Matyu 14:19 - Oksapmin

¹⁹ Apriperhan oh ihirnong Gur yah tei tongnotina pora den hanen oha; aning yot bok oha dara aw teinong wamara Got ohnong weso pongop. Weso pora den oh brisbras pora aning ohsi napriporhan nuhur pandipa.

Matyu 14:19 ပူးပေါင်းရင်းမြစ်များ

Matyu 14:18

Potperhan Ihan poprina napotporhan nuhur dara apdapa.

Mak oh yah meng ma brak matip meng oh 6:39

Potperhan oh Gur kuuhan amuk amuk mat pisusa Yah tei dus oh tongnotina potinmur pongopri.

Mak oh yah meng ma brak matip meng oh 6:41

Jisas oh den hanen gon oha; aning yot bok oha dara aw teinong mahat wamara Got ohnong Weso pongopri. Weso pora den oh brisbras pora aning ohsi ohe pinggit pisapat han ihirnong apingopri. Apriporhan ihirnong nitat mat pandipari.

Mak oh yah meng ma brak matip meng oh 7:34

Amarima aw teinong mahat watahapat nah isip tit pamrasa Epata pongopri. Epata ma poripti oh Nat kit pat go gin nat tem tanputina ma poripti ohmur.

Ruk oh yah meng ma brak matip ohe meng oh 22:17

Pora irat gwe tom gap san oh dara Got ohnong weso pora Gin gur moh tit uh dama tit uh tit uh hat sonmur por apingopri.

Ruk oh yah meng ma brak matip ohe meng oh 22:19

Giporpat den tit dara Got ohnong weso pora brisbras pora ihirnong Moh norhe ina bokmur. Gure gwemat norhe ina boknong batbet datiprawa daham norhe ina bok moh kis mar gurnong namdemur. Kaput gure mamaru mat ma dapri oh norhe danong ham denmur por nitat mar apriporhan ihir dipari.

Ruk oh yah meng ma brak matip ohe meng oh 24:30

Patemo hama den diperim tap hat tongnoma den tit dara Got ohnong weso pora den oh ihitnong akatket deingopri.

Ruk oh yah meng ma brak matip ohe meng oh 9:16

Tongnotperhan Jisas oh den hanen ohsi; aning ep yot ohsi darpat aw tei mahatnong watahama Got ohnong Weso pora brisbras pora orhe han ihirnong Gin gur ihirnong nitat mar pandinmur por apingopri. Apriporhan ihir nitat mar pandipari.

Jon oh yah meng ma brak matip ohe meng oh 11:41

Potporhan ihir kwei tan oh dapus pongopa. Dapus potperhan oh aw teinong watahama itap ohnong Ata. Nohe ma napotiproh meng oh gorhor amram inahatiproho rim noh gonong weso napormur.

Jon oh yah meng ma brak matip ohe meng oh 6:23

Dahapti ihir angdeiyaoh Jisas oh ama ti na pat hatip oh. Na pathan gahan Taibirias ire tinong bot apris Jisas ohe ma apung weso ritporhan den diri tei kakduup oh hatperhan ihir ama bot dahnong rus tongnoma irair Jisas ohnong angmat Kapeneam apteinong ama mandeihpa oh.

Aposer 27:35

Pora den oh dara ihir wamat patin Got ohnong weso pora den oh katket mar dangop.

Rom ihirnong Por oh brak atip ohe meng oh 14:6

Got oh nitat dik natip ma hapat daham ma ihat sapti han guroh Got orhe danong ham ihat saptimur. Ti den ti den moh gonsi yahwiwa daham ma dapti han gurhe amaru hat orhor Got orhe danong ham weso por ihat saptimur. Mama den moh na dapti denmur rim ma na dapti han bap gurhe amaru hat orhor Got orhe danong ham weso por ihat saptimur.

1 Korin 10:16

Gin gur Krais ohe boknong kis mar dapti tomo deno ohnong dahenmur. Dir Krais orhe heim tom ma dapti oh Got ohnong weso por daptimur. Imat weso por ma dapti oh Krais ohe heim ma tandurketip oh dirnong orhorsi tit inawi nahat napapatwa daham weso por daptimur. Den ma dapti oh Krais orhorsi tit inawi hat pati ma hapat daham orhe watah oh brisbras por daptimur.

1 Korin 10:31

Nohe ma naporpat oh mamaru hat orhorwi ha patengwe rim naporpatmur. Gur den dam tom dam erer oh gonsi hatinmat oh Nuhur kinhayarit Got orhornong winsi han matiprohe daham orhornong winsi matin han erernong ohwi ihat sashenmur.

1 Korin 11:24

Jisas oh den tit dara orhe pinggit pisapat han ihirnong pandinmat Got ohnong weso pora brisbras pora Mohri norhe gure gwemat haputipra ohe ina bokmur namde. Ihan kaput gure mamaru mat ma dapri oh nohe gure gwemat ma haputipra ohe danong ham denmur por nitat mat apdapmur.

Korosi 3:17

Rit susa gure meng rit sapti dao gure ma ihat sapti dao ama ihat sapti da gonsi oh Krais orhe hrepdapat hat patim ihat sashenmur. Ihat susa Got ohnong dipwi weso porwi paptenmur. Dire weso porwi ma papti oh Krais oh mutuh han ham itap ohnong porpat ma hapat daham weso porwi paptenmur.