Ruk oh yah meng ma brak matip ohe meng oh 6:29 - Oksapmin

²⁹ Gurnong mahaw han ihir apris bes tansi dak tan moh dong napor niyahanoh gurdapat heisup ham it ihirnong indeipri. Gin dak tandapathe nitina por dak tandapat asarinmur. Tit han tit apris gwe tei ohe watah dapsi ma an pat watah oh gapah ham nadarhanoh gomdapat heisup deipra. Mutuh ohe watah mohsi datiprohhan datinmur porinmur.

Ruk oh yah meng ma brak matip ohe meng oh 6:29 ပူးပေါင်းရင်းမြစ်များ

Matyu 26:67

Gipora rumkin tei tumbe gut asariyao bessi tingtung por suyao hangopari. Imtiperhan ti ihir kin moh apapti dak tan bes dingdong pora

Ruk oh yah meng ma brak matip ohe meng oh 22:64

Ma imtipa oh watah tan tit dara ohe kinnong apama sungopari. Supti Gonong mama han moh propetmur naporipti ohoh ihan gin go na wamat patin gonong ma niya oh gorhordapat Gin ama han oh nihemur rim win napotinmur por tang asaringopari.

Ruk oh yah meng ma brak matip ohe meng oh 6:30

Ihir apris gurnong ire ma dahaya han oh Tit napin napor deip nahayahanhe gurdapat iraire ma riya han oh aprishenmur. Ihir apris gure erer oh ti nadar sayahanhe gurdapat yansi mar it napina poripri.

Jon oh yah meng ma brak matip ohe meng oh 18:22

Potporhan dupsi han tit ohe duup ma pat han oh Go Got ohe ap yawar hanat bok han ire duupteinap han ohnong ohe meng ohwi amrat na patem gwe menghe porpatda por orhe daknong mandeh dong pongop.

Aposer 23:2

Potporhan hanat bok han ire duuptei han Ananais oh Por ohe duup tandeit pati han ihirnong Gur ohe atemnong adeh mai abong potina pongopri.

1 Korin 4:11

Aposor nuhurri gure guragure boknong ma dahaptiru hat na patimur. Nuhurri rih kopenat ma tamreisheru gin mama tamreiptihe pahohsi hat tamreiyao tom dinsi hat tamreiyao watah andin oh hatip hat patim tamreiyao nuranure tongnom yah hat indin teihe timbas hat patim tamreiyao ihat tamrein saptin ihir nuhurnong bessi nim er nahat napisaptimur.

1 Korin 6:7

Gur dahenmur. Guragure ruumsup goshat pati da oh Got orhe da oh gure mutuh oh hatip hat patin ama da oh tarpapatmur. Gur ihan ama ihtin da ohri tarpaprarim guragur kat han ihirdapat er nahamo gure erer nadaro nahayahanhe gurdapat Ihir inahaya moh dir meng pomtipera na daham hanhan mar mandanmur.

2 Korin 11:20

Gur ama da timbas hat mengripti han ire mengnong asoh pan hat ma amrapti oh mamaru hat gur amraptimur. Ihirdapat gurnong Nure natamreindin moh gur be natamreinmur napor ire hrepnong nahayao gurnong bisei naham borop nahayao gure da oh ire boknong ha hatingwe rim dasuh nahayao Nuhurwi ihtinsi pati han bapmur naporiyao dak moh pung naporiya hatin hama dasei nahayao nahatperhan gur na garhama yahwa daham amraptimur. Ihan norhe ma napotiprohnong moh ire inahatperhan gur na gapa ham ire mengnongwi amraptiru hat orhor nohe mengnong mohhe imat orhor amranmur.

Hibru 10:34

Kat gur karapus hat pati ihirnong hinhina mar panggeiptin ama ohe ruumsup oh it guragur tap hat darishemur. Kat gure ruumsup ma hashe oh guragure erer oh nadatinmat apriperhan Yahwa nure ma datipri han oh yahnap dipwi paten han patmur. Mama kakdah mohe erer moh timbas hatipra han ohoh ihan yah da tei orhor gur darina potperhan ihir nadarishemur.