Matyu 13:21 - Oksapmin

²¹ Amam ham amrapti orhor kaker dahnong na waihim pat ohoh Gur Jisas ohe meng pot pisapti han bap gurmur por ire boknong dasei meng por ruumsup apriperhan ihir kapkap orhor meng mandaptimur.

Matyu 13:21 ပူးပေါင်းရင်းမြစ်များ

Matyu 10:22

Gurnonghe Maihir Jisas ohe nita han ihir ma hapat napor heisup nahat napapteprimur. Inahat napaptin gurdapat Got ohe danongwi kasip hat mandayahanoh kaput pepe dik oh ama ihat pati bap gurnong oh Got oh nambutipramur.

Matyu 11:6

Hanip bap gur nohe ma ihat sapatnong moh wanahama Moh arpin hande dasuh hande na daham arpin han orhorwa daham tit dawi hat pati kuuhan gur amamsi hat pati kuuhan bap gurmur pongop.

Matyu 13:20

Kwei kiki tei ma wanpat ohe den gwe oh Got ohe mengnong oh amratpera daham amam hat orhorwi ma amrapti bap ihirmur.

Matyu 13:57

Jisas ohnong garmar heisup deingopa. Heisup matperhan Jisas oh Got ohe meng pot pisapti han ihiroh wan apteinong sus Got ohe meng potperhan winsi deiptimur. Iraire aptei oh meng oh potperhan winsi na deiptimur pongop.

Matyu 13:6

Ti kwei kiki tei wandangopari. Wandasa yah hat maras orhora; mong ariar tei ohoh

Matyu 24:13

Ihtin orhora; Jisas oh inahatin hatin hanwa daham kasip hat patiru hat orhorwi patin pepe dik ma hah tei oh Got oh nambutipramur.

Matyu 26:31

Susa mandap oh Jisas oh nuhurnong Gur nohnong Oh nuhurnong nambur kasip nahat pat hanwa ma dahapti da oh gin kwihan morhor nohnong inahatperhan gur ama dahapti danong mandama kas ham tandutiprohemur. Ma ihtiprohe oh ma brak matpa meng oh arpin dam timdiprohmur. Ma brak matpa oh Got noh sahapti han ire nita han ohnong sutporhan sahapti han ihir mandam kukutiprimur ritporhan brak matpamur. Ma brak matpa oh arpin dam timdiprohmur.

Matyu 26:33

Napotporhan Pita oh Gorhe han nuhur maihir gonsi namdayahanoh nohra gonong eimat na namdapramur pongop.

Mak oh yah meng ma brak matip meng oh 4:17

Amam ham amrapti orhor kaker oh dah na waihim pat ohoh Gur Jisas ohe meng pot pisapti han bap gurmur por ire boknong dasei mar ruumsup matperhan ihir kapkap orhor meng mandaptimur.

Ruk oh yah meng ma brak matip ohe meng oh 8:13

Kwei kiki tei ma wanpat ohe den gwe oh Got ohe mengnong oh amratpera daham amam hat orhorwi ma amrapti bap ihirmur. Amam ham amrapti orhor kaker oh dahnong na waihim pat ohoh ire danong akis matin supo ina ruumsupo ama sup ihir ire boknong kis matperhan kapkap orhor mandaptimur.

Jon oh yah meng ma brak matip ohe meng oh 6:26

Potperhan oh Noh arpin meng napotiprohmur. Gur Oh hanip dire na imtin hatin han tit ma namgingwer oh Moh arpin Got ohe nambutinmat nadarhetip hankin daham nohnong na angnahat apriyamura; den dam kasip hata ohe danong oh ham nohnong angnahat apriyamur.

Rom ihirnong Por oh brak atip ohe meng oh 2:7

Nohe yah hat sapat ohe pe oh Got oh amamsi naham winsi han naham orhorsi yah hat eimat paten dasi sa nahatipra daham ama ohe danong kasip ham ma yah hat sapti gurnong oh Got orhorsi dipwi yah hat paten ohe dasi nahatipramur.

Garesia 5:6

Jisas Krais ohsi tap hat ma pati dirnong oh Got oh eit watah gatmatperhan ama gatdeiya ohe pe oh Go yah hanmur naporpatda. Na gatdeiyahanhe ama na gatdeiya ohe pe oh Go yah hanmur naporpatda. Basra. Ama gatdeiya na gatdeiya hapti ohe pe oh na ginaporpatmur. Jisas Krais ohe tapnong hat patim Ohwi inahatin hatin hanwa daham ihirnong bopor mar panggeipti ohe da ohwi Got oh wanaham Go yah hanmur naporpatmur.

Garesia 6:12

Kat han ihirdapat kasip mengtei Gur eit watah gatmatin ma naporipti han bap ihir Nuhur Krais ohe irat bok sur gartahatip meng mohwi pot ayahanoh nitiprikin daham eit watah gatmatin ohe mengnong isip deiptimur.

Garesia 6:15

Ihan eit watah gatdeiyao na gatdeiyao ma hapti oh oh be teiwi ihaptimur. Got orhe ma kopenohe inasi naham kopen han ma nahapat ohe da ohwi isipnap hat patmur.

Epesas 3:17

Papatin ihir Krais orhorwi inahatin hatin hanwa ma dahapti ohe dap tei oh Krais orhor ire mutuhnong ham ha patenohmur. Ihat patin Got gorhornongsi; hanip ihirnongsi bopor mar da apripti ohe da oh ire mutuhnong ha hatinohmur. Hama irat kaker oh mong mutuhnong yah hat wasa iratnong ma kasip deipatru hat orhor bopor mar da apripti ohe dahe ihat orhor ha kasip deinohmur.

Piripai 1:6

Nohe tit ma daham weso por nadahandeipat oh Got orhe yah hat pat ohe da oh noh ire mutuhnong amar kaput imat mamen matiprawa daham ohe yah hat pat ohe da oh gure mutuhnong rang ohe tan duup mat nat pat da oh arpin isip mar pei mat orhorwi napisus namamen matiprawa. Namamen deirit Krais oh apriprawa daham amam hat orhorwi Got ohnong weso porpatmur.

2 Timoti 1:15

Pigerassi; Hemogenes ihito Esia mong aptei aptei ma Got ohe nita bap ihiro gonsi ihir nohnong kasna naham namdatirimur. Kasna naham ma namdatiri oh go am hat patmur.

2 Timoti 4:10

Nohsi patesuh han Demas oh kakdah mohe paten danong isip hama nohnong namdama Tesaronaika apteinong pipmur. Ma napanggeit napapti han ihiroh Kresens oh Garesia mongnong sus patmur. Taitas oh Darmesia mongnong sus patmur.

Jemis 3:2

Dire ma saya apriya haptinong oh trun tit er hat saya apriya hat patimur. Tit han tit han ihir er meng na rima yah meng orhorwi rit saya apriya hat pati han ihirmur. Ama ihat pati bap ihir Got orhe da ohsi tap kat hat ma pati han ihirwimur. Ama ihat pati han bap ihirwi iraire inanong ongeng mat orhorwi pisaya popriya mat papti han bap ihirmur. Ama ihat pati han uut han gurwi Nuhur meng am mat pisashen han hatpera dahenmur.

1 Pita 1:5

Ama minhan wamat pati dirnong oh Got orhor kasip han ohoh ihan orhe kasip ohsi dir Ohwi inahatin hatin hanwa ma dahapti ohe pe oh ama kasip ohsi ponahat wanahat napapatmur. Wanahat ma napapat oh oh Norhe ihirnong imat ambutiprawa ma dahat pat da moh noh pepe dik oh pitap mar ambutipramur daham mamen mat papat da oh dir ha datingwe rim dirnong yah mat orhor wanahat napapatmur.

Erer tarpatipra 2:13

Orhordapat gure orhe nita hat patim ma ihat saptinong oh orhor am hat patri. Gure aptei oh oh am hat patri. Satan oh duuptei han hat pat apteiri. Ihtin aptei orhor Jisas orhe danong hat ma pati han gur Nuhur Satan gwe han basmur. Nuhurri Jisas orhe nita bap nuhurmur riptiri. Gure orhe danongwi ma kasip hat pati oh orhor am hat patri. Gur orhe danongwi kasip hat patin Antipas ohnong Jisas ohe danongwi ham ohe meng pomat pot pisapat hano rim ohnong Satan ohe napapat aptei oh sutperhan gur na gapa hama orhe danongwi kasip hat patiri.