Matyu 1:16 - Oksapmin

¹⁶ Jekop oh Josep ohe itap oh. Josep oh Maria uhe imap ohmur. Inap Maria uh Jisas ohnong ma itip kuu uhmur. Jisas oh Got orhor ihirnong ambutipra hanmur potip hano rim Krais porishe han ohmur.

Matyu 1:16 ပူးပေါင်းရင်းမြစ်များ

Matyu 1:15

Eriut oh Ereasa ohe itap oh. Ereasa oh Matan ohe itap oh. Matan oh Jekop ohe itap ohmur.

Matyu 16:16

Dahanahatporhan Saimon Pita oh Go Got dipwi patesuhru patru pat han ohe monmur. Go Got oh Noh hanip ihirnong amburin han tit darhetipramur rim ma kis matip han oh gomur pongop.

Matyu 16:20

Porpat nuhurnong Gur ihirnong Ama han orhor Kraismur poripri napor nanggungop.

Matyu 2:13

Ihir saperhan gahan Got ohe atamreipti han enser ihir tit han tit kinpitap mandap apris Josep ohnong Go masona. Herot oh brernong moh kaimat itpora dahapat ohoh ihan go brer imansi Isip mongnong tandutinmur. Sus atei patin kaput noh it aprina napotipramur pongopri.

Matyu 27:17

Pairat oh orhe arpit mandapatru kuuhan ihir tarmutperhan ihirnong Gin noh nihnong arpit namdatpor. Barabas ohnongda da Jisas moh Got ohe darhetip hanmur ma ripti han ohnong arpit namdatpor por dahandeingopri.

Matyu 27:22

Potperhan Pairat oh Gin Jisas Got ohe darhetip han Krais ma poripti han mohnong noh kinmatpor por dahandeingopri. Dahamtiporhan ihir gonsi Es. Irat bok sur garmar ha sutingwea pongopari.

Mak oh yah meng ma brak matip meng oh 6:3

Moh wan han ihirda. Ap hapat han Maria uhe mon orhor basda. Jemiso Josepo Judaso Saimono ire arwap oh basda. Orhe kuunang taptem ihir dirsi na patida gigoshapti gardeingopari.

Ruk oh yah meng ma brak matip ohe meng oh 1:27

Susa kuu horhor Maria uh Depit ohe puh Josep ohnong ihit sa gosdatipri rim kis mat apapti kuu Maria uhnong meng potinmur por Got oh ama darhetip oh.

Ruk oh yah meng ma brak matip ohe meng oh 2:48

Tongnot pathan sup gamin ihit wamara ama sein bupang ritpa oh. Sein bupang rim sup uh Ita nuhut gonong da er ham ma angnahapti oh brer go kianorim nuhutnong ihtin ruumsup da nahato ama potip oh.

Ruk oh yah meng ma brak matip ohe meng oh 2:7

duuptei brer mon ama itip oh. Hanip ire ma timapti ap oh hanip bokota tei ohoh uh brer oh burmakau ire timapti ap ama itip oh. Sarpat watah tansi parpar mara burmakau ire den asaripti dah oh ama itip oh.

Ruk oh yah meng ma brak matip ohe meng oh 3:23

Jisas orhe krismas oh 30 birhitporhan Gin tamreinpora daham orhe tamreindin oh duup mar ama tamreindip oh. Duup mara tamrein sapatin kuuhan ihir Han moh Josep ohe mon ma hapat ama dahashe oh. Josep oh Hirai ohe monmur.

Ruk oh yah meng ma brak matip ohe meng oh 4:22

Imat meng por am matporhan ihir Er mat na rima yah mat orhorwi napor moho dahama amam mar win isip mat ama apihipa oh. Apisusa Han mohra hanip tap bap diradire Josep ohe brermuro. Gin ohe yah mat orhor dahatin mengwi naporpat moh kinhat sa am ham yah mengwi naporpato gigosham da darher ama apetpa oh.

Jon oh yah meng ma brak matip ohe meng oh 4:25

Potporhan uh Nohe da oh Mesaia ohnong Krais ma poripti han oh apris meng gonsi pomat am naham da nadapetipra ma hapat dahat patmur pongopri.