Ruk oh yah meng ma brak matip ohe meng oh 9:56 - Oksapmin

⁵⁶ Ihama atei na timama wan aptei tit sus timdipari.

Ruk oh yah meng ma brak matip ohe meng oh 9:56 ပူးပေါင်းရင်းမြစ်များ

Rom ihirnong Por oh brak atip ohe meng oh 12:21

Ihat patim ihir er nahatperhan it ihirnong yansi matpera dahatin ohe da oh gurnong namkaripra. Gurdapathe yah da ohsi ire er hapti danong asoh amkarinmur.

Matyu 20:28

Amaru hat orhor Hanip Brer norhor hat patmur. Noh winsi han hama gurdapat nohnong ha napanggeingwe rim na wanhupmur. Basra. Nohdapat win timbas han hatin ham gurnong napanggeinmat wanhupmur. Noh gur eimat paten ohe dasi hat ha patengwerim noh gure danong hama haputinmat wanhupmur. Ihan gurhe amaru hat orhor patenmur napongop.

Jon oh yah meng ma brak matip ohe meng oh 3:17

Got oh orhe mon nohnong ma nadarhetip oh Kakdah ihir er hat pati ohoh ihan go susa er han ihirnong sama eimat er teinong matinmur napor na nadarhetipmur. Go susa ihirnong amburinmur napor nadarhetipmur.

Jon oh yah meng ma brak matip ohe meng oh 10:10

Gapah han ire ma apripti oh sahapti han ihirnong gapah hamo sumo timbas maro matinmatwi apriptimur. Nohnong oh Ihir eimat paten dasi hapti yahnap hat ha patengwe rim apdormur.

Ruk oh yah meng ma brak matip ohe meng oh 19:10

Hanip Brer noh ama ihat er da hrepnong hat pati han ihirnong ambur yah da ohe mandap teinong matporim angmat apripato rim mama angnaham nambur ohmur pongopri.

Matyu 18:10

Naporpat gahan tit meng ginapongop. Mihtin brer ihirnong Got ohe enser ire bes tei paptimur. Imat papti ohoh ihan gur imtiperhan ihir gure indeiya meng oh Got ohnong poriptimur. Imat Got ohnong poripti ohoh ihan mihtin brer ihirnong dasei meng poripri. Pomar paptenmur.

1 Timoti 1:15

Krais Jisas oh er hat sapti han dirnong nambutinmat wanhupmur ma ripti meng moh arpin meng ripti ma hapat daham han gonsi dir amratin mengmur. Er hat sapti han dirnong nambutinmat ma wanhup oh nohri duupteinap ernap hat sasuh han nohmur.

Jon oh yah meng ma brak matip ohe meng oh 12:47

Noh kakdah han bap gurnong dahanaham nasatinmat na apripatmur. Gurnong nambur yah nahatinmatwi apripatmur. Noh ihat apripat ohoh ihan nohe meng amram ma na dindeipti gurnong dahanaham Moh er hanhe. Moh yah hanhe napor na nasapatmur.

Ruk oh yah meng ma brak matip ohe meng oh 23:34

Irat bok sur garmar gonom sutperhan Jisas oh irat bok andemdapat Ata. Ihir nohnong hanhan hat patidapat niya ohoh ihan go ire niya ohe pe yan oh apripra. Eimat hanhan mar amdatinmur pongopri. Potporhan dupsi han ihir orhe watah pan oh adatinmat satu hama nitat goshangopari.

Ruk oh yah meng ma brak matip ohe meng oh 22:51

Hrarmat atporhan Jisas oh wamara We. Mama ihapti da mohri na ihaptimur. Mandatinmur pora natnong bes asar it ayah deingopri.

Matyu 5:39

Ihtin meng naporishe orhor noh ama ohe pe oh tit meng tit napotiprohmur. Er hat sapti han ihirdapat gurnong er nahayahanhe it nohe yanhe datpora daham ihirnonghe it yansi deipri. Dak moh tandapat bes tansi niyahanhe bap tandapat atinmur.

Ruk oh yah meng ma brak matip ohe meng oh 9:55

Por dahamtiperhan Jisas oh it tamburker ihitnong wamara Epe. Gutnong nih ihtin meng oh ritin naporhe por indeingopri.

Ruk oh yah meng ma brak matip ohe meng oh 9:57

Gahan irair mandap saptin tit han tit Jisas ohnong Nohana. Gwe ma sasipra kat oh nohri ditaditwi saptiru sasiprimur pongopri.

Matyu 18:11

Hanip Brer noh win timbas hat pati han bap ihirnong ambur yah matporim apdap ohoh ihan gur pomat paptenmur napongop.