Ruk oh yah meng ma brak matip ohe meng oh 7:37 - Oksapmin

³⁷ Den daptin ama ap mutuh oh er da hat sapat kuu tit Ama Parisi ohe ap oh den damo patiheri ritperhan uh amrama urhe gapgwesi yahnap tom gap kwei san tem panditpa san oh dara marim apingopri.

Ruk oh yah meng ma brak matip ohe meng oh 7:37 ပူးပေါင်းရင်းမြစ်များ

Matyu 21:31

Gahan itap oh it tap meng orhor mon tit han ohnong Gin gohe nohe tomhan oh ti nakapom sashenmur potipri. Potporhan oh Yahwa noh saprohmur pongopri. Saprohmur ritip ohor na pipri. Ihtipari pongop.

Ruk oh yah meng ma brak matip ohe meng oh 18:13

Oh Parisi ohe Got ohnong potip meng oha; Takis yan darpat han oh meihdapat tandeima da er ham aw teinong mahat na watahama mem hat patim orhor orhe rangrang teinong bessi pung pung pora Got ohnong Gota. Noh er hat sapat hanmur. Ihan go hinhina naham napanggeitina por dahamar sa pipri pongopri.

Ruk oh yah meng ma brak matip ohe meng oh 19:7

Pisaporhan kuuhan ihir wamara Jisas oh er hat sapat han ohsi sus indiproh moh ihan Jisas orhorhe er hat sapat han ma hapat por gonsi ihir ohnong ar indeingopari.

Ruk oh yah meng ma brak matip ohe meng oh 5:30

Den daptin sawa meng ma am hat pati Parisio be Parisi bapo ihir wamara Jisas orhe pinggit pisapat han ihirnong We. Gur kinham takis yan kat pe gapah ham daripti hano sawa meng na amram er hat pati han bapo ihirsi tap ham den daptio por indeingopari.

Ruk oh yah meng ma brak matip ohe meng oh 5:32

Amaru hat orhor noh yah hat pati han ihirnong Gur er danong kom asar mandanmur potinmat na apdapmur. Nohe ma apdap oh er danong hat ma sapti han ihirnong Gur er danong kom asar mandama Got ohe danong hat sonmur potinmat apdapmur pongopri.

Ruk oh yah meng ma brak matip ohe meng oh 7:34

Hanip Brer nohhe aprisa den ruumsan deo wain tom gap deo hatporhan gur nohnong Den ruumsan dapat han moh ake yot hat patin ihpatkino. Wain tom mama dapat moh orhe danong timbas hatinmat ihpatkino. Takis yan er mat daripti hano er hat sapti hano ire tapnong hat sapat moh ihirsi yah han hatporim ihpatkino napor garnahaptimur.

Ruk oh yah meng ma brak matip ohe meng oh 7:36

Gahan tit dah tit Parisi bap ihir tit han tit Jisas ohnong Gin go ditadit tap hat sus nohe ap oh den diprohemur pongopri. Potporhan arpin ihit susa ohe ap ros tongnoma den dipari.

Jon oh yah meng ma brak matip ohe meng oh 9:24

Potperhan ihir it kin kwisi han ohnong Go Got ohe kintei ohoh arpin meng orhor napotinmur. Ama han ohnong nuhur Oh er hat sapat hanmur rim am hat patimur ama potpa oh.

Jon oh yah meng ma brak matip ohe meng oh 9:31

Rihhe supir ihir kin kwisi brer itperhan ihir pondeiptinhe ti wandeishesida. Er da hat sapti han ire Got ohnong dahandeipti meng oh amram imtiprohda. Basra. Orhornong armi maro orhe danong hamo hapti han ire mengnongwi amrama imtiprohwa. Ihtin ohoh ihan Jisas oh Got ohe patdapat na apdapneng na imtin hatin han asohhe na indeipatnengmur. Indeipat ohoh ihan noh Oh Got ohe patdapat apdap han ma hapat dahapatmur ama potip oh.

Rom ihirnong Por oh brak atip ohe meng oh 5:8

Hanip dir ihat dahat patimur. Got oh ihat na daham dire er hat patin orhor orhe bopor nahat napapat da oh Krais orhe dire gwemat haputip boknong mar namgitipmur.

1 Timoti 1:15

Krais Jisas oh er hat sapti han dirnong nambutinmat wanhupmur ma ripti meng moh arpin meng ripti ma hapat daham han gonsi dir amratin mengmur. Er hat sapti han dirnong nambutinmat ma wanhup oh nohri duupteinap ernap hat sasuh han nohmur.

1 Timoti 1:9

Sawa orhe tamreindein hat ma pat oh mamarumur. Ama sawa meng oh yah hat ma sapti han bap ihir Nuhur er hat pati sa ha dahatingwe rim na natip sawa mengmur. Er hat sapti han ihir sawa meng moh amram Nuhur er hat sapti sa ha dahengwerim ohe natip sawa mengmur daham yah mat orhor poriptimur. Er hat ma sapti ihiroh mama bap ihirmur. Iraire danong ham yahwiwa daham er hat sapti bapo sawa meng amkar sapti bapo Got ohnong kom asar er hat sapti bapo Got ohe dahapat danong na ham orhe kintei oh bisei hat sapti bapo supiro itapiro wan han bap ihiro ha haputingwe rim sut pisapti bapo

1 Pita 4:18

Imat satipramur rim ma brak matpa meng oh mamaru hat patmur. Duung dasi ham yah hatwi ma sapti han ihirhe batbet daripti dus orhor namburpatmur. Got ohnong kom asar er hat ma sapti ihirnong oh atnap batbet isip datiprimur. rim brak matpamur.