Ruk oh yah meng ma brak matip ohe meng oh 20:35 - Oksapmin

^35-36 Got oh Maihir kaput masas nohsi paten inasi hat patimur daham papat ihiroh it masas ma patepri oh it na hapura Got ohsi pati bap enser ihir hatin ham na hapur dipwi patepri ohoh ihan na gosdatiprimur. Na gosdar Got orhor pamsasa orhe brer mat paptepra ohoh ihan na gosdara be eimat orhe brer hat pateprimur.

Ruk oh yah meng ma brak matip ohe meng oh 20:35 ပူးပေါင်းရင်းမြစ်များ

2 Tesaronaika 1:5

Gure na gapa ham kasip hat orhorwi ma sapti oh Got orhor duung dasi hat orhorwi nasam inahapat hanhe dahatin ohe da oh pinggit pisaptimur. Gure batbet dar ma ihat sapti oh Got oh Maihir norhe papindin hrepnong hatin inasi hat patim ihat saptimur naporpatmur.

Matyu 12:32

Hanip Brer nohnong dasei nahayahanoh ama ohe yan oh natimbas matin hatin mat patmur. Mat patmura; Yahsup ohnong dasei deiyahanoh ama ohe yan oh gino kaputo orhorsi na natimbas matin hatin hat patmur.

Aposer 24:15

Nohe ma ihat sapat da oh mama ire kaput Got oh apris er hat sus ma hapuripti han ire dasi; yah hat sus ma hapuripti han ire dasi tap mat pamsapramur ire ma ihat dahat pati da hatin hat orhor nohe dahe ihat dahat sapatmur. Ihat dahat sus nuranur orhe ma inahatipra danong oh tap hat minhan patimur.

Aposer 5:41

Mandatperhan aposer ihir pipari. Susa Dir Jisas ohe mengtei ihapti ohe pe oh mama ruumsup dire boknong naham napris napisapti moh yaho rim amam hat pipari. Amam hat susa Jisas oh Got ohe kis matip han Kraismur poripti ohe yah meng oh na mandam ameng orhorwi Got ohe ap yawar doho dahnong ros poriyao ire ap ap ros poriyao ham dipwi orhe meng oh porwi patesheri.

Ruk oh yah meng ma brak matip ohe meng oh 21:36

Oh gin apriprohkin daham kinkin dahat orhorwi wanahat patenmur. Ihat orhorwi patim er nahatin sup oh apris gure boknong naham ambapte nahatiprarim gur Got ohnong At Got go er nahatin sup oh apriporhan ambapte matin ohe kasip ohsi kasip nahat napaptenmur. Kasip nahat napapatin Hanip Brer orhor ma apripra tei oh kasip ham orhe kintei tandeitiprimur por dipwi guragur dahamar paptenmur pongopri.

Erer tarpatipra 3:4

Gure ma yah hat sapti oh mamaru hat saptiri. Uut han Sardis aptei pati uut han gur guragure watahnong na sirapsi mar ongeng mat pisaptiri. Ama guroh guragure yah hat sapti ohe pe oh watah has nameinap hatin ara orhorsi paten inasi hat pati gur ohoh ihan watah has nameinap hatin ara orhorsi patepriri.

Hibru 11:35

Kat kuu ihir Got orhorwi inahatin hatin hanwa dahat patim brer ihir haputperhan Got oh it pamsaporhan supir ihir amburishemur. Kat ihirnong karapus mar Gure Got ohe danong hat sapti da oh kom asar mandayarit nuhur arpit namdatiprohemur por karapus mar batbet apris sushemur. Ihir imat sushe orhor ihir Nuhur Got ohe danong hat sapti da moh mandatperhan arpit namdatperhan nuhur yah hat inpera na dahashemur. Kaput yahnap hat patepri ohe dasi naham napamsapra ma hapat daham ama danongwi hat patimdapat orhor batbet isip dar hapurishemur.

Mak oh yah meng ma brak matip meng oh 12:24

Gin kuu mauh beshei han maihirnong gonsi ma datip oh kaput hanip da ma it masas patepri tei oh ama beshei han maihir de han oh eimat dat patepra por dahandeingopari. Ma dahamtipa oh it masas patimur ma ripti mengnong oh dasei mar ihat mengingopari.

Matyu 22:29

Gin kuu mauh beshei han maihirnong gonsi ma datip oh kaput hanip da ma it masas patepri tei oh ama beshei han maihir de han oh eimat dat patepra por dahandeingopa. Ma dahamtipa oh ihir it masas patimur ma ripti mengnong oh dasei mar imat paham meng por dahamtipamur.

Mak oh yah meng ma brak matip meng oh 10:42

Heisup matperhan Jisas oh Gur apris tap tei hatinmur potporhan ihir sus tap tei hatpari. Tap tei hatperhan oh Gur Juda na hat pati han bap ire kakhan hama Ihirnong dire hrep mat paptim dirnong winsi han hat inper ma dahapti da hatin hathe dahapri. Ihir winsi han bap hatinmat ihirnong kasip mengtei paptimur.

Ruk oh yah meng ma brak matip ohe meng oh 16:8

Kamah han ohe erer awamat pat han oh imat ire ayan hat pati oh hatip mat apisaporhan kamah han oh wamar am hama ama er hat atamreipat han ohnong Go nohe natamreindin oh er mat natamreipat orhor gorhe kom ma kakdah morhor indin ohnong daham ire yan ahatip dei moh go dakuu han hatin ham indeimur pongopri. Ihangopri pongopri. Porpat Kakdah morhe danong hat ma pati bap ihiroh iraire komdapat kakdah indin ohe danong asoh dakuu ham ihat sapti bap ihirmur. Has yah dasi hat orhor ma pati han bap guroh guragure komdapat ma eimat patepri danong oh ihat na dahapti bap gurmur pongopri.