Ruk oh yah meng ma brak matip ohe meng oh 6:13 - Oksapmin

¹³ Mong da hatporhan it aprisa orhorsi sapti han ihirnong Gin gur norhe pat teinong moh ruprup tahatina potporhan ihir ohe pat teinong sus ruprup tahatperhan Gin noh nathei han gurnong norhe mengtei norhe meng pot pisashen han aposer gurmur rim kis naham gure win natiprohmur pora kis mar ama ire win oh angopri.

Ruk oh yah meng ma brak matip ohe meng oh 6:13 ပူးပေါင်းရင်းမြစ်များ

Erer tarpatipra 21:14

Ama ap mutuh ohe doho kamenhe nathei kwei kasip kamensi hangop. Ama kwei kamen ohe bok oh sipsip bap orhorsi tap sashe nathei han ire win oh nitat brak mat itpa hangop.

Epesas 4:11

Ama han orhor musum napin han oh orhe atamreindinnong asoh nitat mat napdapmur. Nitat mat ma napdap oh kat han ihirnong orhe mengtei meng pot pisashen han deio kat han tit ihirnong orhe meng porin han deio kat han tit orhe yah meng pot pisashen han deio kat han tit orhe nita ihirnong paptim meng am dein han deio imat orhe atamreindin asoh nitat mat napdapmur.

Mak oh yah meng ma brak matip meng oh 6:30

Ihama gahan Jisas oh yot han yot han mar ma darhetir han ihir it aprisa orhe pat duup oh tap tei hatpari. Tap tei hapti ire ma ihat piri ohe mengo ire meng potiri ohe mengo oh gonsi meng oh ohnong potpari.

Mak oh yah meng ma brak matip meng oh 6:7

Gahan Jisas oh orhe nathei han ihirnongwi Gin gur norhe duup moh apris tap tei hatinmur pongopri. Potporhan ihir apris orhe duup oh tap tei hatperhan oh Gin noh gurnong yot han yot hanwi mat nadarhetiprohmur. Noh imat nadarhetporhan gur susa gure mengtei mongsup ga aper yah deiyao deiprimur.

Matyu 9:36

Ihat sapatin wandeioh kuuhan isip gon tit sipsip bap hatin hat patin ihirnong den sahamo papindin han ihir timbas hat patin batbet ham bingbung ritin ohe danong ohwi hat patingopa. Ihat patihan oh kamahara deingop.

Erer tarpatipra 18:20

Gahan noh amraoh Aw tei pati hano Got ohe nita hano Jisas ohsi sashe nathei hano Got ohe meng pisapti hano gur mama ap mutuh ma pati han ihirdapat gurnong er nahapti moh gin Got oh pomat sama ama inahashe ohe yan oh gin mama aprisa timbas dei moh wes indeio dahama amam hat patenmur rim hangop.

Erer tarpatipra 12:1

Gahan noh wandeioh kaput Mihtin han tit tarpatipramur rim wanohe na wandeipti kis tit pitap hat patgop. Ma pitap hat pat hatip oh kuu tit atan gon oh watah aripti hatin mat ara tongnopat tong oh hayop ohe basnong tonggamat patgop. Uhe kakunghe kakhan ire aripti hatin kakung nathei merumsi turhur matpa kakung oh an patgop.

2 Pita 3:2

Gin gur rihohe Got orhe yahnap han propet ire naporishe mengo diradire Hanipyah namburpat han oh orhe yahnap sawa meng oh orhe han aposer ihirnong potporhan ihirdapat gurnong naporipti mengo ama meng oh mandapririm pomat ha dahat patengwe rim gurnong it da napamsas mama brak mat nasar ohmur.

Hibru 3:1

Jisas oh napanggeitin han hat pat ohoh ihan Got oh aw tei mahatdapat gurnong Gin guragur tap hat tamrein sashenmur napor orhe han naham kis nahat napapat han gur Jisas orhornongwi rum mutuh mat paptenmur. Oh Got orhe mengsi darhetip han ma hapat. Oh ap yawar hanat bok han hatin hat patim dire er gap hirmat namdapat han ma hapat dahat pati han ohoh ihan orhe danongwi rum mutuh mat paptenmur.

Epesas 2:20

Dir titwi ma hat pati oh tit ap gonwi hatin hat patimur. Ihat ma pati oh mutuh haw tam ma hat pat oh Jisas Krais orhormur. Mun nanip hat ma pati oh meng pot pisashe hano aposero nuhurmur. Mun nap ma hat pati bap oh gurmur. Ihat tit apwi hat patimur.

Aposer 1:13

It Jerusarem ap mutuh oh koripti iraire indin ap hat dahnong oh ruhpari. Pitao Jono Jemiso Andruo Piripo Tomaso Batoromyuo Matyuo Arpias ohe mon Jemiso Saimon Seroto Jemis ohe mon Judaso ama ihir ap tei ohe ap dahnong oh rus inpari.

Ruk oh yah meng ma brak matip ohe meng oh 22:30

Ma paptepri oh nohe kakhan ham ma papat tei oh gursi nohsi tap hat tongnoma den damo tom damo ham diradir tap hat ihirnong papindin han hatiprimur. Hama gur kakhan ire tongnom ma papti ap tan tei oh gur nitat tongnotiprimur. Tongnoma Isrer ohe mon nathei bap ire puh ihirnong samo dahamaro meng poro mar papteprimur pongopri.

Ruk oh yah meng ma brak matip ohe meng oh 11:49

Gur ihat pati han bap ohoh ihan Got oh dakuu am hat patdapat mama meng moh ritipmur. Ma ritip oh Kaput norhe meng pot pisapti han propeto norhe mengtei darherpat hano ihir ire patinong susa meng pot pisaptin ihir kat ihirnong garmar ina ruumsup apriyao kat ihirnong suyarit hapuriyao mat pisasiprimur ritipmur.

Matyu 19:28

Por dahamtiporhan Jisas oh Noh arpin meng napotiprohmur. Kaput rihohe mong erer moh timbas ham kopenohe ina ma hatipri dik oh Hanip Brer noh armi nahatin ohe hassi han hama tongnom napapindin tei ohe tongnotin oh norhor datipramur. Dara gurnong nasamo ham napaptepramur. Napapatin mama guragure erer mandam nohnong dinahapti han gurhe kakhan ihir iraire tongnopti tei tongnoma ihirnong ma wamat paptiru gurhe tongnoma Isrer ihirnong gure hrepdapat mar wamat indiprimur.

Matyu 10:2

Naporpat Gin norhe mengtei norhe meng pot pisashen han gurmur napor ma kis nahatip han nuhuroh mama nathei han nuhurnong kis nahatipmur. Mama kis nahatip han nure win oh ohri ma nure duuptei han hatin hat pat han ohe win oh yot win atpamur. Tit win oh Saimon ohmur. Tit win oh Pita ohmur. Tit han ohe win oh Andru oh Saimon ohe nap ohmur. Yot han ihitoh Jemissi Jon ihitmur. Sebedi ohe mon yot ihitmur.

Ruk oh yah meng ma brak matip ohe meng oh 6:14

Ama nathei han ire win ma atip oh tit oh Saimon Jisas oh win tit Pita ma potip han ohmur. Tit oh Saimon orhe arwap Andru ohmur. Tit oh Jemis ohmur. Tit oh Jon ohmur. Tit oh Pirip ohmur. Tit oh Batoromyu ohmur.

Jon oh yah meng ma brak matip ohe meng oh 4:33

Napotporhan nuhur ihan tit han oh tit den apopirit dekin goshatpa.