Ruk oh yah meng ma brak matip ohe meng oh 23:31 - Oksapmin

³¹ Ihat batbet isip ma datipri oh mohnong dahatinmur. Nohe yah hat sapat ohe da oh irat hapen hatin hat patin orhor ihir irat tei nasariya hatin naham batbet nahayamur. Irat hapen hatin hat pat han nohnong inahaya ohoh ihan da er hat sus kan irat hatin hat pati han ihirnong atnap batbet isip apriporhan datiprimur pongopri.

Ruk oh yah meng ma brak matip ohe meng oh 23:31 ပူးပေါင်းရင်းမြစ်များ

Matyu 3:12

Ohe ma apripra oh wit gwe pomtin ohe sapor ohsi marim apripramur. Aprisa ama sapor ohsi aim orhe dam orhe matinmat saksak matipramur. Saksak mara wit dam oh orhe saripti apnong matipramura; aim oh ruprup mara hirmar irat teinong ma matipra irat oh na tikimapat irat teinong matipramur ama potip oh.

Ruk oh yah meng ma brak matip ohe meng oh 23:30

Naporipti batbet ha datiprohe daham yei isip ihirnong Yei isip isip gur het wandas nuhurnong namkatinmuro. Mong ka muk muk ihirnong Mong ka muk muk gur het wandas nuhurnong namkatino potiprimur.

Ruk oh yah meng ma brak matip ohe meng oh 23:32

Potporhan dupsi han ihir er hat sapti han yot ihitnonghe Jisas ohsi tap mat sutperim ambur tap mar pisangopari.

Jon oh yah meng ma brak matip ohe meng oh 15:6

Nohsi na pati ihiroh er te ma gatmar anduripti ohe tan hat pati ihirmur. Imtiperhan kimsi ama te ihir gathatperhan irat te dara irat teinong saripti ohe tan hat pati bap ihirmur.

Hibru 6:8

Den gonotperhan dennong na pamrasa ti gah ti gah nangnong ma pamrapat mong oh er mongo rim Got oh bopor heisup ohsi timbas matporo dahat ma papat mong ohmur. Ama imat papat mong oh taur timbas hatipra mong ohmur.

Jut ohe brak mat atip ohe meng oh 1:12

Ama er hat sapti han bap ihir gure da gosaprinmat tarmur den dapti teinong haptimur. Ma ihapti oh ihir iraire ma ihat sapti danong oh na kas ham gure tapnong hama gure winnong naer mar ihaptimur. Ihir hanip ihirnong panggein den pandepti danong na hama iraire din atornongwi hat patim orhor gure tapnong ham den daptimur. Ama han bap ihiroh apiap hat patin tom wandon riannong inim oh mer mat popriporhan Gin wes tom rian apir moh tom wandaproh ma hapat dahatperhan tom na wanporhan Epe. Tom wandon rian hatin hat apir moh gin tom na wandon rian hahda dahaptimur. Ama er han ihir ihtin rian hatin hat pati han bap ihirmur. Ihir irat gwe dam tima dik orhor dam na timapat san hatin hat pati han bap ihirmur. Ama ihat pati han bap ihir irat gattahatporhan kakersi pet mandatperhan atnap gattahapat hatin hat pati han bap ihirmur.