Matyu 10:20 - Oksapmin

²⁰ Gurangure da oh na ihtiprohemur. Ita Got orhe Yahsup oh gure atem tei rit natporhan poriprohe ohoh ihan gur Nuhur ihirnong kian meng sa potiprohe daham da trun darheripri.

Matyu 10:20 ပူးပေါင်းရင်းမြစ်များ

Aposer 6:10

Sakarap matperhan oh Got ohe Yahsup oh ohe mutuh pat ohoh dakuu meng potporhan ohe mengnong kinmat sakarap mar ohe mengnong amkatin ina hangopari.

Ruk oh yah meng ma brak matip ohe meng oh 21:15

Gurnong ire duupnong napisayahanoh ama napisaya tei orhor noh gurnong dakuu dasi naham daham yahnap meng potin ohe meng oh gure atem tei rit natipramur. Rit natporhan ama meng oh gur ihirnong potperhan ihir gure meng oh sakarap naham na namkatiprimur. Inahatipra ohoh ihan gur Nuhurnong napisayahanoh nuhur kian meng sa potipri na dahat patimdapat orhor napisayahanoh sonmur.

Ruk oh yah meng ma brak matip ohe meng oh 12:12

Napisus dahanahaptin orhor Got orhe Yahsup oh gurnong Mama meng moh potina napor rit natiprohmur pongopri.

Aposer 4:8

Dahamtiperhan Got orhe Yahsup oh Pita ohe mutuh oh isip matporhan oh ihirnong Kamoheimo duuptei hano gur nuhut buh tikikitinsi han ohe danong hatperhan ohe ma yah hatir oh gur nuhutnong dahanahaptida.

Aposer 2:4

Ihama Got ohe Yahsup oh ire mutuhnong hama ire mutuh oh teip hat sangopri. Susa nitat meng apingopri. Nitat meng apriporhan ama nitat apir meng ohsi irair mengitpari.

2 Korin 13:3

Noh er yan ma napripra oh gure er hat saperhan Krais orhor gure mutuh patim er yan ma napripatnong oh dahenmur. Orhe ma napripat oh gapa hatin napripatda da kasip hat napripat. Basra. Kasip hat orhorwi napripatmur. Gin nohhe gure patinong apris er yan ma napripra oh ama kasip orhorsi er yan napripramur. Napriporhan gur wamara Por oh tit han tit namgirit nuhur wamara Moh arpin Krais orhe ripat wanin meng oh napor ma hapat ma dahapti da oh pitap teinong matporhan gur am hatiprimur.

1 Pita 1:12

Aperiptin Got oh Gin mama propet aperipti han gure napanggeitin meng basmura; komdapat ma tarpatipri han ire panggeit papten mengmur por pinggitipmur. Komdapat ire panggeit papten mengmur ma potip oh gin mama pati kuuhan gure boknong naham ginapotipmur. Gurnong ama napanggeitin ohe meng oh Gin Got oh aw tei mahatdapat orhe Yahsup oh darher meng napotin han nure mutuhnong matporhan nuhur am hama aprisa ama ohe kasip ohsi ama yah meng oh napotperhan gur daham am hat patimur. Gure ama amrapti meng orhor enser ihir Nuhurhe ama meng mutuhnong am hatiprohenengo dahapti orhor hanhan hat patimur.

Aposer 28:25

Ihtiperhan Por oh Got orhe Yahsup oh Aisaia ohnong rit atporhan ma dire awher ire boknong mar ma brak matip meng oh ire boknongwi mar na brak matipmur. Ire puh bap gure boknongsi tap mat napor brak matipmur.

Aposer 13:9

Imtiporhan Sor orhe win tit Por porishe han oh Got orhe Yahsup oh ohe mutuh ros isip mat papat han ohoh ihan Erimas ohnong kin dung por pomat wandeipat

Ruk oh yah meng ma brak matip ohe meng oh 11:13

Gur kakdah moh er hat pati han bap orhora; guragure brer ihirnong yah hanwi apriptimur. Aw tei mahat ma pat han at Got oh atnap yahnap hat pat han ohoh ihan gur Got gorhe Yahsup oh nure mutuhnong mar napina poriyahanoh oh arpin napriprohmur pongopri.

Mak oh yah meng ma brak matip meng oh 12:36

Gahan Jisas oh Got ohe ap yawar oh rosa ihirnong meng por am deingopri. Meng ma potip oh Gure sawa meng ma naporipti han ihir Got oh Krais namburin han ma kis mat pat han oh Depit ohe puh ihir tarpatipramur ma ripti oh kinhat it tarpam Depit ohe puh hatiproh.

Matyu 6:32

Got ohnong hanhan hat pati han ihir ama ohe danong isip hat pati ohoh ihan gur ire tan hapri. Ita aw tei pat han oh gwe ma hatip hah oh am hat pat ohoh ihan gur da darheripri.

1 Tesaronaika 2:13

Nuhur apris Got orhe meng oh napotperhan gur amrama Moh hanip guragure meng na naporiya ma hapat. Got orhe meng oh naporiya ma hapat daham datirimur. Gur ihat datirio rim nuhur Got ohnong dipwi weso naporiptimur. Oh arpin Got orhe meng ohoh ihan Got orhe danong hapti han gure da mutuh oh arpin dam timdin meng oh gure mutuh patmur.