Napapatin mama guragure erer mandam nohnong dinahapti han gurhe kakhan ihir iraire tongnopti tei tongnoma ihirnong ma wamat paptiru gurhe tongnoma Isrer ihirnong gure hrepdapat mar wamat indiprimur.

Matyu 4:19

Deiptihan Gut nohe kom aprishenmur. Apriperhan noh gute aning ung tamitperhan daripti ohe tan mat orhor hanip ihirnong ambur nohe han nadein han yot nahatporhan gut hanip ihirnong amburin han yot hat pateprimur pongopri.

Matyu 5:48

Ita aw tei ma pat han ohe duutin da ma nahat patru gure dahe ihat orhor duutin da ohwi hat patenmur pongopri.

Matyu 8:22

Potporhan Jisas oh Es. Damdapat ma haputpa da hatin hat pati bap ihirdapat kat hapuriya han ire sein oh sa saripri. Gora nohe kom aprishenmur pongopri.

Matyu 9:9

Matyu noh norhe takis yan darpat ap oh tongnot patin Jisas oh apingop. Apris nohnong Go nohsi sashen han ham nohsi tap hat sasiprimur napotporhan noh arpin ohe meng amram ohsi sasuhmur.

Mak oh yah meng ma brak matip meng oh 10:21

Potporhan Jisas oh wandeipat ohnong bopor mara Go imat dindeipat orhora; mama tit da mohoh go na ihpatmur. Gwe ma na ihpat oh mamarumur. Gin noh napotiprohmur. Gorhe ihsen erer ruumsan ma papat oh gin wan han ihirsi mohoma mani oh dara borop hat ma pati han ihirnong apinmur. Ihahhanoh go aw tei Got ohe napaptepra tei mahat ohhe ruumsansi han hatipramur. Ihpat nohsi tap hat sashen han hat aprishenmur pongopri.

Mak oh yah meng ma brak matip meng oh 2:14

Meng am deipat susa wandeioh Arpias ohe mon Ripai oh orhe takis yan darpat ap oh tongnot patgopri. Tongnot pathan Jisas oh Ripai Go nohsi sashen han ham aprina pongopri. Nohsi sapera potporhan oh arpin tandeima apingopri.

Mak oh yah meng ma brak matip meng oh 8:34

Pora Kuuhan ihir norhe pinggit pisapat han ihirsi nohe pat ha apringwe potperhan apriperhan ihirnong Gur Noh ohe danong ham dimtipora ma dahapti kuuhan gur guragure ma Nuhur ihat inpera ma dahapti da oh mandama Noh Jisas ohe danongwi hat sapatin nohnong ruumsup naham nitperhan hapurhanhe yahwa dahat orhorwi nohe danong ham dinahenmur.

Ruk oh yah meng ma brak matip ohe meng oh 12:33

Ihat patim guragure erer oh wan han ihirsi mani ohsi mohoma ama mani ohsi hatip hat pati kuuhan ihirnong panggeinmur. Imat panggeipti aw tei mahathe guragure yah han erer oh ruprup mat kasip ung na turkatin ung oh mit sarinmur. Aw tei ohe yah han erer ohot ma saripti erer oh timbas haho gapah han ihir dariyao daskein ihir dam timbas deiyo na matin han sariptimur.

Ruk oh yah meng ma brak matip ohe meng oh 14:33

Gur mamaru hat orhor daham nohe kom ha aprishengwe rim mama paham meng yot moh napormur. Noh erer oh gonsi mandama eimat kom asara Jisas ohsi tap hat orhorwi sasiprawa daham ama da oh kasip ham marin patdapat orhorwi nohe tapnong ham aprishenmur. Ihat ma na dahat pati han bap guroh norhe namgit na napisashen han bap gurmur pongopri.

Ruk oh yah meng ma brak matip ohe meng oh 16:9

Jisas oh giporpat Gin gur mohnong dahatinmur. Kakdah er hat patim ma daripti mani mohsi hatip hat pati han ihirsi guragur yah han hat indinmat aprishenmur. Imat apriptin ma timbas haya tei mah Got oh orhe eimat ma napaptepra apteinong nambur napisapramur.

Ruk oh yah meng ma brak matip ohe meng oh 18:22

Potporhan Jisas oh Go imat dindeipat orhora; mama tit da mohoh go na ihpatmur. Gwe ma na ihpat oh mamarumur. Gin noh napotiprohmur. Gorhe ihsen erer ruumsan ma papat oh gin wan han ihirsi mohoma mani oh dara borop hat ma pati han ihirnong apinmur. Ihahhanoh go aw tei Got ohe napaptepra tei mahat ohe ruumsansi han hatipramur. Ihpat nohsi tap hat sashen han hat aprishenmur pongopri.

Ruk oh yah meng ma brak matip ohe meng oh 5:27

Iham patdapat gahan Jisas oh susa takis yan darpat han Ripai oh takis yan darpat ap oh tongnot patin Jisas oh sus ama wamtip oh. Sus wamara Ripai go nohsi sashen han ham aprina. Nohsi sapera por aprina pongopri.

Ruk oh yah meng ma brak matip ohe meng oh 6:40

Tit oh mamaru haptimur. Pinggit pisapat han ohnong orhe ma pinggit pisapat han ihirdapat it pinggipat han orhornong ire hrepnong matiproheda. Basra. Ohdapat ihirnong pinggit pisapatin ihir gonsi am hat mandapti orhorsi irair tap da hatiprohemur pongopri.

Ruk oh yah meng ma brak matip ohe meng oh 9:23

Pora orhorsi sapti han gonsi ihirnong Gur Noh ohe danong ham dimtipora ma dahapti kuuhan gur guragure ma nuhur ihat inpera ma dahapti da oh mandama noh Jisas ohe danongwi hat sapatin nohnong ruumsup naham nitperhan hapurhanhe yahwa dahat orhorwi nohe danong ham dinahenmur.

Jon oh yah meng ma brak matip ohe meng oh 10:27

Noh norhe sahapat han ihirnong norhor am hat patmur. Am hat pat ohoh ihan norhor itatporhan ihir namrama norhe kom apriptimur.

Jon oh yah meng ma brak matip ohe meng oh 12:26

Gur Dir Jisas ohe atamreindin danongwi hat sasipera dahayahanhe ama han gur nohsiwi sasiprimur. Nohsi ma sasipri oh nohe ma sasipra teinonghe gursiwi sasiprimur. Ihat saptin at ohhe gurnong Ihir ohsiwi tap hat tamrein saptio rim winsi han nahatipramur napongop.

Aposer 2:45

Ihat patim iraire mongo ihseno oh be han ihirsi mohopti yan oh dara tap deisheri. Tap mara irair tit han oh erer oh hatip hatporhan orhe ma hatip hah kis orhor aprisheri.

Hibru 10:34

Kat gur karapus hat pati ihirnong hinhina mar panggeiptin ama ohe ruumsup oh it guragur tap hat darishemur. Kat gure ruumsup ma hashe oh guragure erer oh nadatinmat apriperhan Yahwa nure ma datipri han oh yahnap dipwi paten han patmur. Mama kakdah mohe erer moh timbas hatipra han ohoh ihan yah da tei orhor gur darina potperhan ihir nadarishemur.