Ruk oh yah meng ma brak matip ohe meng oh 3:22 - Oksapmin

²² Got ohe Yahsup oh ner kurwam hatin hat wandasa ohe bas oh tongnongopri. Tongnotporhan aw tei mahatdapat meng tit Jisas ohnong Go norhe bopor nahat napapat brermuro. Gwe ma ihat sapat oh norhor da yah ham amam nahat patmuro gipor hangopri.

Ruk oh yah meng ma brak matip ohe meng oh 3:22 ပူးပေါင်းရင်းမြစ်များ

Matyu 12:18

Go Got norhe natamrein hanmur por ma kis matip han oh mama pat ohmur. Ihat pat han ohnong noh amam maro bopor maro deipatmur. Noh norhe Yahsup oh ohe da mutuhnong matporhan oh among among ma pati aptei aptei ihirnong nohe ihirnong sama ihir ihat patingwerimura; ihat patingwerimura ma dahat pat ohe da meng oh pot pisasipramur.

Matyu 17:5

Giporpatin orhor awgapor has oh giandeingopri. Giandeipat awgapor has mutuh amdapat meng tit Moh norhe bopor mat papat brermur. Ohe ma ihat sapat oh norhor amamsi mat patmur rim hangopri.

Matyu 27:43

Goshapti oh Noh Got oh inahatin hatin hanwa dahama noh Got ohe brermur ma ripatgwer oh. Gin Got oh norhe brer moh ha nasutiprohe dahahhanhe sur pet amdatporhan mon oh wandas ha sonoh tang meng por indeingopa.

Matyu 3:13

Gahan Jisas oh Gariri mongdapat Jon ohe patnong apingopri. Aprisa go tom napatitina pongopri.

Matyu 3:16

Patitporhan Jisas oh tom dahdapat marpatin orhor aw tan mahat tanpura Got orhe Yahsup oh ner kurwam hatin hat wandasa ohe bas oh tongnongopri.

Matyu 3:17

Tongnotporhan mahatdapat meng tit Jisas go norhe bopor nahat napapat brermuro. Gwe ma ihat sapat oh norhor da yah ham amam nahat patmuro gipor hangopri.

Mak oh yah meng ma brak matip meng oh 1:11

Tongnotporhan aw tei mahatdapat meng tit Jisas go norhor bopor nahat napapat brermuro. Gwe ma ihat sapat oh norhor da yah ham amam nahat patmuro gipor hangopri.

Mak oh yah meng ma brak matip meng oh 1:9

Jon oh tom Jodan dah oh tom patirpatin gahan Jisas oh mong Gariri Nasaret apteidapat apingopri. Apriporhan Jon oh tom Jodan dah oh tom patingopri.

Mak oh yah meng ma brak matip meng oh 9:7

Gipotporhan awgapor oh wandasa ihirnong giandeingopri. Giandeipat awgapor mutuh amdapat meng tit Moh norhe bopor mat pat monmuro. Ohe ma naporpat meng oh gur amram dindeinmuro rim hangopri.

Ruk oh yah meng ma brak matip ohe meng oh 2:14

Armi matin ga oh rimo ma hatpa oh Puteinap aw tei mahat ma pat Got oh hassi Got ohoh ihan orhornongwi armi mat paptenmuro. Orhordapat amam nahat napapat kuuhan gur manap dasi goshat patenmuro rim Got ohnong armi matin ga oh ringopari.

Ruk oh yah meng ma brak matip ohe meng oh 4:21

Wamat patin Jisas oh Gin Noh Aisaia ohe ma brak matip meng moh satporhan gur amram wanahat patin orhor dam tarpamur pora imat meng por am deingopri.

Jon oh yah meng ma brak matip ohe meng oh 1:32

Pora gahan oh ama gipotip oh. Rih Got oh nohnong Go sus ihirnong tom patirinmur. Tom patirpatin Got ohe Sup oh wandasa tit han ohe bos tongnotporhan go wamtipramur. Wamara mama Got ohe Sup ohe bas wanda han moh Got ohe Yahsup oh dirnong napaptepra hanhe dahatipramur napor nadarhetipmur. Nadarhetporhan gahan arpin noh ihirnong tom patirpatin aw teidapat Got ohe Sup oh ner kurwam hatin hat wandasa tit han ohe bas oh tongnongop.

Jon oh yah meng ma brak matip ohe meng oh 12:28

Naporpat At go gorhornong oh win isipsi han hatinmur pongop. Potporhan nuhur amrayaoh meng tit aw teidapat Dawa. Noh rih orhor ihirnong norhornong winsi nahatin dasi mat papatmur. Ginhe it winsi nahatin da matiprohmur por hangop.

Jon oh yah meng ma brak matip ohe meng oh 5:37

Tit Oh ihtin han hat pat ma hapat dahatin ohe da oh at orhor nohe boknong meng oh nahatporhan propet ihir brak deishemur. Ihtin meng nohe bok pat orhor gur nadarhetir han nohnong Ohwi inahatin hatin han ma hapat na dahapti ohoh ihan ama meng oh gure da mutuh oh na patmur. Nadarhetir han ohe meng oh gur na amrayao orhe rumkin na wandeiyao hat pati han bap gurmur.

Aposer 10:38

Pot patin Got oh Nasaret aptei han Jisas ohnong kis mara orhe Yahsupo orhe kasipo oh ohe boknong mara apdapmur. Apriporhan oh aptei aptei oh susa ihirnong panggeio Satan ohe ma er mat papat han ihirnong pondeio mat pisasuhmur.

Korosi 1:13

Ama imat nadahandeipti Got oh dir kwitem er da ohe hrepnong hat patin orhor orhe bopor mat pat brer orhor ama kwitem yan datin ina ma hat pati oh orhor dar natimbas matipmur. Imat natimbas matip ohe dap tei oh Got oh nambura orhe bopor mat pat brer orhor kakhan ham orhe napapindin has hrepnong naham imat napapatmur.

1 Pita 2:4

Hanipyah Krais oh ap kwei tam hatin dipwi paten dasi hat pat han ohoh ihan orhe duupnong orhorwi hat patenmur. Ama ap kwei tam oh kuuhan ihir Moh er tamhe por dasei mar mandatpa orhora; Got orhor Moh yahnap kasip tammur. Datiprawa daham mamen mat itipmur.