Ruk oh yah meng ma brak matip ohe meng oh 2:36 - Oksapmin

³⁶ Simion oh meng oh sup uhnong gipor mandatporhan Got ohe ap yawar ma pat kuu uh patgopri. Ama kuu uhe win oh Ana uhmur. Uh Panyuer ohe kor Asa ohe puh ihirmur. Uh Got ohe meng pot pisapat propet hat pat kuu uhmur. Uh han dar gamin patina beshei krismas birhitporhan imap oh haputipmur.

Ruk oh yah meng ma brak matip ohe meng oh 2:36 ပူးပေါင်းရင်းမြစ်များ

Ruk oh yah meng ma brak matip ohe meng oh 2:35

Indeipti ire ma dahat pati da oh pitap teinong matiprimur. Mon ohnong imtiperhan sup gwe danonghe hanat tong napor bopor nakapotiprimur ama potip oh.

Ruk oh yah meng ma brak matip ohe meng oh 2:38

Ihat ma pat kuu kusen uh Mariasi Josep ihit brer ohsi ap yawar oh ros patin uh apris ite duupnong oh hama Got ohnong Wes Got go brer moh napino por weso pongopri. Weso pora Jerusarem ap mutuh pati kuuhan dirnong Got oh nambutiprawa daham ma minhan pati ihirnong Ana uh brer ohe meng oh ama am mar porisuh oh.

Aposer 2:18

Norhe Yahsup ma ihirnong apripra oh norhe natamrein sapti han ihirnongwi na apripramur. Be bap kuuhan ihirnongsi tap mat apripramur. Apriporhan ihir nohe meng oh pitap teinong mar riprimur.

Aposer 21:9

Ohe brer muk ihir han timbas kuu hathat timbas kuu Got ohe meng pot pisapti kuu muk ihir patingopa.

1 Korin 11:5

Kuu gurhe Nuhur han ire hrepdapat hat patiwa daham kakung ariptimur. Ihapti ohoh ihan gur kakung timbas patim beten hayao Got ohe meng oh poriyao hayahan han ire hrepdapat hat na pati hatin hat patim han ihirnong dasei mar ihaptimur. Ihan ama ihapti ohe da ohri hapri. Ihyahan kuu ihir kak bat pira ham mandama kak bat timbas kuu hatin hat pati ohoh ihan ama da ohri ihapri.

1 Korin 12:1

Nohe taptem bapa. Gin gur Got orhe Yahsup oh dirnong nitat tamreindin da ma napripat oh gur pomat daham ha am hatingwe rim noh mama meng moh napotiprohmur.

1 Timoti 3:2

Arpin yahnap ohe tamreindin ohoh ihan guragure kintei yahnap hat ma pat han asohwi kis deinmur. Yahnap hat patin ma kis matiprohe han oh mamaru hat pat han ohnongwimur. Kuuhe tit kuu pokwi ma dat pat han ohmur. Dahatin dahe potahat dahama kak tongnot ma pat han ohmur. Ire kintei asoh ma yah hat us apir hapat han asohwimur. Hanip gonsi ihirnong ma norhe yah hanwimur por amburpat han ohmur. Da nadapetin meng ma naporpat han ohwimur.

1 Timoti 5:9

Sios gur kuu tahem ihirnong panggeitinmat ire win atper dahayahanoh sama mihat ma pati ire win ohwi atinmur. Mamarumur. Imapir ihir na haput patin orhor orhe danongwi hat patin haputporhanhe inapir ma kusen hata kuu ire winwi atinmur.

Erer tarpatipra 7:6

Asa ohe puh ihirhe 12,000 ihirmur. Naptari ohe puh ihirhe 12,000 ihirmur. Manasa ohe puh ihirhe 12,000 ihirmur.