Matyu 10:41 - Oksapmin

⁴¹ Got ohe meng pot pisapat han ohnong Moh Got ohe meng pot pisapat han ma hapat. Ihan noh ambutpora daham amam ham amburiyahanoh ama ihya han gur ama ambur han ohe ma yah yan datipra oh gurhe ihtin yah yan orhor datiprimur. Moh duung danong ongeng mat papat han ma hapat. Ihan moh ambutpora daham amam ham amburiyahan ama ihya han gur ama ambur han ohe yah yan ma datipra oh gurhe ihtin yah yan orhor datiprimur.

Matyu 10:41 ပူးပေါင်းရင်းမြစ်များ

Matyu 16:27

Hanip Brer nohe ma apripra oh at ohe has da ohsi nahatporhan enser ihirhe nuhur tap hat apriprimur. Aprisa gure ma ihapti ohe pe oh it napripramur.

Matyu 25:44

Por imtiporhan ihir it Es. Hanipyaha go desut pahoh haho tom din haho hohop han haho watah timbas han haho sik haho karapus haho hat patin nuhur desut wanaham na napaptenipti napotiprimur.

Matyu 25:45

Napotperhan nohdapat Es. Gur win timbas han maihirnong ma na panggeishe oh nohnong na inahashemur potipramur.

Matyu 6:1

Jisas oh ameng oh porpat Gur Ihir nuhurnong wanahama moh yahnap hanhe rim ha armi nahatingwe rim gur ire kintei yah han hatin hat sasipri. Ihan gur ahar ihirnong panggeit pisashenmur. Ihat ahar na panggeit ayahanoh gure ita aw tei mahat ma pat han ohhe yan oh na napripramur. Ihan ahar damdapat ham panggeit pisashenmur.

Matyu 6:18

Ihat orhor patin be han ihir hanhan hatperhan ita ahar wanahat pat han orhorwi gure ma ihat pati da oh am hatiprohmur. Am hama gure ma ahar ihat pati da oh yah tit napripramur pongopri.

Matyu 6:4

Imat ahar apriyahanoh ita oh am hama yan naprisipramur pongopri.

Matyu 6:6

Ihan gur ihat beten hapri. Gur ahar guragure ap dahnong tit rosa ap tapura At na wandeipti han ohsi mengrinmur. Ihaptin ita erer wamar ma am hapat han oh am hama yah yan naprisipramur.

Matyu 7:8

Datpera daham Got ohnong dahandeipti gurnong napripatmur. Wamtipera daham angdeipti gur wandeiptimur. Ha napanggeitinoh rim ap gwatei kang kang poripti gurnonghe ap gwatei nadapuma napanggeipatmur.

Aposer 16:15

Pomat amrapat Jisas ohe danong hapat tom waporim uho urhe supiro itapiro taptem bapo ihirhe tom wangopa. Tom wasa nuhurnong Gur nohnong Uh arpin Jisas ohe danong hat pathe dahayahanoh apris nohe ap indiprohemur napor kanahatporhan nuhur arpin sus uhe ap oh inpa.

Rom ihirnong Por oh brak atip ohe meng oh 16:23

Nohnong nambur napapao Sios gonsi bap ihirnong yah mar papao deipat han Gaias ohhe gurnong Ihirhe sa yah hat patio rim dahatahatporhan noh gurnong mama brak mat na sar ohmur. Mama ap mutuh han ire mani itperhan wamat pat han Erastas ohsi diradire taptem Kwotas ihit gurnong Ihirhe sa yah hat patio rim dahatahatperhan noh mama brak nasar ohmur.

1 Korin 9:17

Noh norhe da orhor ihat meng napot napisapatda ihan noh meng naporpat ohe pe oh Gur nohnong napanggeinmur napotiproh. Noh norhe da orhor meng napot na napisapatmur. Got orhordapat Go nohe meng moh pot pisona napor kis nahat napapatin noh orhe meng oh gurnong napot napisapatmur.

Hibru 6:10

Gur ihat patim Got orhe danong ayah deipti da ohsi diradire taptem ihirnong panggeitpera daham panggeisheru panggeit orhor mama papti ohmur. Ama ihat sapti da oh Got oh er han bas ohoh ihan oh na hanhan mara dahatwi pat hanmur.

2 Jon 1:8

Ihat dasuh nahat apripti ohoh ihan diradire kasip ham tamreipti ohe pe ma dat pati da oh timbas hatiprarim gurhe kasip ham inin hat orhorwi wamat patenmur. Guragure kasip ham ma daripti da oh isip mat pei mat orhor ha napinoh rim kasip hat orhor patim inin hat patenmur.