Ruk oh yah meng ma brak matip ohe meng oh 9:24 - Oksapmin

²⁴ Gur Matei orhorwi trun mihat orhorwi pateprineng daham inin hat ma sapti bap guroh eimat yah hat paten ohe da oh na datipri han bap gurmur. Nuhur Jisas ohe danong hat saptin niyarit hapuriyahan yahwa daham ma dinahapti bap gur eimat yah hat paten ohe dasi hat patepri bap gurmur.

Ruk oh yah meng ma brak matip ohe meng oh 9:24 ပူးပေါင်းရင်းမြစ်များ

Matyu 10:39

Gur kakdah mohe paten danongwi hatpor dahayahanoh ama da ohsi kakdah moh timbas hatiprimur. Ihir nohnong Go Jisas ohe yah hanmur napor niyahanhe yahmur ma ihat dahapti guroh Got ohsi dipwi paten dasi datiprimur napongop.

Ruk oh yah meng ma brak matip ohe meng oh 17:33

Amaru hat orhor gure dahe Matei orhorwi trun mihat orhorwi pateprineng daham inin hat ma sapti bap gur oh eimat yah hat paten ohe da oh na datipri han bap gurmur. Kakdah moh ohe paten ohe danong na hama Jisas ohe danong hat sapatin hapuriyahan yahwa ma dahat sapti han bap gur eimat yah hat paten ohe dasi hat patepri han bap gurmur.

Jon oh yah meng ma brak matip ohe meng oh 12:25

Amaru hat orhor hanip gurhe Noh norhe ina mama hat pat orhor hat patepraneng dahayahanhe kakdah morhor timbas hatiprimur. Noh kakdah ohe ina moh mandama eimat paten ohe dasi hatipraneng dahayahanhe ama ihat dahaya gur eimat paten dasi hat pateprimur.

Hibru 11:35

Kat kuu ihir Got orhorwi inahatin hatin hanwa dahat patim brer ihir haputperhan Got oh it pamsaporhan supir ihir amburishemur. Kat ihirnong karapus mar Gure Got ohe danong hat sapti da oh kom asar mandayarit nuhur arpit namdatiprohemur por karapus mar batbet apris sushemur. Ihir imat sushe orhor ihir Nuhur Got ohe danong hat sapti da moh mandatperhan arpit namdatperhan nuhur yah hat inpera na dahashemur. Kaput yahnap hat patepri ohe dasi naham napamsapra ma hapat daham ama danongwi hat patimdapat orhor batbet isip dar hapurishemur.

Erer tarpatipra 12:11

Dire taptem ihir sipsip bap ohe heim ohe kasip ohsi; arpin meng pot ma pisapti ohe kasip ohsi ama yot ite kasip ohsi Satan ohnong ambapte matamuro. Ihir Dir ihat saptin niyarit hapuriyahan yahwa daham ihat sashe han ihirmuro.

Erer tarpatipra 2:10

Gur ama ina ruumsup ma daripri oh gur kasa hamhe mandam sasipriri. We. Gur dahatinri. Satan ohe mengtei gurnong kis naham kat gurnong Jisas orhe nitao rim karapus nahayao niyao nahatipriri. Nahatperhan gur ama ohe ina ruumsup dat patina kathei dah timdipriri. Ihtin ohoh ihan gure nohe danongwi hat pati danong oh mandatipriri. Niyarit hapurhanhe yahwa. Nohe Jisas ohe danong ma hat pat da moh na mandatiprohwa dahatwi patenri. Ihapti han bap gurnong ama ohe pe yan oh eimat paten ohe da napriprari.