Matyu 10:19 - Oksapmin

¹⁹ Dahanahatinmat ire bes teinong nahayahanhe gur dir ihirnong kian meng sa potiprohe daham gur da trun darheripri. Ama dik ohe porin ohe meng oh orhor am nahatiproh ohoh ihan gur da trun darheripri.

Matyu 10:19 ပူးပေါင်းရင်းမြစ်များ

2 Timoti 4:17

Ihirdapat nohnong na napanggeim namdatiri orhora; Hanipyah oh ama dahanahatiri dik orhor apris Juda na hat pati han bap ihirnong meng pot pison inasi naham napanggeit napapatin noh Got ohe meng moh ihirnong pomat potirmur. Potporhan Dir Por ohnong sutpera ma dahapti han bap ihir kotwa bap hatin hat pati bap ire atem teidapat orhor Got oh nohnong nambutirmur.

Ruk oh yah meng ma brak matip ohe meng oh 12:11

Hanip ihir gurnong Maihir Jisas ohe nita han bapmur napor gurnong nambur dahanahatinmat rotu apnongdo gapman ohe atamreipti han ire duupnongdo napisayahanoh gur Epe. Dire boknong meng ma nahatiprohe oh dir kian meng sa potiprohe daham da darhetipri.

Jemis 1:5

Dakuu danong hatip hat pati gur Got ohnong dahandeinmur. Dahamtiperhan Got oh manap da tei yah mat isip mat orhor napripat han ohoh ihan gur dakuu danong hatip hat patim ma dahandeiya oh Got orhor ama da oh yah mat orhor napriprohmur.

Matyu 6:31

Ihan gur Epe. Noh kian han sa dam patepra noh kian han sa an patepra daham da trun darheripri.

Matyu 6:25

Jisas oh kuuhan ihirnong Gur amratin. Gur Nure ma indipri oh nuhur den oh kinhat sa indeipri. Watah andin oh kinhat sa indipri daham da trun trun darher ruumsup hapri. Gin de ohe isip hat pat. Dire mama pati oh isip hat patda da den oh isip hat pat. Gin mama pati ina moh isip hat patda da ina teimdapat ma aripti watah oh isip hat pat. Basra. Ina tei ma pat erer oh isip hat na patmur. Hanip dire ma patinong oh isip hat patmur.

Piripai 4:6

Gur Noh gin kinhat sa indiproh daham da trun darheripri. Guragure daham dahamtipera ma dahaya danong oh Got ohnong Weso porin ohe da ohsiwi hat patim dahamtin meng oh porinmur.

Aposer 6:10

Sakarap matperhan oh Got ohe Yahsup oh ohe mutuh pat ohoh dakuu meng potporhan ohe mengnong kinmat sakarap mar ohe mengnong amkatin ina hangopari.

Matyu 6:34

Ihan gur Noh kimsi den kinhatiproh sa Noh kimsi kian han sa an patepra daham da trun darheripri. Ihan gur Noh mama ruumsup moh gin orhorwi ma hapat. Kimsi ohe ruumsuphe kimsi orhorwi ma hapat dahat patenmur pongopri.

Matyu 10:18

Yah hat orhorwi saptin ihir Maihir Jisas ohe nita ihir ma hapat napor gurnong Juda na hat pati han ire gapman ire bes teinong nahayao mong moh ohe kak hat pati han ire bes teinong nahayao nahatiprimur. Nahatperhan gurdapat oh ihirnongo Juda na hat pati han ihirnongo norhe yah meng oh porinmur.

Ruk oh yah meng ma brak matip ohe meng oh 12:12

Napisus dahanahaptin orhor Got orhe Yahsup oh gurnong Mama meng moh potina napor rit natiprohmur pongopri.