Matyu 10:22 - Oksapmin

²² Gurnonghe Maihir Jisas ohe nita han ihir ma hapat napor heisup nahat napapteprimur. Inahat napaptin gurdapat Got ohe danongwi kasip hat mandayahanoh kaput pepe dik oh ama ihat pati bap gurnong oh Got oh nambutipramur.

Matyu 10:22 ပူးပေါင်းရင်းမြစ်များ

Matyu 24:13

Ihtin orhora; Jisas oh inahatin hatin hanwa daham kasip hat patiru hat orhorwi patin pepe dik ma hah tei oh Got oh nambutipramur.

Jemis 1:12

Hanip gure boknong ruumsup oh apris namkatporhan Got ohe danong hat pati ohe da oh na mandama kasip hat orhor pati gurnong oh Got oh yah yan napripramur. Yah yan ma napripra oh Got oh nohe danong hatin ohe da oh na gapa ham rum mutuh nahat pati han ihirnongwi yah hat eimat paten dasi matiprawa daham ma mamen mat natip eimat paten da oh ihat pati gurnongwi napripramur. Ruumsup oh apris namkatporhan kasip hat orhorwi ma pati gurnong ihtin eimat paten da oh napripra ohoh ihan ama ihat pati bap gur amam dasi hat pati bap gurmur.

Erer tarpatipra 2:10

Gur ama ina ruumsup ma daripri oh gur kasa hamhe mandam sasipriri. We. Gur dahatinri. Satan ohe mengtei gurnong kis naham kat gurnong Jisas orhe nitao rim karapus nahayao niyao nahatipriri. Nahatperhan gur ama ohe ina ruumsup dat patina kathei dah timdipriri. Ihtin ohoh ihan gure nohe danongwi hat pati danong oh mandatipriri. Niyarit hapurhanhe yahwa. Nohe Jisas ohe danong ma hat pat da moh na mandatiprohwa dahatwi patenri. Ihapti han bap gurnong ama ohe pe yan oh eimat paten ohe da napriprari.

Mak oh yah meng ma brak matip meng oh 13:13

Gurnonghe Maihir Jisas ohe nita han ihir ma hapat napor kuuhan gonsi ihir heisup nahat napapteprimur. Inahat napaptin gurdapat Got ohe danongwi kasip hat mandayahanoh kaput pepe dik oh ama ihat pati bap gurnong oh Got oh nambutipramur pongopri.

Matyu 10:39

Gur kakdah mohe paten danongwi hatpor dahayahanoh ama da ohsi kakdah moh timbas hatiprimur. Ihir nohnong Go Jisas ohe yah hanmur napor niyahanhe yahmur ma ihat dahapti guroh Got ohsi dipwi paten dasi datiprimur napongop.

1 Jon 3:13

Amaru hat orhor kakdah ohe danong hat ma pati bap ihirdapat gurnong yah hat sapti ohe pe oh dasei naham inahayahanhe gur Nuhurnong kianorim sa inahayao daham da trun darhetipri. Ken oh arwap ohnong na bopor mar ma imtip ohe tan mat nuhurnonghe inahaya ma hapat daham kimirinmur.

Matyu 24:9

Ihat ma apripra oh Moh Jisas orhe nita hat pati hano rima gure boknong batbet nahatinmat ire bes teinong nahama batbet nahamo sein nimo nahat napisasiprimur. Napisusa mong mong gonsi ihir tap ham dasei naham garnahatiprimur.

Rom ihirnong Por oh brak atip ohe meng oh 2:7

Nohe yah hat sapat ohe pe oh Got oh amamsi naham winsi han naham orhorsi yah hat eimat paten dasi sa nahatipra daham ama ohe danong kasip ham ma yah hat sapti gurnong oh Got orhorsi dipwi yah hat paten ohe dasi nahatipramur.

Hibru 6:11

Guragure taptem ihirnong ma kasip ham panggeit pisapti da hatin hat orhor Got ohe danong hatin ohe dahe ihat kasip hat orhor saptiru saptin mong pepe dik oh sa hatipra. Ihat sayahan oh guragure Got oh inahatiprawa ma dahapti da oh gonsi dam sa tarpat sasipra.

Jon oh yah meng ma brak matip ohe meng oh 17:14

Gwe meng oh noh pot mandamur. Pot mandatporhan kakdah morhe danong hat pati kuuhan ihirdapat norhe han ihirnong Gur Jisas ohe kakdah han nure da hatin na hat patru gin gurhe ihtin da hat pati moh por ihirnong garmar heisup deiptimur.

Garesia 6:9

Gur arwananah ihirnong asoh yah da apris panggeitin ohe danong oh garhapri. Ihirnonghe kasip ham pan hat orhorwi panggeit paptenmur. Na garham imat panggeipti tei oh kaput dam timdiporhan datin oh gurhe yah dam datiprimur.

Ruk oh yah meng ma brak matip ohe meng oh 6:22

Kat kuuhan ihirdapat gurnong Maihir Hanip Brer Jisas ohnong dindeipti ma hapat daham gurnong heisup naham gurarhe teinong naham kom nasariyao dasei meng naporiyao gure winnong naer deiyao nahayahanoh gur amamsi hat pati bap gurmur.

2 Korin 4:11

Moh Jisas orhe meng pot pisapti han bap ihir ma hapat daham nitin ina nahat pati orhor Jisas ohe hapura it masas pip ohe kasip da oh ire kakdah ohe timbas hatin ina da mohsi tap hat pati ma hapat ha dahat patengwe rim nipti orhor gapa ham na mandaptimur.

Matyu 5:11

Maihir Jisas ohe nita ihir rim ihir gurnong dasei nahayao inaham niyao inin meng gure boknong nahayao dasuh meng gure boknong nahayao ma inahaya gur amam henmur.

Erer tarpatipra 2:17

Hanip nat temsi gur Yahsup ohe sios gurnong ma naporpat meng moh amratinri. Er danong gure merwi mar suya han gurnong oh Got orhe aptei ma namdipra den oh hanip na wandeipti den oh namdiprari. Namdem has kwei kor tei kopen ohe win nitat nasara napriprari. Napriporhan ama napir han guragur nitat winwi am hatipriri. Ihtiprio rim noh Pergamam sios gurnong mama brak mat nasar ohmur.

Jon oh yah meng ma brak matip ohe meng oh 7:7

Kakdah han bap guragurnong oh tap han bap guragur ohoh ihan kat ihirdapat kat han gurnong heisup na nahaptimur. Nohnong oh kakdah han bap guragure er hat sapti da oh noh pitap teinong mar natirip hatporhan nohnong ama ohe pe oh heisup nahat napisaptimur.

Ruk oh yah meng ma brak matip ohe meng oh 8:15

Mong yah dus ma wanpat den gwe oh Got ohe meng oh amrama Amram dimtipera daham yahnap dasi hat pati ihiroh mengnong na mandama kasip ham marin patin orhor dam timapatmur pongopri.

Erer tarpatipra 3:21

Er da ma gure merwi mar suya han gurnong oh orhe tongnoma napapat tei oh Diradir tap ham tongnom papinper napotiprari. Orhe merwi mar suma itap ohe tongnom napapat tei oh orhe itap ohsi ma tap hat tongnotipru hat orhor gurnonghe Diradir tap hat tongnotpera. Tongnoma diradir tap ham hanip ihirnong papinpera napotiprari.

Erer tarpatipra 2:7

Hanip nat temsi gur Yahsup ohe sios gurnong naporpat meng moh amratinri. Er danong gure merwi mar suya han gurnong oh Got ohe aptei yahnap rang ru mutuh ohe eimat paten dasi nahatin ohe irat gwe oh gurnongwi Dina napotiprari. Ihtiprio rim noh Epesas sios gurnong mama brak mat nasar ohmur.

Hibru 3:14

Kasip goshat patim gure rih orhor kopenat ma Ohwi inahatin hatin hanwa daham ma kasip hatpa da oh kasip hat orhorwi ma marin pati bap dirwi Krais orhorsi tap hat tamreimo pati han bap dirmur.

Erer tarpatipra 2:26

Er danong gure merwi mar suma orhe dahat pat danong ham dindeiptiru mong pepe dik ma timbas hatipra dik oh imat orhor dindeipti han gurnong oh aw pe mong pe han ambap ambap ihirnong gure hrepnong namtiprari.

Aposer 9:16

Am mat pisapatin ama am mat pisapat ohe pe oh ruumsup batbet ma daripra oh norhordapat gorhe boknong naham namgipramur por norhor kis mat papat han ohoh ihan go sonmur ama potip oh.

Erer tarpatipra 2:3

Ihirdapat Maihir Jisas ohe nitao rim ina ruumsup nahapti orhor gure na gapa hama kasip hat orhorwi pati oh orhor am hat patri.

Ruk oh yah meng ma brak matip ohe meng oh 21:17

Kuuhan bap ihirhe gonsi ihir gurnong Maihir Jisas orhe nita hat patim ihat saptio napor heisup nahat napapteprimur.

Ruk oh yah meng ma brak matip ohe meng oh 21:19

Inahat napisaperhan Got oh yah mat napapat ohoh ihan kasip hat orhorwi patenmur. Ihat patimdapat eimat yah hat paten ohe da oh datiprimur pongopri.