Ruk oh yah meng ma brak matip ohe meng oh 8:37 - Oksapmin

³⁷ Am matperhan Gegesa ap mutuh pati hano ama ap mutuh ohe kakduup ma pati hano ihir wamar am hapti kas isip tit hapti Jisas ohnong Go nure mong tei mohri go na indiprohmur. Wannong sonmur pongopari. Potperhan arpin it bot dahnong hama pipari.

Ruk oh yah meng ma brak matip ohe meng oh 8:37 ပူးပေါင်းရင်းမြစ်များ

Matyu 8:34

Potperhan ihir amrama wamar apingopari. Aprisa Nure imah mohoh gonsi nasutiprahe daham Jisas ohnong Nure mong moh go na indiprohmur. Wannong sonmur pongopari.

Mak oh yah meng ma brak matip meng oh 5:17

Potperhan ihir amrama Nure imah mohoh gonsi nasutiprohe daham Jisas ohnong Nure mong tei moh ma mihpat han go na indiprohmur. Wannong sonmur pongopari. Potperhan ihan oh bot dahnong it rungopri.

Ruk oh yah meng ma brak matip ohe meng oh 10:16

Giporpat orhe han ihirnong Gur susa meng oh ihirnong potperhan gure meng amram dindeiyahanoh oh nohe mengnong amram dinahaptimur. Gure meng na amram kom nasariyahanoh oh nohnongsi; nohnong ma nadarhetip han nuhutnong tap mat kom nasariptimur pongopri.

Ruk oh yah meng ma brak matip ohe meng oh 5:8

Ihat orhor pisusa manggap tom dinin teinong deipti Saimon Pitao orhorsi tap hat tamreipti han Sebedi ohe mon yot Jemissi; Jon ihito ama tap tamreipti han gonsi ihir aning ruumsan ma taminong oh wamara Epe. Moh kinhatin da namgi daham da tupnet ritpari. Da tupnet ripti Saimon Pita oh Jisas ohe tong duup oh katin takir tongnom mem hapat Han moh orhe da oh duutin dawi hat sapat han ma hapat. Noh ohe tan hat na pat ma hapat daham ohnong Hanipyaha. Noh duutin dasi ham yah hat na pat han ohoh ihan go nohnong namdam sonmur potipri. Potporhan Jisas oh Saimon ohnong Go ihtin daham kas hatipra. Gin gorhe mama patru ma patepranong oh aning ung tamitperhan daripti ohe tan mat orhor hanip ihirnong ambur norhe han nadein han oh gorhor hat patepramur pongopri.

Ruk oh yah meng ma brak matip ohe meng oh 8:36

Kas hatperhan ma wandeiya ihirdapat imat yah deihemur por meng am matpari.

Ruk oh yah meng ma brak matip ohe meng oh 8:38

Ihir saperim ihtiperhan mongsup ihir ohe mutuh ma pateshe han ohhe Jisas ohnong Nohana. Nohhe ditadit saprohemur por kandeingopri.

Ruk oh yah meng ma brak matip ohe meng oh 9:5

Susa ap mutuho be apteido koriyaoh tit han oh tit nambura Gin nohsi indiprohemur naporhanhe ama nambur han orhorsiwi ap oh indinmur. Orhorsiwi patimdapat Gin wan apteinong sapera dahayahan sonmur.

Ruk oh yah meng ma brak matip ohe meng oh 9:56

Ihama atei na timama wan aptei tit sus timdipari.

Aposer 16:39

Kas hapti aprisa ihitnong Nuhur gutnong ma inahatiri oh nen inahatirio dahayamur. Gin arpit namdatiprohemur por gapa mengtei pora ihitnong arpit mandangopari. Mandama kotnong prongopari. Prosa gin ap mutuh moh mandam wan apteinong sona pongopari.