Ruk oh yah meng ma brak matip ohe meng oh 22:36 - Oksapmin

³⁶ Potperhan Jisas oh Noh ihat nadarhetporhan gur erer oh na hatip hatpa orhor ginnong oh mani mit patihanhe datinmur. Mandap pison ohe ung pathanhe datinmur. Bior oh marim son oh tit na pathanhe guragure tei ohe watah oh wan ihirsi mani mohoma ama mani ohsi bior marim son ohe mohotinmur.

Ruk oh yah meng ma brak matip ohe meng oh 22:36 ပူးပေါင်းရင်းမြစ်များ

Matyu 10:10

Hanip ihir ma tamreipti ohe pe oh den dapti ohoh ihan mandap son ohe ungsihe suhum sapri. Tong apo wataho ohhe yot mat pisapor dahamhe yot mat pisasipri. Ma an pat orhorsiwi sonmur. Tohhe marim sapri. Be sonmur.

Ruk oh yah meng ma brak matip ohe meng oh 22:35

Giporpat Jisas oh Noh rih gurnong ma nadarhengop mah Gur manio ungo tong apo ohsi na sus be sonmur napor ma nadarhengop mah gahan gur sus ererhe ti hatip hatpada por dahandeingopri. Por dahamtiporhan ihir Oho. Nuhur erer oh gonsi tit han tit na hatip hatpamur potpari.

Ruk oh yah meng ma brak matip ohe meng oh 22:37

Noh arpin meng napotiprohmur. Nohe boknong naham ma brak matpa meng oh mamaru hat patmur. Ihir Moh er hat sapat hanmur pora er hat sapti han ire tapnong matiprimur napor brak matpamur. Napor ma brak matpa meng oh arpin gonsi dam tarpatin meng ohoh ihan ihir Moh er hat sapat hanmur por er hat sapti han ire tapnong matiprimur napor ma brak matpa meng oh arpin dam tarpatiprohmur. Ihan erer oh marim sonmur napormur pongopri.

Ruk oh yah meng ma brak matip ohe meng oh 22:38

Potporhan ihir Hanipyaha. Nuhur bior yot mama pat ohwa por pinggitpari. Pinggitperhan oh Gur nohe meng napotporhan gur na dahaya ohoh ihan meng oh kiwa. Mandayamur pongopri.

Jon oh yah meng ma brak matip ohe meng oh 15:20

Nohe ma naporpatgwer mengnong oh dahatinmur. Nohe gurnong ma naporpatgwer oh Kamah han tit oh orhe atamreipti han ire hrepdapat hat patda. Basra. Oh ire hrepdapat hat na patmur ma naporpatgwernong oh dahatinmur. Ihat pat ohoh ihan nohnong garnahamo inahamo nahayahanoh nohe hrepnong nahat napapat gurnonghe atnap inahapri basda. Gurnong atnap inahaprimur. Nohnong nohe meng amramo ma haya ihirnong oh gure menghe amramo haprimur.

Jon oh yah meng ma brak matip ohe meng oh 16:33

Kakdah moh gur ruumsupsi hapti orhor noh kakdah mohe erer oh nohe hrepnong mar ambapte mat papatmur. Ambapte mat papat ohoh ihan gur Oh erer moh orhe hrepnongwi mat papat ma hapat daham manap da tei hat orhorwi da yah hat patenmur. Gur Nuhur Jisas orhe tapnong hat pati moh yah hat patiwa daham gur da yah hat ha patengwe rim noh mameng moh napormur napongop.

1 Tesaronaika 3:4

Ma am hat patinong oh nuhur rih gursi tap hat patin orhor Dir Got ohe danong hat sapti ohe pe oh kat ihirdapat ruumsup naham inahatiprimur ginapotirimur. Gin nure ma ginapongweri meng oh arpin mama tarpapat ohmur.

1 Pita 4:1

Gur Krais ohe ina bok ma batbet datip oh Gin nuhurhe ihtin ina batbet oh datiprohewa daham ama batbet datin danong oh kasip ham patenmur. Ihat patim batbet ma daripti ihiroh er danong eimat mandam ihaptimur.