Ruk oh yah meng ma brak matip ohe meng oh 22:37 - Oksapmin

³⁷ Noh arpin meng napotiprohmur. Nohe boknong naham ma brak matpa meng oh mamaru hat patmur. Ihir Moh er hat sapat hanmur pora er hat sapti han ire tapnong matiprimur napor brak matpamur. Napor ma brak matpa meng oh arpin gonsi dam tarpatin meng ohoh ihan ihir Moh er hat sapat hanmur por er hat sapti han ire tapnong matiprimur napor ma brak matpa meng oh arpin dam tarpatiprohmur. Ihan erer oh marim sonmur napormur pongopri.

Ruk oh yah meng ma brak matip ohe meng oh 22:37 ပူးပေါင်းရင်းမြစ်များ

Mak oh yah meng ma brak matip meng oh 15:27

Ihama gapah han yot oh irat bok sur garmara oper tannong deiya watah tannong deiya mar gonongopari.

Mak oh yah meng ma brak matip meng oh 15:28

Ma imtipa oh rih Got ohe ritporhan ma brak matpa meng oh. Kaput er hat sapti han irair tapnong matiprimur rim ma brak matpa oh arpin dam ama tarpatip oh.

Ruk oh yah meng ma brak matip ohe meng oh 18:31

Gahan Jisas oh orhe pinggit pisapat nathei han ihirnong ambur irarhe teinong tap tei deipat Gin gur amratin. Dir Jerusarem ap mutuhnong ruptimur. Rusa ap mutuhnong hatperhan Got oh Hanip Brer nohe boknong ma inahatipri meng oh propet ihirnong potporhan ma brak matpa meng oh gonsi nohnong inahatperhan arpin dam timdipramur.

Ruk oh yah meng ma brak matip ohe meng oh 22:22

Hanip Brer noh Got orhe Nohe brer oh ihat sa haputipra dahat patru hat haputipra orhor Hanip Brer nohnong nang ham mahaw han ire bes teinong nahatipra han oh batbet isip dara hinhinsi han hatipramur pongopri.

Ruk oh yah meng ma brak matip ohe meng oh 22:36

Potperhan Jisas oh Noh ihat nadarhetporhan gur erer oh na hatip hatpa orhor ginnong oh mani mit patihanhe datinmur. Mandap pison ohe ung pathanhe datinmur. Bior oh marim son oh tit na pathanhe guragure tei ohe watah oh wan ihirsi mani mohoma ama mani ohsi bior marim son ohe mohotinmur.

Ruk oh yah meng ma brak matip ohe meng oh 22:52

Ayah maro hama hanat bok han ire duuptei hano ap yawarnong er matipririm wamat papti hano rotu ap ohe han pohono ihirnong Gur bioro kawo ohsi marim ma apriya oh hanip sum mamter hat sapti han ihirnong amburipti ohe tan hat bioro kawo ohsi tap hat apriyada.

Ruk oh yah meng ma brak matip ohe meng oh 23:32

Potporhan dupsi han ihir er hat sapti han yot ihitnonghe Jisas ohsi tap mat sutperim ambur tap mar pisangopari.

Ruk oh yah meng ma brak matip ohe meng oh 24:27

Giporpat orhe boknong mar ma brak matpa meng oh ihat tarpatipramura; ihat tarpatipramura por ihitnong gonsi meng am deingopri. Imat meng ma am matip oh Moses ohe meng ohri duup mar porpat propet ire ma brak deishe meng oh gonsi por am deingopri.

Jon oh yah meng ma brak matip ohe meng oh 10:35

Mama brak matpa mengnong hanip dir amkar mandatin hatinda. Hanip dirnong Gur got hat pati bap gurmur ma napotip mengnong oh hanip dir gin amkar na mandatin meng ohoh ihan Got oh Moh norhe gon brermur napor ma nadarhetip brer noh Noh Got ohe brermur ritporhan gur kianorim Go Got ohnong dasei deipatmur naporiya.

Jon oh yah meng ma brak matip ohe meng oh 17:4

At noh gwe natamreindin oh mamen matmur. Ma mamen mat oh gonong kakdah moh winsi han nahatmur.

2 Korin 5:21

Got oh Krais orhe dap teidapat Norhe yahnap duung da moh ire boknong matpor. Matinmat ire er hat pati da moh ongeng tahat pat han Krais orhe boknong matpor daham orhe boknong mar er han hatin matipmur.

Garesia 3:13

Dir pohon mengnong dimtipera dahapti orhor pomat na dindeipti ohoh ihan Got oh heisup nahat napapatmur. Ama da oh Jisas oh dara ama yan oh oh datipmur. Ohe ma heisup nahat napapat da oh ma datip oh mama brak matpa mengru hatin mat datipmur. Ma brak matpa meng oh Hanip sama Moh er han sutin han ma hapat daham irat boknong nang atpayahanoh ama irat boknong nang atpaya hannong oh Got ohhe heisup mat papat hanmur por brak matpamur. Ma brak matpa mengru hat orhor Got orhe bopor heisup nahat napapat da oh Jisas orhe sur gartahatip boknong matipmur.