Ruk oh yah meng ma brak matip ohe meng oh 20:38 - Oksapmin38 Got oh hapur da timbas hapti han ire Got hat patda. Basra. Got oh hapur sus da pati han ire Gotmur. Got oh hanip dir haputperhan ire da oh na timbas ham patiwa dahapat ohoh ihan oh da pati han ire Got hat patmur pongopri. အခန်းကိုကြည့်ပါ။ |
Krais oh orhe kasip ohsi hat ma pat oh mamarumur. Oh hanip diradir hatin gapa han hatin hat patin irat bok sur garmar sutpa orhora; it masas ma pipnong oh Got orhe kasip ohsi pamsaporhan masas patmur. Masas ma pat oh ama pamsuhup kasip orhorsiwi hat patmur. Gin orhorsi ma tap hat pati nuhuroh orhe gapa han ma hat patesuhru hat orhor nuhurhe ihat patimur. Ihat pati orhor orhe pamsas papat kasip ohsi nuhur tap hat pati ohoh ihan noh ama ohe kasip ohsi apris er yan napripramur.
Kakdah dasuh got ire ap yawar ohsi; Got orhe ap yawar ohsi tit apwi matin hatinda. Basra. Na imtin hatin ohoh ihan gur sahsah mathe paptepri. Got oh ritporhan ma brak matpa mengnong moh dahenmur. Ma brak matpa meng oh mamarumur. Got oh Noh ire ina oh norhe ap yawar hatin mara ire ina mutuh oh noh patepramur. Ihat ma patepra oh ihirnong norhe nita mar paptepramura; ihirdapat norhornong Nure Gotmur napor napapteprimur. ritporhan brak matpamur. Giritporhan ma brak matparu orhe nita ma nahat pat dir gonsi dipwi pat han Got orhe ap yawar ongeng mat apapten ohe ap yawar hatin hat patimur. Ihat pati han dir ohoh ihan gur Got ohe danong na hapti han ihirsihe sahsah goshathe patepri.
It iraire mandam apdapa mong teinong ma na pipa oh ihir wan mong yahnap mong aw teinong son ohe danong hat patim girishe ma hapat dahaptimur. Ihir ihat dahat ma pateshe oh Got oh Ihir aw teinong aprin ohe danong hat pati ohoh ihan ihir nohnong nuranure Gotmur naporiyahanoh yaho. Noh na kasa hat patmur. Ihan noh ire paten ohe ap mutuh oh matei amamen matpor dahama amamen mat mandatipmur.