Matyu 11:6 - Oksapmin

⁶ Hanip bap gur nohe ma ihat sapatnong moh wanahama Moh arpin hande dasuh hande na daham arpin han orhorwa daham tit dawi hat pati kuuhan gur amamsi hat pati kuuhan bap gurmur pongop.

Matyu 11:6 ပူးပေါင်းရင်းမြစ်များ

Matyu 13:21

Amam ham amrapti orhor kaker dahnong na waihim pat ohoh Gur Jisas ohe meng pot pisapti han bap gurmur por ire boknong dasei meng por ruumsup apriperhan ihir kapkap orhor meng mandaptimur.

Matyu 18:7

Hanip dirnong er nahatin da kakdah mama ruumsan pat da moh Got oh ihirnong er mat papat da moh timbas matpora daham ma timbas matipra er da bap ihir hininsi han baprano. Ihtin da oh pat orhora; ama ihtin da oh gure tei oh tarpama ihirnongsi aprisipri. Ihirnongsi apriyahan ama imat apriya ohe pe oh kamahara hininsi bap gurmur.

Matyu 24:10

Inahatperhan kuuhan ruumsan kat tit Orhorwi inahatin hanwa ma dahapti da oh mandaprimur. Mandama arwananah ihirnong sutimat nang han ham ire bes teinong deiyao ihirnong heisup mar garmar suyao haprimur.

Matyu 26:31

Susa mandap oh Jisas oh nuhurnong Gur nohnong Oh nuhurnong nambur kasip nahat pat hanwa ma dahapti da oh gin kwihan morhor nohnong inahatperhan gur ama dahapti danong mandama kas ham tandutiprohemur. Ma ihtiprohe oh ma brak matpa meng oh arpin dam timdiprohmur. Ma brak matpa oh Got noh sahapti han ire nita han ohnong sutporhan sahapti han ihir mandam kukutiprimur ritporhan brak matpamur. Ma brak matpa oh arpin dam timdiprohmur.

Matyu 5:29

Gure kin oh watahama da ohon ma tarpapti oh pet mandatinmur. Pet mandatin tei oh Got ohe apnong ushan yahmura; orhorsi patin orhor irat has teinong tahe naporiyahan ermur pongopri.

Mak oh yah meng ma brak matip meng oh 6:3

Moh wan han ihirda. Ap hapat han Maria uhe mon orhor basda. Jemiso Josepo Judaso Saimono ire arwap oh basda. Orhe kuunang taptem ihir dirsi na patida gigoshapti gardeingopari.

Ruk oh yah meng ma brak matip ohe meng oh 2:34

Da darhetperhan Simion oh ihitnong Got oh gutnong bapkeisi nahat sa napaptepra ama potip oh. Pora sup uhnong Brer mohri Got oh Go sus Isrer kat han er hat pati han ihirnong timbas deinmur. Kat han ihirnong eimat paten dasi mar amburinmur por kis matip brermur. Oh Got orhe imat napapat ohe da oh namgitin han hat patin kat han gon ihir ohnong garmar er meng por indeiprimur.

Ruk oh yah meng ma brak matip ohe meng oh 7:23

Hanip bap gur nohe ma ihat sapatnong moh wanahama Moh arpin hande dasuh hande na daham Arpin han orhorwa daham tit dawi hat pati kuuhan gur amamsi hat pati kuuhan bap gurmur pongopri.

Jon oh yah meng ma brak matip ohe meng oh 16:1

Naporpat Gur Got ohe danong hat pati da oh mandapririm gurnong ihat ma patepri ohe meng oh mama gurnong napor am nahah ohmur.

Jon oh yah meng ma brak matip ohe meng oh 6:66

Potporhan Jisas ohsi sapti kat han gon ihir Ihtin meng napor moh ihan Jisas ohsi na indiprohemur rim eimat mandam sangopa.

1 Korin 2:14

Yahsup oh ire mutuhnong na patisi ihiroh orhe namgim am nahapat meng moh ihir amram na datin ina hat patimur. Ihat na datin ina hat pati ohoh ihan Moh da timbas na dahatin meng tit naporiya ma hapat dahaptimur. Yahsup ohe namgim am nahapat da oh orhorwi am nahatporhan am hapti ohoh ihan Yahsup oh ire mutuh ti na patisi han ihiroh dahatinheri na dahaptimur.

Garesia 5:11

Nohe taptem gur dahatinmur. Nohnong Oh eit watah gatdeipti mengsi irat bok sur gartahatip ohe meng ohsi yot mat orhor mat porpatmur ma naporipti oh mohnong daham Oh imat na porpatin orhor ohnong be giporipti ma hapat dahenmur. Noh eit watah gatmatin ohe mengsi; irat bok sur gartahatip ohe mengsi yot mat porpatneng ihir nohnong heisup naham ina ruumsup oh nohe boknong na haptinengmur. Ihir nohnong ina ruumsup ma napripti oh Oh imat yot mat na porpat ohe pe oh orhornong ina ruumsup apripti ma hapat daham am henmur.

1 Pita 2:8

Ama ero por mandatpa han ire ihat pati ohe meng oh ritporhan ma brak matpa oh mamaru hat patmur. Ama ap kwei tam ohe bok oh ihir tung rim tapam or wandasiprimur. ritporhan brak matpamur. Ma brak matpa mengru meng na amram kom asariya han ihirnong oh ama kwei bok oh tung rim or wandaptimur. Ama ihat pati bap ihirnong rih orhor Got oh ihir ihaprimur rim kis mat paptesuh bap ihirmur.