Matyu 18:33 - Oksapmin

³³ Gin gomdapat gorhorsi tap hat tamreipat hannong moh kianorim imtiro. Nohe gonong ma nahangweru na mara por imtipri.

Matyu 18:33 ပူးပေါင်းရင်းမြစ်များ

Korosi 3:13

Ihat patin kat ihirdapat gurnong er da nahayahanhe gurdapathe Nohnong er naham inahaya moh nohhe yanhe ihirnong imtipor daham it yansi mar kapkap heisup da mar indeipri. Gur nohe ma er hat sasuh ohe pe yan oh Krais oh dat namdatip ma hapat. Ihan nohhe ire ma er nahaya yan moh Krais oh nohe er yan ma dat namdatipru mat orhor ire er nahaya yan oh amdatpor daham amdanmur.

Epesas 4:32

Mandapti ambar gap yah da tei andeh hinhina gosham da gosapris patenmur. Ihat patim Got oh dire er hat saya ohe pe yan oh Krais orhe boknong mar dat namdatipru hat orhor arwananah ire ma imat er nahaya danong asohhe ithe dahapri. It na daham Got oh dire er danong it yansi na naham eimat hanhan mar namdatipru mat orhor gurhe amaru mat orhor hanhan mar mandanmur.

Matyu 6:12

Nuhurhe kat han ihir er nahatperhan it ihirnong yansi na mar eimat hanhan mar mandaptimur. Ihan gohe nure ihirnong yansi na mar hanhan mar ma mandaptiru mat orhor nure er hat sapti pe oh yansi nahatipra. Dat namdatinmur.

Matyu 5:7

Hanip ihirnong hinhina mar panggeipti bap gurnong Got oh hinhina nahatipramur. Ihan ihapti han gur amamsi hat pati han bap gurmur.

Matyu 18:32

Potperhan mong ohe hrepnong mat papat han oh Ihan ama indei han oh ha maronoh potporhan oh ohe pat dah maraporhan oh Epe. Nohe natamreipat han orhor go ernap hat sapat hanmuro. Go nohnong hinhina nahatina napotporhan noh nohe yan isip gwe bok pat orhor noh arpin gonong hinhina nahama yansi na naham namdatirmuro.

Matyu 18:34

Por indeipat karapus mar indeipti han ihirnong Gin gur ohnong imaro karapus maro mat paptin ohe rihohe yan oh ha timbas matinohmur por ire bes teinong matipri. Ihtipri napongop.