Ruk oh yah meng ma brak matip ohe meng oh 23:34 - Oksapmin

³⁴ Irat bok sur garmar gonom sutperhan Jisas oh irat bok andemdapat Ata. Ihir nohnong hanhan hat patidapat niya ohoh ihan go ire niya ohe pe yan oh apripra. Eimat hanhan mar amdatinmur pongopri. Potporhan dupsi han ihir orhe watah pan oh adatinmat satu hama nitat goshangopari.

Ruk oh yah meng ma brak matip ohe meng oh 23:34 ပူးပေါင်းရင်းမြစ်များ

Matyu 11:25

Imara Jisas oh itap ohnong At Gota. Aw tano mong tano gonsi ma pat han oh gorhorwi Hanipyahnap hat patmur. Ihat pat han go gorhe da oh hanip ihir Noh dakuu amsi hanmur ma dahapti han ihirnong na pinggima remama brer ire da hatin hat sus Noh dakuu hat indin ohe da oh timbas hat patwa ma dahat pati han ihirnong asoh pinggipatmur. Got go ihat pati han ihirnong gorhe da oh pinggipato rim noh gonong weso napor amam nahapatmur.

Matyu 11:26

Ma ihpat oh at gorhe damdapat orhor Ihtipora daham ihpatmur pongop.

Matyu 5:44

Ihir ihtin meng tit naporishe orhor noh meng tit napotiprohmur. Mahaw han ihirnong bopor deinmur. Bopor mara ma ruumsup nahapti han ihirnong Got oh ire maripti han erero oh bapkei mar ha deinoh rim adahandeinmur.

Mak oh yah meng ma brak matip meng oh 15:24

Mandatporhan irat bok sur gardeipti daptuhura gonongopari. Indeipti orhe watah yotayota watah moh tit nih datiproh. Tit nih datiproh rima ihir satu ham watah oh nitat goshama adaringopari.

Ruk oh yah meng ma brak matip ohe meng oh 22:42

Ata. Kuuhan maihirnong ire er gap oh ahirmara ambutin mandap oh wan katdapathe ambutin kat tit pathanohri nohri ina ruumsup dar na haputiprohmur dahapatmur. Ihan ire er gap ohe ina ruumsup nohe boknong namkat pat moh ha timbas hatinoh rim dat namdatinmur dahapatmur. Ihat dahapat orhor ire er gap oh ahirmar ambutin kat oh norhe boknongwi hat pathanoh nohe ma dahapat danong oh nahatipra. Gorhe ma dahapat danong ohwi nahatinmur por sa dahamtipri.

Jon oh yah meng ma brak matip ohe meng oh 17:9

Ama ihat dahapti ihir yah hat orhor ha patengwe rim noh ire paten meng oh adahanahapatmur. Kakdah morhe danong hat ma pati bap ihir yah hat ha patengwe rim na dahanahapatmur. Gorhe kis mar nohe hrepnong matip han ihir gorhe hano rima ire yah hat paten meng ohwi dahanahapatmur.

Jon oh yah meng ma brak matip ohe meng oh 19:11

Potporhan Jisas oh Gwe ma nohnong inahah moh gorhe kasip ohsi nohnong na inahahmur. Got oh gonong Gin go ihtina napotporhan inahahmur. Ihtin ohoh ihan gwe nohnong ma inahah moh garpok er da ham inahahmur. Got ohe ap yawar hanat bok han ire duupteinap han ohe gwe bes teinong nohnong ma nahat oh heisup naham inahat ohoh ihan ohe ma inahat oh isipnap er hatmur ama potip oh.

Aposer 16:28

Ihat daham orhe ina boknong tasutpor ihpatin Por oh We. Gorhe ina boknonghe tasum er matipra. Karapus hat pati han gonsi nuhurri mama pati ohmur potipri.

Aposer 3:17

Nohanhera. Gure hanhan hat patim ma ihtirinong oh noh am hat patmur. Guragure ma ihtiri oh guragure kak hano guragur hanhan hat patim tap ham sutirimur.

Aposer 7:60

katin takir tongnoma akit mengteiwi Hanipyah go ihir nohnong mama inaham san haya ohe pe yan oh go ihirnong apripra pora hapungopri. Haputporhan Sor oh Sitipen ohnong suya oh yahmuro ama dahatip oh.

Rom ihirnong Por oh brak atip ohe meng oh 12:14

Kat han ihirdapat gurnong inaham ina ruumsup napriyahanhe gurdapat Got ohdapat ihirnong ha heisup matinoh rimhe Got ohnong Got go ihirnong imat heisup mar sutinmur poripri. Got gorhor ihirnong hinhina mar yah mat orhor panggeit paptenmur por adahandeinmur.

1 Korin 2:8

Ama reman paptesuh dakuu mengnong kakhan ihirhe wamtinnong oh wamtipa orhora; dahatinnong oh na dahatpamur. Ihir dahatpaneng diradire Hanipyah yahnap dasi hat pat han ohnong na sutpanengmur. Na dahatpa ohoh ihan ohnong sutpamur.

1 Korin 4:12

Nure ma ihat sapti oh nuranure bes tei ma batbet dar tamrein sapti ohe pe ohwi den daptimur. Nuhur ihat yah hat saptin ihirdapat nuhurnong dasei meng napor inahayahanhe nuhurdapathe it yansi na mar Got ohnongwi Got go ihirnong bapkei mar paptenmur por ire paten meng oh adahandeiptimur. Ihirdapat nuhurnong ina ruum napriperhan nuhur it yansi na mar kasip ham kimirit patimur.

1 Timoti 1:13

Noh rih orhornong dasei meng poro orhe winnong amkar er mat pisao orhe nita ihirnong er mat apisao indeisuhmur. Indeipatin orhor Got orhordapat nohnong hinhina isip nahama Oh nohnong Ohwi inahatin hatin hanwa na daham hanhan hat patim ihat sapat moh noh norhe danong hatin ohe da oh matpora daham orhe damdapat Noh ohnong imat yah matpora ma dahapat ohe yah da oh nohnong isip nahatipmur. Isip nahama orhorsi tap hat patim bopor goshat indin ohe dao Orhorwi inahatin hatin hanwa dahapti ohe dao ama Krais orhorsi tap hat patim daripti da oh napdapmur. Napdap ohoh ihan noh amam da ohsi patmur.

1 Pita 3:9

Ihat patima hanip ihir gurnong er naham inahayao dasei meng naporiyao nahayahanhe gurdapathe ire ma inahaya da oh Dirhe it yansi mar imtiper daham indeipri. Gurdapat oh Got ohe yah da oh ihirnong bapkeisi mat ha paptenoh rim Got oh ihirnong bapkei mat papten ohe meng ohwi adahamar paptenmur. Got oh Gur imat ihirnong bapkeisi mat papten ohe meng oh nohnong dahanahatperhan noh ihirnong bapkei dei gurnong bapkei nahah nahat napaptepramur napor orhe brer naham kis nahatipmur. Imat kis nahatip ohoh ihan gur ire imat adahamarwi paptenmur.