Matyu 17:20 - Oksapmin

²⁰ Dahamtiperhan Jisas oh Gur Jisas oh imtin hatin hanwa ma dahapti da oh hatip hat pati ohoh ihan na yah matin ina hayamur. Noh arpin meng napotiprohmur. Gure da oh mastet gwe gar hatin oh Jisas oh imtin hatinwa gar da orhorsi ihat dahayahan guragure imtiper ma dahaya da orhor imtiprohemur. Mamaru Gin yei go wan teinong nitahat sona poriyahanoh arpin nitahat saprohmur. Tit da tit na imtin hatin da hatiprohda. Basra. Ama gar da ohsi imtin danongwi hatiprohemur.

Matyu 17:20 ပူးပေါင်းရင်းမြစ်များ

Ruk oh yah meng ma brak matip ohe meng oh 17:6

Potperhan Hanipyah oh Es. Gure Hanipyah oh inahatin hatin hanwa ma dahapti da oh mastet gwe gar hatin hat ma pati da ohsi orhor Gin mama irat gwe san go gorhap kakersi tapera sus tom sor hru tei ohom it tonggonom maronmur poriyahanhe guragure ma daham poriya meng orhor arpin dam tarpatiprohmur pongopri.

Ruk oh yah meng ma brak matip ohe meng oh 18:27

Dahamtiperhan Jisas oh Es. Hanip guragurdapat nambutin inasi na matin hat patimur. Got orhordapatwi nambutin inasi naham namburpatmur pongopri.

Ruk oh yah meng ma brak matip ohe meng oh 1:37

Tit han tit Got oh na imtin hatin handa. Basra. Orhorwi gonsi indeipat han ohoh ihan orhor inahapatmur pongopri.

Matyu 21:21

Por dahamtiperhan oh Noh arpin meng napotiprohmur. Gur Got ohnong Ohwi imtin hatin hanwa daham tit dawi hapti nohe gar han mama imat hatin mat orhor indeiprimur. Nohe mama gar imat han mohwi basmur. Gur Gin yei go tunggosher wasa tom hru dahnong wayonmur poriyahanoh ama tit dawi ham poriya gurnong oh Got oh imtin ina dasi nahatiprohmur.

Mak oh yah meng ma brak matip meng oh 9:23

Potporhan Jisas oh Go kinham nohnong Go napanggeitin ina hat pathan napanggeitin naporpat. Got ohnong Ohwi imtin hatin hanwa ma dahapti ohe pe oh oh imtin inawi hat pat ohoh ihan oh imtiprohmur pongopri.

1 Korin 13:2

Dir Got ohe meng pot pison ohe dao Got ohe reman papat danong am ham potin ohe dao erernong gonsi am hatin ohe dao Got ohnong Ohwi imtim hatin hanwa dahat patimdapat yeinong Yei go gin tanggoshet wan teinong sonmur por imtin ohe dao hat patimdapat hanip ihirnong da na apris na bopor deiyahanoh dir be han bap hat patimur.

Matyu 13:31

Naporpat Jisas oh it paham meng titsi napongop. Got oh orhe hrepnong naham ma napapat tei oh mihat patmur. Tit han tit mastet gwe garnap hatin tit dar pisusa orhe rang tei sakmatipri.

Jon oh yah meng ma brak matip ohe meng oh 11:40

Potporhan Jisas oh Noh ma go nohnong Ohwi inahatin hatin hanwa dahahhan go Got ohe kasip yah danong wamar am hatiprohmur ma ginaporhe oh gin go na daham ginaporpatda pongop.

Mak oh yah meng ma brak matip meng oh 4:31

Oh mama paham meng moh hatin hat isip hapatmur. Tit han tit mastet gwe garnap hatin tit dar pisusa orhe rang tei sakmatipri. Sakmatporhan ama garnap bap gwe oh marasa irat isipnap ham tesi hatporhan ohe te oh ner ihir apris koniptiri. Got ohe napapat teihe ihat isip hat sapatmur pongopri.

Hibru 3:19

Ihir Got orhorwi inahatin hatin hanwa na dahatperhan ihan Got ohhe Ihir matei sa tupetipri ma dahatip teinong na son inasi hatpamur. Ire ma ihtipa oh dir wamara Ihir ihtipa bap ma hapat daham am haptimur.

Matyu 17:17

Potporhan Jisas oh orhe namgit napisapat han nuhurnong Epe. Gin mama pati kuuhan gur da ban tahat orhorwi patimur. Gur nohnong Oh yah matin hanwa na dahaya moh noh gursi napapatru mama napapat oh gur desut da darhetipri napongop. Naporpat Gin er hat pat brer oh poprina napongop.

1 Korin 12:9

Ama tit Yahsup orhordapat tit han ohnong ma apripathe Got ohwi imtin hatin hanwa dahatin ohe da oh apripatmur. Tit han ohnong ma apripathe sik hat pati kuuhan ihirnong pomat pison ina da apripatmur.

Matyu 17:9

Ihtiporhan ihir it wanhupari. Wandas mandap oh Jisas oh Gur mama wandeiya meng moh ripri. Kaput hanip brer nohnong napamsaporhan ma ihaya meng moh gur rinmur por anggut wangopri. Ihama wandangopa.

Matyu 8:26

Potperhan oh Gur kianorim kas hayao. Gure nohnong Ohwi imtin hatin hanwa ma dahapti da oh hatip hat patim kas hayamur pora tandeima kasip mengtei Inim go gatetina. Tom kopi go ganer timbas hatina pongopri. Potporhan inim oh gater tom kopi oh ganer ham na ihah mong hatin ham mong yah hat mandangopri.

Matyu 17:19

Gahan orhe namgit napisapat han nuhur orhe patin susa Nohana. Nuhur ketsup ganong na apetin ina ma haya oh kinham sa ihya por dahamtipa.

Mak oh yah meng ma brak matip meng oh 11:22

Potporhan Jisas oh Gurhe Got oh imtiprohdo da na imtiproho na daham Ohwi imtin hatin hanwa daham tit dawi hat patimdapat Gin yei go tunggoshera wasa tom hru dahnong wayonmur poriyahanoh ama tit dawi ham poriya ohe pe oh Got oh arpin imtipramur. Ihtin ohoh ihan gur Got ohnong dahamtiper ma dahaya oh tit dawi ham Got ohnong dahandeinmur.

Matyu 14:29

Potporhan oh Mai. Aprina potporhan oh bot dahdapat tom hru teinong hama tom hru bas andeh tonggamat sangop.