Ruk oh yah meng ma brak matip ohe meng oh 6:14 - Oksapmin

¹⁴ Ama nathei han ire win ma atip oh tit oh Saimon Jisas oh win tit Pita ma potip han ohmur. Tit oh Saimon orhe arwap Andru ohmur. Tit oh Jemis ohmur. Tit oh Jon ohmur. Tit oh Pirip ohmur. Tit oh Batoromyu ohmur.

Ruk oh yah meng ma brak matip ohe meng oh 6:14 ပူးပေါင်းရင်းမြစ်များ

Matyu 10:2

Naporpat Gin norhe mengtei norhe meng pot pisashen han gurmur napor ma kis nahatip han nuhuroh mama nathei han nuhurnong kis nahatipmur. Mama kis nahatip han nure win oh ohri ma nure duuptei han hatin hat pat han ohe win oh yot win atpamur. Tit win oh Saimon ohmur. Tit win oh Pita ohmur. Tit han ohe win oh Andru oh Saimon ohe nap ohmur. Yot han ihitoh Jemissi Jon ihitmur. Sebedi ohe mon yot ihitmur.

Matyu 10:3

Tit han oh Pirip ohmur. Tit han oh Batoromyu ohmur. Tit han oh Tomas ohmur. Tit han oh Matyu takis yan darisuh han norhormur. Tit han Jemis Arpias ohe mon ohmur. Tit han Tadias ohmur.

Matyu 4:18

Gahan Jisas oh tom Gariri hir oh usoh Saimon Pitasi; arwap Andru ihit aning ung mipti han yot ihit aning mitperim ung tom dahnong deiptingopari.

Matyu 4:21

Apriperhan ihir pipari. Sus asotei wandeiyaoh Sebedio orhe mon Jemiso Jono ihir tamder patingopari. Ihir tamder bot bas tongnoma ung pondeiptingopari. Pondeiptihan Jisas oh We. Gut aprina pot uangopri.

Mak oh yah meng ma brak matip meng oh 1:19

Apriperhan ihir pipari. Susa asotei koriyaoh Sebedi ohe mon yot Jemissi; Jon ihit bot dah rus tongnoma ung pondeiptingopari.

Mak oh yah meng ma brak matip meng oh 1:29

Jisas oh mongsup ga aperpat gahan ama rotu ap mandama kot tei rosa Jemiso Jono ihir Saimon Pitasi; nap Andru ite apteinong pipari.

Mak oh yah meng ma brak matip meng oh 14:33

Pora Pitao Jemiso Jono ihirnong Gur diradir masoteinong saper por ihir susa Jisas oh Noh da ruumsup isip tit namkar haputin ina nahahmur. Ihan gur matei tei patim wanahat indinmur pongopri.

Mak oh yah meng ma brak matip meng oh 3:16

Ama nathei han ire win ma atip oh tit Saimon Jisas oh win tit Pita ma potip han ohmur.

Mak oh yah meng ma brak matip meng oh 5:37

Giporpat susa itap orhe aptei kotpari. Koripti Jisas oh kuuhan ihirnong gonsi Gur nohsi ap na roprohemur por baso porpat Pitao Jemiso Jemis orhe nap Jono ihirnongwi ambura ap doho dahnong ruhpari.

Mak oh yah meng ma brak matip meng oh 9:2

Gahan dophei dah timama Jisas oh Pitao Jemiso arwap Jon oho ama yitir han ihirnongwi ambura yei isip kanong ohot ama ruhpa oh. Rusa irarhe patin Jisas ohe ina oh wan ina hama

Ruk oh yah meng ma brak matip ohe meng oh 5:8

Ihat orhor pisusa manggap tom dinin teinong deipti Saimon Pitao orhorsi tap hat tamreipti han Sebedi ohe mon yot Jemissi; Jon ihito ama tap tamreipti han gonsi ihir aning ruumsan ma taminong oh wamara Epe. Moh kinhatin da namgi daham da tupnet ritpari. Da tupnet ripti Saimon Pita oh Jisas ohe tong duup oh katin takir tongnom mem hapat Han moh orhe da oh duutin dawi hat sapat han ma hapat. Noh ohe tan hat na pat ma hapat daham ohnong Hanipyaha. Noh duutin dasi ham yah hat na pat han ohoh ihan go nohnong namdam sonmur potipri. Potporhan Jisas oh Saimon ohnong Go ihtin daham kas hatipra. Gin gorhe mama patru ma patepranong oh aning ung tamitperhan daripti ohe tan mat orhor hanip ihirnong ambur norhe han nadein han oh gorhor hat patepramur pongopri.

Ruk oh yah meng ma brak matip ohe meng oh 6:13

Mong da hatporhan it aprisa orhorsi sapti han ihirnong Gin gur norhe pat teinong moh ruprup tahatina potporhan ihir ohe pat teinong sus ruprup tahatperhan Gin noh nathei han gurnong norhe mengtei norhe meng pot pisashen han aposer gurmur rim kis naham gure win natiprohmur pora kis mar ama ire win oh angopri.

Ruk oh yah meng ma brak matip ohe meng oh 6:15

Tit oh Matyu ohmur. Tit oh Tomas ohmur. Tit oh Arpias ohe mon Jemis ohmur. Tit oh Saimon ohmur. Saimon ohnong Moh Serot bap ihirmur poripti han ohmur. Tit oh Jemis ohe mon Judas ohmur.

Jon oh yah meng ma brak matip ohe meng oh 1:45

Pirip ohnong Go nohe kom aprinmur potporhan oh Natanier ohnong angmat susa Natanier ohnong wamtipri. Wamara Nuhur Moseso propet ire Kaput ihtin han tit apripramur rim sawa mengtei ma brak deishe han oh gin nuhur wandeiyamur. Wamara oh Nasaret ihir Josep ohe brer Jisas ohmur

Jon oh yah meng ma brak matip ohe meng oh 14:8

Napotporhan Pirip oh Hanipyaha. Go Nohe at oh mohmur napor namgirit Gin mama wandeiya moh kiwa dahatiprohe potporhan oh Wa. Pirip go nohsi ditadit trun ma pati moh go nohnong wanaham na dahapatda. Nohnong ma wanahapti gur at ohnongsi nutanutnong tap mat wanaham am hat pati gurmur. Ihat At nutanut tap hat patin wanahapti ohoh ihan go kianorim Gwe ita oh nuhurnong namgitin napor.

Jon oh yah meng ma brak matip ohe meng oh 6:5

Tongnopti Jisas oh watahama kuuhan ruumsan ihir apriptin wandeipat den imat pandiprohwa dahat patim orhor Pirip ohnong da akis mar Dir den oh de tei mohom kuuhan maihirsi diprohe por dahandeingop.

Jon oh yah meng ma brak matip ohe meng oh 6:8

orhorsi pat han Saimon Pita ohe nap Andru oh Kopen han hapat han mohoh hanen den ohsi; aning ep yot ohsi mit patmur. Mit pat orhor ihtin garpok oh kuuhan mihtin ihir tarpatiprohda pongop.

Aposer 1:13

It Jerusarem ap mutuh oh koripti iraire indin ap hat dahnong oh ruhpari. Pitao Jono Jemiso Andruo Piripo Tomaso Batoromyuo Matyuo Arpias ohe mon Jemiso Saimon Seroto Jemis ohe mon Judaso ama ihir ap tei ohe ap dahnong oh rus inpari.

Aposer 12:2

Ruumsup mar ma er matip oh orhe han ihirnong Gur gin Jon ohe nap Jemis ohnong biorsi sutinmur potporhan ihir biorsi sungopari.

2 Pita 1:1

Noh Saimon Pitamur. Jisas Krais orhor Go norhe meng mohsi pot pisona napotporhan orhe kis nahat napapat han noh orhe boknong hat patim orhe mengtei be atamreim sapat han noh mama brak mat nasar ohmur. Diradire namburpat han Jisas Krais oh Gotmur. Ama Krais orhor orhe duung dasi hat pat ohe pe oh orhornong Ohwi inahatin hatin hanwa dahatin ohe da oh Juda hat pati bap nuhurnong yah mat orhor napripatmur. Yah mat orhor ma napripatru mat orhor gurnonghe imat orhor napripatmur. Napriporhan ohwi inahatin hatin hanwa ma dahat pati han bap gurnong mama brak mat nasar ohmur.