Ruk oh yah meng ma brak matip ohe meng oh 7:16 - Oksapmin

¹⁶ Imat pamsaporhan ihir wamara kas isip tit hapti Got ohe meng pot pisapti han ihir wanohe kasip isipsi han tit dire pati tei moh apirmuro. Got orhe han Juda dirnong napanggeitinmat apirmuro pora Got ohnong armi deingopari.

Ruk oh yah meng ma brak matip ohe meng oh 7:16 ပူးပေါင်းရင်းမြစ်များ

Matyu 15:31

Yah mat pisaporhan meng timbas ihir mengriyao kin kwisi ihir kin watahayao buh ersi ihir yah hat tandeim sayao hatperhan ama kuuhan ihirhe wamara sein bupang ripti Isrer dire Got ohe kasip ohsi indeipat mohwio por Got orhornong armi deingopa.

Matyu 21:11

Sein bupang ritperhan ihir Gur mama han ohnong hanhanda. Mohra Jisas orhormur. Mong Gariri Nasaret apteidapat Got ohe mengsi apripat han propet ohmur ihir gipongopa.

Matyu 28:8

Potporhan ihit kas hatpa orhor amam da oh isipnap hatpari. Ihapti kapkap sein itiri tei oh mandama orhe pinggit pisapat han ihirnong potinmat kapkapwi sakat pipari.

Matyu 9:8

Saporhan ihir Epe. Hanipnong orhor Got orhe kasip ohsi matporhan ohe mengtei imat yah mat pisapat ma hapat daham ihir sein bupang ripti Got ohnong armi matpari.

Ruk oh yah meng ma brak matip ohe meng oh 1:65

Mengitporhan orhorsi tap aptei han ihir wamara Got oh wan tit dei moho daham ihirhe kas hatpari. Kas hama Judia yei mong aptei aptei moh gospot pipari.

Ruk oh yah meng ma brak matip ohe meng oh 1:68

Isrer dire Hanipyah Got oh gin nambutin ina dasi nahat napapat ohoh ihan orhornongwi armi mar papten han ohmuro.

Ruk oh yah meng ma brak matip ohe meng oh 19:44

Ret gatnahama ap mutuh ohe doho dah ma pati kuuo hano brero guragure apo erer gonapsi nim tambor muk naham timbas nahatiprimur. Timbas nahama ap ohe kwei ma patan prus ma hatpa ap ohhe gonsi urkamat natperhan tit kwei oh tit kwei ohe boknong ham diptahathe na pat hatipramur. Inaham ma timbas nahatipri oh gur nohe ma apir moh Got oh nuhurnong napanggeitinmat apir ma hapat na dahapti ohe pe oh imat nim timbas nahatiprimur por payimangopri.

Ruk oh yah meng ma brak matip ohe meng oh 2:20

Sipsip ma papti han ihirhe Enser ohe ma naporru hat pat hah moho ihan nure amraya wandeiya haya moh Got oh arpin ihtin han hat pat ma hapat daham Got ohnong armi maro win adaptuhuro ihat it ama pipa oh.

Ruk oh yah meng ma brak matip ohe meng oh 24:19

Gipotporhan oh Jerusarem ap mutuh ma ihta meng oh kinhata meng ripti por dahandeingopri. Por dahamtiporhan ihit Jerusarem ap mutuh ma ihta meng oh Jisas Nasaret han ohnong ma imta ohe meng oh riptimur. Ama han oh propet yahnap hanmur. Ohe meng poro erer ma indeipato oh kasip yahnapwi hatporhan Got ohe kinteio kuuhan ire kinteio oh imtiporhan ihir wamara Moh yahnap hat sapat hano dahaptimur.

Ruk oh yah meng ma brak matip ohe meng oh 5:26

Saporhan ama kuuhan ihir Gin dir wanohe da tit wandeiya moho gosham ihirhe da tupnet ripti bupat patiru ham Got ohe winnong adaptuhur armi deingopari.

Ruk oh yah meng ma brak matip ohe meng oh 5:8

Ihat orhor pisusa manggap tom dinin teinong deipti Saimon Pitao orhorsi tap hat tamreipti han Sebedi ohe mon yot Jemissi; Jon ihito ama tap tamreipti han gonsi ihir aning ruumsan ma taminong oh wamara Epe. Moh kinhatin da namgi daham da tupnet ritpari. Da tupnet ripti Saimon Pita oh Jisas ohe tong duup oh katin takir tongnom mem hapat Han moh orhe da oh duutin dawi hat sapat han ma hapat. Noh ohe tan hat na pat ma hapat daham ohnong Hanipyaha. Noh duutin dasi ham yah hat na pat han ohoh ihan go nohnong namdam sonmur potipri. Potporhan Jisas oh Saimon ohnong Go ihtin daham kas hatipra. Gin gorhe mama patru ma patepranong oh aning ung tamitperhan daripti ohe tan mat orhor hanip ihirnong ambur norhe han nadein han oh gorhor hat patepramur pongopri.

Ruk oh yah meng ma brak matip ohe meng oh 7:15

Potporhan arpin takapteng rim masas mengiro hangopri. Hatporhan Jisas oh sup uhe pat duupnong pisusa mandangopri.

Ruk oh yah meng ma brak matip ohe meng oh 7:39

Uh indeipatin Parisi Jisas ohnong den diperim ambur ohe apnong popir han oh wandeipat Mama han mohra arpin propetneng ohnong marim amam maro hapat kuu mauhnong uhe er hat sapatgwer danong oh am hapat uhnong baso pornengmur. Uhnong baso na por moh propet baskin dahah hangopri.

Ruk oh yah meng ma brak matip ohe meng oh 8:37

Am matperhan Gegesa ap mutuh pati hano ama ap mutuh ohe kakduup ma pati hano ihir wamar am hapti kas isip tit hapti Jisas ohnong Go nure mong tei mohri go na indiprohmur. Wannong sonmur pongopari. Potperhan arpin it bot dahnong hama pipari.

Ruk oh yah meng ma brak matip ohe meng oh 9:19

Dahamtiporhan ihir Kat han ihir gonong Jon tom patirisuh han orhormur naporiptimur. Kat ihir rih patesuh han propet Iraija orhormur naporiptimur. Kat ihir rih propet pateshe han ihir tit han it masas da apris pat han orhormur naporiptimur potpari.

Jon oh yah meng ma brak matip ohe meng oh 1:21

Potporhan ihir Ihan go de hana. Go rih ma patesuh propet Iraija orhor it da apris patkin por ama dahamtipa oh. Dahamtiperhan oh Noh Iraija oh basmur ama potip oh. Potporhan ihir Ihan go nuhur ma naminhan pati propet oh goda por ama dahamtipa oh. Dahamtiperhan oh Noh ama han oh basmur ama potip oh.

Jon oh yah meng ma brak matip ohe meng oh 4:19

Potporhan uh Hanipyaha. Go nohe han dara mandapat ohe meng oh arpin meng napor ohoh ihan noh gin Go propet hat pat hanhe dahahmur. Go ihat propet hat pat ohoh ihan go mama meng moh napotina.

Jon oh yah meng ma brak matip ohe meng oh 6:14

Itperhan kuuhan ihir Jisas oh hanip dire na imtin hatin han ma indeinong oh wamara Ihtin propet tit kakdah moh apripra ma riptingweri han oh gin arpin apris mama pat oh ma hapat goshangopa.

Jon oh yah meng ma brak matip ohe meng oh 9:17

Ihapti it ohnong Gorhornong ma kin nayah dei oh gwe da oh kiano dahapat por dahamtiperhan oh Noh Oh arpin propetmur dahahmur ama potip oh.

Aposer 5:5

Potporhan oh amrama teiprahet sus hapungopri. Oh ihat haputporhan ohe hapur meng oh kuuhan ihir amrama kas isip tit hangopari.

Aposer 7:37

Ama ihat patesuh Moses orhor Isrer ihirnong Got oh Nohnong orhe meng rin han kis nahat mama napapat ohe tan kaput gure puh ihirnong tit han tit kis mar gure patinong nadarhetipramur potipmur.

Garesia 1:24

Amrama Got orhor imat ma hapat daham Got ohnong armi matpamur.