Matyu 15:4 - Oksapmin

⁴ Gure pohon meng dimtinmat Got ohe mengnong ma amkaripti oh mamarumur. Got oh Brer gur suanir itanir ire meng amram panggeinmur napotipmur. Tit meng ma napotip oh Brer ihir supir itapir ire meng na amram dasei deiyahanoh ama ihat saya brer ihirnong suyarit ha haputingwemur napotipmur.

Matyu 15:4 ပူးပေါင်းရင်းမြစ်များ

Matyu 15:3

Por dahamtiperhan Jisas oh Es. Gurnong oh gure pohon mengnong dimtinmat Got ohe mengnong amkariptimur. Gure ma ihapti oh kianorim ihapti.

Matyu 15:5

Ama ginapotip mengnong oh gure ma amkaripti oh mamaru mat amkat pisaptimur. Gur guragure sawa meng oh kuuhan ihirnong am matinmat Kuuhan gure suanir itanir ihirnong panggeitin han erer oh Got ohnong apriyamur por apriya hatin hapti suanir itanir ihirnong na panggeima guragur marin ayahan yahwimur por gur imat sawa asariptimur. Parisi gure imat ma sawa asaripti oh suanir itanir ire danong ham panggeitinmur ma napotip mengnong amkar ihat saptimur.

Matyu 19:19

Suanir itanir ire danong ham ire mengnong oh pomat amram dindeinmur. Arwananah ihirnonghe gorhe ma yah hat inpora ma dahapat da orhor ihirnonghe amaru mat bopor deinmur. Ama sawa meng muk oh go amram dindeinmur pongop.

Matyu 4:10

Potporhan oh Satan go sona. Got ohe ritporhan ma brak matpa meng oh mamaru hat patmur. Gur guragure Hanipyah Got orhe danongwi ham armi deiyao orhe atamreindin oh atamreiyao ham patenmur ritporhan brak matpamur. Ihtin ohoh ihan noh gwe danong na hatiprohmur. Ihan go sona potipri.

Rom ihirnong Por oh brak atip ohe meng oh 3:31

Dire Krais ohnong Ohwi inahatin hatin hanwa ma dahapti ohe pe ohwi Gur yah han bapmur naporpat ohoh ihan dir Got orhe sawa mengnong moh amkar amdatper dahatiproheda. Basra. Na mandam marin papten meng mat paptimur.

Epesas 6:1

Brer gurhe Nuhur Hanipyah orhe hrepnong hat ma pati oh ather emher ire hrepdapat hat patim iraire meng amram dimtinmur naporpat ohoh ihan emher ather ire meng amram dindeipera daham dindeinmur.