Matyu 16:1 - Oksapmin

¹ Des patin Parisio Sadyusio ihir apris Jisas ohnong Go nuhurnong na wandeipti da tit namgirit nuhur Moh arpin Got ohe nadarhetip hanhe dahatper pora orhornong heisup mar imtinmat dasuh meng ohnong kis deingopa.

Matyu 16:1 ပူးပေါင်းရင်းမြစ်များ

Matyu 12:14

Hatporhan Parisi ihir kat susa tarmuripti ohe sutin meng oh ama wanin matpa oh.

Matyu 15:1

Gahan kat han Parisio sawa meng am hat pati hano ihir Jerusarem ap mutuhdapat aprisa Jisas ohnong

Matyu 16:6

Desa han tannong hapti Jisas oh We. Gurri Parisio Sadyusio ire den pipirpat da oh hatin inahatipra daham potahat patenmur napongop.

Matyu 19:3

Yah mat pisaporhan Parisi ihir kat han tit aprisa ohe danong adason matinmat Nohana. Go kiano dahapat. Kuu han inap uh be er hat saporhan imap oh Gin mama er hah moh mandatpora daham mandahan yahda da era. Go kiano dahapat pora da adason mar ohnong imtinmat dahandeingopa.

Matyu 22:15

Jisas oh ama meng oh potporhan Parisi ihir amram sus tap tei hapti Dir de ohe meng oh da aban mar poriyarit oh da ban taham Moses ohe sawa mengnong amkatin ohe mengdo Rom ire sawa mengnong amkatin ohe mengdo rima orhe boknong ha tarpatinoh gigosham meng ama wanin matpa oh.

Matyu 22:18

Por dahamtiperhan Jisas oh Norhe boknong tasutin ohe meng ha ritinoh rim imat naporiya ma hapat daham am hapat ihirnong Wa. Pang yotsi hat pati han bap gur norhe boknong tasutin ohe meng oh ha ritinoh rim dahanahaptida.

Matyu 22:23

Ihir saperhan Sadyusi ihir Hanip dir haputperhanoh it da na tarpam na masaptimur ripti han bap ihir apris

Matyu 23:2

Sawa meng am hat pati hano Parisio ihir Moses ohe sawa meng oh napor am nahaptimur.

Matyu 27:62

Kimsi tuperipti dik Sabat dik hatipri rim mamen tahapti dik oh Jisas ohnong sutpamur. Gahan kimsidapat Got ohe ap yawar hanat bok han ire duuptei hano Parisio ihir tap tei hapti Pairat ohe patnong ama pipa oh.

Matyu 5:20

Noh mama meng moh gurnong napotiprohmur. Sawa am hat pati hano Parisio ihir Nuhur Got ohe mengnong amram saptimur ma ripti oh garpokmur. Gurri ire tan hathe sasipri. Gur gonsi isip mar amratinmur. Na ihyahan Got ohe napapindin teinong na hatiprimur pongopri.

Matyu 9:11

Den daptin Parisi ihir aprisa wanahapti orhe namgit napisapat han nuhurnong Gure tisa moh kianorim takis yan daripti hano sawa meng pomat na amrapti hano ihirsi tap ham den taman daptio napor dahanahama Jisas ohnong indeingopa.

Mak oh yah meng ma brak matip meng oh 10:2

Imat am deipatin Parisi kat han ihir tit aprisa Jisas ohe danong adason mar imtinmat ohnong Nohana. Tit han tit kuu dara it mandatporo daham mandahanoh diradire sawa meng oh Oh yahwa. Mandatina naporpatda da Oh ermur naporpat. Go kiano dahapat. Go ritina por dahandeingopari.

Mak oh yah meng ma brak matip meng oh 12:15

Por dahamtiperhan Jisas oh Norhe boknong tasutin ohe meng ha ritinoh rim naporiya ma hapat daham am hapat ihirnong Wa. Pang yotsi hat pati han bap gur norhe boknong tasutin ohe meng oh ha ritinoh rim dahanahaptida. Gin gur takis yan saripti ohe mani oh tit pitap teinong matinmur potporhan

Mak oh yah meng ma brak matip meng oh 12:18

Gahan Sadyusi ihir Hanip haputporhan it da na tarpam na masaprimur ripti han bap ihir Jisas ohnong meng dahamtinmat orhe patnong apingopari.

Ruk oh yah meng ma brak matip ohe meng oh 10:25

Gahan Jisas oh meng am deipatin pohon sawa mengnong amnap hat pat han tit tandeima Jisas ohe mengnong adason matporim ohnong Tisa. Noh kinhahrit dipwi yah hat paten ohe da oh datiproh por dahandeingopri.

Ruk oh yah meng ma brak matip ohe meng oh 11:16

Imtiperhan kat han ihir Jisas orhor orhe winnong daptuhur er hat ha sonoh daham ohnong Nuhur Moh Got ohe kasip ohsi patim indeipat ma hapat dahatin ohe da oh na wandeipti han tit namgitinmur. Namgirit nuhur dahatper por da akis deingopari.

Ruk oh yah meng ma brak matip ohe meng oh 20:23

Por dahamtiperhan Jisas oh Norhe boknong tasutin ohe meng ha ritinoh rim mihtin meng moh napor dahanahaya ma hapat daham am hapat ihirnong

Ruk oh yah meng ma brak matip ohe meng oh 20:27

Gahan Sadyusi ihir Hanip haputporhan it da na tarpam na masaptimur ripti han bap ihir Jisas ohnong meng dahamtinmat orhe patnong apingopari.

Jon oh yah meng ma brak matip ohe meng oh 8:6

Potperhan Jisas oh mem hama bessi mongnong brak deingop.

Aposer 4:1

Pitasi Jon ihit kopen meng poriptin ap yawar hanat bok hano ap yawarnong wamat pati han ire duuptei hano Sadyusio ihir apingopari.

Aposer 5:17

Ihat patin gahan Got ohe ap yawar ohe hanat bok han ire duuptei han tito orhe han Sadyusio ihir Dirhe aposer ire tan hat patinengo daham ihirnong heisup mat apingopari.

1 Korin 1:22

Irat bok sur gartahatip mengnong na dahatin menghe daham ma mandapti oh Juda hat pati han ihir Nuhurnong hanip dire na imtin hatin da tit namgiritwi nuhur wandeipti am hama arpin ihat pat hanhe daham orhe danong hatper dahaptimur. Juda na hat pati han bap ihirhe Nuhurnong kakdah morhe dakuu mengwi naporiyarit nuhur Got ohe danong hatper dahaptimur.