Matyu 12:46 - Oksapmin

⁴⁶ Pora Jisas oh ama tarmuriya kuuhan ihirnong kopen meng am deipatin orhe nap gapiniro supo ihir sa apris kot tei oh inpari.

Matyu 12:46 ပူးပေါင်းရင်းမြစ်များ

Matyu 1:18

Jisas ohe ma itpa oh mamarumur. Sup Maria uh Josep itait sa gosdatipri rim kis mat paptin tap dah na timan patin uh be bokdus brer ake hatipmur. Brer ma ake hatip oh Got ohe Yahsup oh Kuu moh brer ha itinoh dahatporhan brer ake hatipmur.

Matyu 12:47

Patin tit han tit maras Gin gwe suao arwaniro ihir apriyamur. Apris gosi mengitperim gonong naminhan patimur pongop.

Matyu 13:55

Bupang ripti Moh ap hapat han ohe brer basda. Orhe sup uh Maria uh basda. Jemiso Josepo Saimono Judaso ihir orhe arwapir basda.

Matyu 2:11

Amam hama ap oh ros wandeiyaoh Maria ihit iman patingopari. Patihan ihir katin takira tongnom ohnong armi matpari. Armi deipti ire mim apriya erer oh taphoma apdapari. Ma apdapa oh kwei goro irat gap gapgwesi tomo irat harheir gwe hatin gapgwesi hano oh ama han erer oh yan isipsi mohopti han ohwi apdapari.

Matyu 2:20

Gin gwe brer ohnong kaimat itpora ma dahat pat han oh haputirmuro. Ihan brer iman ihitsi guragur it Isrer mongnong sonmur pongopri.

Mak oh yah meng ma brak matip meng oh 2:21

Jisas oh kopenohe da ohsi; rihohe da ohsi na sahsah deiptio rim oh mameng moh ringopri. Rihohe aripti watah oh tem tahatporhan kopenohe watah bra tit dara rihohe watah temnong na apaptimur. Apayahanoh mukmak tahah tei hanip go dirhitporhan tem isip hatiprohmur.

Mak oh yah meng ma brak matip meng oh 6:3

Moh wan han ihirda. Ap hapat han Maria uhe mon orhor basda. Jemiso Josepo Judaso Saimono ire arwap oh basda. Orhe kuunang taptem ihir dirsi na patida gigoshapti gardeingopari.

Ruk oh yah meng ma brak matip ohe meng oh 1:43

Go apris nohnong Uum go patda napotporhan kopen amrapatin orhor nohe brer ake mutuh ma pat brer mohhe amam ham taptaparmur. Taptapatporhan norhe Hanipyah ohnong itipra kuu moh bisei kuu nohe patnong nandarhe moh nohnong yah da tit naham nohe patnong nandarhe ma hapat dahahmur.

Ruk oh yah meng ma brak matip ohe meng oh 2:33

Ameng oh potporhan supsi itap ihit amrapti Epe. Moh ihtin brer ohoh oh ihtin meng por sa daham ihit ama da darhetpa oh.

Ruk oh yah meng ma brak matip ohe meng oh 2:34

Da darhetperhan Simion oh ihitnong Got oh gutnong bapkeisi nahat sa napaptepra ama potip oh. Pora sup uhnong Brer mohri Got oh Go sus Isrer kat han er hat pati han ihirnong timbas deinmur. Kat han ihirnong eimat paten dasi mar amburinmur por kis matip brermur. Oh Got orhe imat napapat ohe da oh namgitin han hat patin kat han gon ihir ohnong garmar er meng por indeiprimur.

Ruk oh yah meng ma brak matip ohe meng oh 2:48

Tongnot pathan sup gamin ihit wamara ama sein bupang ritpa oh. Sein bupang rim sup uh Ita nuhut gonong da er ham ma angnahapti oh brer go kianorim nuhutnong ihtin ruumsup da nahato ama potip oh.

Ruk oh yah meng ma brak matip ohe meng oh 2:51

Ihama ap yawar oh mandama brer oh supsi; itap itaitsi it Nasaret ap mutuhnong ama waihpa oh. Wasa supsi itap ite poriya mengnongwi amram patesuhmur. Sup uh ohe ma ihtirnong oh da mutuhnong mar ama dahat patesuh oh.

Ruk oh yah meng ma brak matip ohe meng oh 8:10

Por dahamtiperhan oh Norhorsi sapti han guroh Got orhe napapat hrepnong nahat napapat ohe meng hanhan hat pati meng oh pitap teinong mar gurnong naporpat ohoh ihan gur am hat patimur. Be ma pati ihirnong oh mutuh mengnong dahatipririm paham mengteiwi porpatmur. Imat potporhan wamtin wandeipti orhor dahatinnong na dahaptimur. Amratin amrapti orhor dahatinnong na dahaptimur pongopri.

Jon oh yah meng ma brak matip ohe meng oh 19:25

Imtiperhan Jisas orhe sup uho sup nap uho Kropas inap Maria uho Makdara ihir Maria uho ihir Jisas ohe irat bok sur gardeiya duup oh tandeit patin

Jon oh yah meng ma brak matip ohe meng oh 2:1

Gahan yot dah timama bimrip oh Gariri mong Kena aptei ihir kuumi itperim Jisaso orhe namgit napisapat hano nuhurnong Aprina napor unangopa. Unatperhan nuhur ire tarmuriya apteinong pipa. Ma pipa oh Jisas ohe sup uhhe ama aptei oh sus patin nuhur pipa.

Jon oh yah meng ma brak matip ohe meng oh 2:12

Gahan Jisaso orhe sup uho nap gapiniro orhe namgit napisapat hano nuranur Kapeneam apteinong waihpa. Wasa Kapeneam aptei oh inpa.

Jon oh yah meng ma brak matip ohe meng oh 2:5

Potporhan sup uh kuu darir han orhe atamreipti han ihirnong Oh gurnong meng tit naporhanhe gur amram orhe ma napor mengru hat orhor ihenmur pongop.

Jon oh yah meng ma brak matip ohe meng oh 7:3

Jisas orhe arwapir ihir Jisas ohnong Go Judia mong ohe aptei apteinong na susa Gariri mong morhor aptei aptei mohwi ma tamrein sapat oh Judia mong ma pati gorhe kuuhan hat pati bap ihir gonong kinhat wanaham gonong winsi nahatiprohe. Ihan go mamong moh mandama Judia mongnong susa hanip dire na imtin hatin da oh pinggit pisashenmur.

Jon oh yah meng ma brak matip ohe meng oh 7:5

Ihir moh Aprin Got ohe Ihirnong ambutin han darhetipra ma ritip hankin na dahat patim gipotpamur.

Aposer 1:14

Ire rus ma inpa oh Jisas orhe supo orhe nap gapiniro kat kuu ihiro irair tit dawi hat patim Got ohsi mengir inpari.

1 Korin 9:5

Hanipyah orhe mengtei meng pot pisapti han Pitao ihir kuu dara inapir ihirsi tap hat meng pot pisaptimur. Ire ma saptiru nohhe kuu dar ihat ushan erda. Basra. Oh yahmur.

Garesia 1:19

Ama ihat indip ohhe Jisas ohe atamreishe han ihirnong kat han ihirnong na wamtipmur. Jisas ohe nap Jemis ohnongwi wamtipmur.