Ruk oh yah meng ma brak matip ohe meng oh 9:46 - Oksapmin

⁴⁶ Gahan Jisas orhe pinggit pisapat han ihir Got ohe napapindin teinong hatinmat oh nohri winsi han ham atei hatipramur gosham irair sakarap goshatpari.

Ruk oh yah meng ma brak matip ohe meng oh 9:46 ပူးပေါင်းရင်းမြစ်များ

3 Jon 1:9

Ama ihat yah hat atamrein sapti han bap ire gure patinong oh aprin meng oh noh sios bap ihirnong brak mar adarhetir orhor Diotrepis oh Nohri mama sios bap ire kakhan hat patepora dahapat han oh Noh Jon ohe meng hrepdapat hat na pat hanmur daham na amratirmur.

Piripai 2:3

Ihat patim gur Nuranurwi erer ruumsansi han hayao winsi han hayao hatinmathe ihat sasipri. Gur ihirnong nohe hrep papatwa dahatin ohe da oh mandama noh ire hrepdapat hat patwa daham arwananah ire danongwi ham sashenmur.

Piripai 2:14

Gur Got oh Ihir mihat ha sashengwe dahapat ohe danong oh hatinmat oh Oh na inahapato gosham damdapat orhornong atin dasi hathe sasipri. Guragure ihtipera ma dahaya danonghe sakarap goshat sasipri. Kimirim yah hat orhor sashenmur.

Rom ihirnong Por oh brak atip ohe meng oh 12:10

Diradire taptem ihirnong da apris paptiru mat orhor kuuhan gonsi ihirnong asohhe da apris bopor mat paptenmur. Guragure boknong ma dahapti da oh mandama ire danong ham bopor mat paptenmur.

Rom ihirnong Por oh brak atip ohe meng oh 12:3

Got oh orhe damdapat orhor Noh ama da oh ohnong apripora daham nohnong ma napin pat da ohsi noh gonsi gurnong naporpatmur. Gur Got orhe danong hat pati ohe pe oh nitat atamreindein da napin patmur. Imat napin pat ohoh ihan gur Nuhurnongwi mihtin tamreindin da oh napin pat ma hapat daham gorhornong Nohwi ihtin han hat pat ma hapat dahapri. Ma napin pat moh Got orhorwi imat napin pat ma hapat daham kimirim tamrein sashemur.