Ruk oh yah meng ma brak matip ohe meng oh 20:14 - Oksapmin

¹⁴ Darhetporhan oh saporhan ihir wamara He. Mama apir brer moh nangbar rang nita han ohe mon oh apir moh itap ohe nangbar rang moh ohwi datipra. Mon ohnong sum nangbar rang moh dirwi gon mar datiprimur gosham

Ruk oh yah meng ma brak matip ohe meng oh 20:14 ပူးပေါင်းရင်းမြစ်များ

Rom ihirnong Por oh brak atip ohe meng oh 8:17

Dir Got orhe brer hat pati ohoh ihan orhe nat pat erer oh orhe brer Krais orhe darpatru mat orhorwi orhorsi taman titwi datiprimur. Orhe batbet ma datipru mat dariyahanoh ama imat dariya han bap dir has yahnap da oh orhorsi taman tap mat datiprimur.

Hibru 1:2

Gin Krais oh hapur saporhan ohe pepe dik pati moh Got orhe meng oh orhe mon orhe boknong mar napotipmur. Itap oh orhe mon orhe boknong mar ma darhetip oh mong erer ma darpatip oh mon orhe bes teinongwi mar darpatip ma hapat. Norhe hrep papat erer moh mon orhorwi datipra ma hapat daham mamen mat papatdapat darhetipmur. Darhetporhan orhe boknong mar meng napotipmur.

Aposer 3:15

Arpit mandatporhan gur Jisas diradirnong paten dasi nahat nahapat han ohnong sutirimur. Sutperhan Got oh it da pamsaporhan oh masas saporhan nuhut wandeipti gin ama nute wamtiri meng oh gurnong naporiptimur.

Aposer 2:23

Ama han orhornong Got oh ihir ha sutingwe dahapat gure bes teinong matipmur. Gure bes teinong matporhan er hat sapti han bap ihirnong Gin gur irat bok sur garmar sutina potperhan ihir irat bok sur gar mar sutpamur.

Ruk oh yah meng ma brak matip ohe meng oh 22:2

Kakduup hah tei hanat bok han ire duuptei hano sawa meng am hat pati hano ihir Kuuhan maihir Jisas ohe danong hat pati moh dir ire kintei moh kinmat sutiprohe daham kuuhan ihirnong kasa ham Ihan dir ahar sutpera daham ahar sutin kat oh ama angmatpa oh.

Ruk oh yah meng ma brak matip ohe meng oh 20:19

Potporhan sawa meng am hat pati hano Got ohe ap yawar hanat bok han ire duuptei hano ihir amrama Mama paham meng napor moh Isrer diradire boknong naham ginapor ma hapat daham ihan dir gin morhor karapus matinmat net potpera gospotpa orhor kuuhan ire kintei ohoh kas ham ama mandatpa oh.

Ruk oh yah meng ma brak matip ohe meng oh 20:5

Por dahamtiporhan ihir Dir Jon ohe tom ma patirisuh oh Got ohe mengtei tom patirisuhmur poriyahanoh Jisas oh Ihan gur kianorim ohe mengnong amram na dindeishe napotiproh ma hapat.

Ruk oh yah meng ma brak matip ohe meng oh 19:47

Imaro hapat iraire ma Jerusarem ap mutuh ma aya dik oh Jisas oh dipwi Got ohe ap yawarnong rosa kuuhan ihirnong meng por am mar angopri. Am deipatin ap yawar ohe hanat bok han ire duuptei hano sawa meng am hat pati hano rotu ap ohe han pohono ihir Jisas ohnong sutpero rim sutin kat oh sa apetpari.

Matyu 21:25

Nohe ma dahanahatiproh dahah meng oh mohmur. Jon ohe tom ma patirisuh oh hanip ihir Gin Jon go tom patitinmur potperhan tom patirisuhda da Got orhe mengtei tom patirisuh. Gur kiano dahaya. Ritina por dahandeingop. Por dahamtiporhan ihir Dir kian meng potiprohe. Dir hanip ire mengtei tom patirisuhmur potperda da Got orhe meng tei tom patirisuhmur potper. Diroh Got orhe mengtei tom patirisuhmur riyahanoh Jisas oh Gur ihan kianorim ohe mengnong amram na dindeishe napotiprohkin.

Matyu 16:7

Napotporhan Nuhur den mim na apriya ohe meng oh napor ma hapat gigoshatpa.

Matyu 21:34

Tit han tit mongsi han hat patesuhri. Patdapat tomhan amgap rang deim tomhan amgap itipri. Sara kasip doho hat mandapat tomhan marindin ohe watah mamen mat itipri. Dat sarpat ru kak paten ap oh dokap hatipri. Hat mandapat Gin gur wamat patenmur. Wamat patim kat gur dayao norhornong nasariyao ham wamat patenmur pora ire bes teinong mara oh wan mongnong pipri. Susa indipri.

Ruk oh yah meng ma brak matip ohe meng oh 20:13

Imtirihan nangbar rang nita han oh Epe. Norhe natamreipti han ihirnong darhetporhan indeipti moh ihan gin noh kin matiproh sa. Ihan noh norhe mon bopor mat papat brer tit pokwi mohnong darhetiprohmur. Darhetporhan ohnong norhe mono rim nohe danong ham ohe meng amram na sutiprohekin daham orhe mon ohnong darhetipri.

Ruk oh yah meng ma brak matip ohe meng oh 20:15

Mon ohnong nangbar rang kot doho hir dahnong oh mar sein sut itpari. Indeingopari pongopri. Jisas oh paham meng oh giporpat kuuhan ihirnong Gin mama paham meng ma napor moh nangbar rang wamat pati ihir imtiperhan nangbar rang nita han oh ihirnong kinmatipra dahaya por dahandeingopri.