Ruk oh yah meng ma brak matip ohe meng oh 5:8 - Oksapmin

^8-10 Ihat orhor pisusa manggap tom dinin teinong deipti Saimon Pitao orhorsi tap hat tamreipti han Sebedi ohe mon yot Jemissi; Jon ihito ama tap tamreipti han gonsi ihir aning ruumsan ma taminong oh wamara Epe. Moh kinhatin da namgi daham da tupnet ritpari. Da tupnet ripti Saimon Pita oh Jisas ohe tong duup oh katin takir tongnom mem hapat Han moh orhe da oh duutin dawi hat sapat han ma hapat. Noh ohe tan hat na pat ma hapat daham ohnong Hanipyaha. Noh duutin dasi ham yah hat na pat han ohoh ihan go nohnong namdam sonmur potipri. Potporhan Jisas oh Saimon ohnong Go ihtin daham kas hatipra. Gin gorhe mama patru ma patepranong oh aning ung tamitperhan daripti ohe tan mat orhor hanip ihirnong ambur norhe han nadein han oh gorhor hat patepramur pongopri.

Ruk oh yah meng ma brak matip ohe meng oh 5:8 ပူးပေါင်းရင်းမြစ်များ

Erer tarpatipra 1:17

Ihat pathan noh wamara kin porper hatin ham ohe tong duup oh or wandasa hapur ina hatin hat mandatip. Hapur hatin hat patin orhe bes oper tan ohsi nohe inanong moh namrima Go kas hatipra. Nohri patesuhru patru ihat orhorwi patepra hanmur.

Matyu 17:6

Ritporhan ihir amrama kas isip tit hapti mong tei wah huung rim rumkin remdipari.

Jon oh yah meng ma brak matip ohe meng oh 11:32

Maria uh Jisas ohe pat aprisa Jisas ohe tong duup bos hamnong ham timama ohnong Hanipyaha. Go matei patinneng nohe nanip moh na haputirnengmur yimat tit pongop.

Matyu 8:8

Potporhan oh Hanipyaha. Go yahnap han ohoh ihan bisei han nohe ap gwatei kat mohri go na ron hatinmur. Ihan go mateidapat orhor mengwi potporhan natamreipat han oh sa yah hatiproh.

Matyu 2:11

Amam hama ap oh ros wandeiyaoh Maria ihit iman patingopari. Patihan ihir katin takira tongnom ohnong armi matpari. Armi deipti ire mim apriya erer oh taphoma apdapari. Ma apdapa oh kwei goro irat gap gapgwesi tomo irat harheir gwe hatin gapgwesi hano oh ama han erer oh yan isipsi mohopti han ohwi apdapari.

1 Korin 13:12

Gin mama kat kat am hat pati da moh dire tom hru temnong tom kakeir wamar rumkin pomat na wandeiptiru hat patimur. Kaputnong oh orhe rumkin teinong ham wamara pomat am hatiprimur. Gin dir orhe pat danong ma am hapti oh kat kat pok am haptimur. Kaputnong oh orhordapat dirnong am hat patru hatin hat orhor orhornonghe dir imat orhor pomat wamara am hatiprimur.

Ruk oh yah meng ma brak matip ohe meng oh 5:7

Ung oh turkatin ina hatporhan irair tap hat ma tamreipti han ihir tit bot ohsi apris ha napanggeitingwe daham bes poriang poriang potpari. Potperhan ihir arpin tit bot oh pisusa aning oh dara ama bot yot ite dahnong oh dar matpari. Dar deiptin bot yot oh teip hama ruum ham tom mutuhnong wayon ina hangopari.