Ruk oh yah meng ma brak matip ohe meng oh 2:11 - Oksapmin

¹¹ Gure amamnap hatin ohe meng oh mamarumur. Gin mama kwitem morhor Depit ohe ap mutuh moh kakdah pati kuuhan gurnong namburipra brer tit sariyamuro. Oh Got orhor Ihirnong sa amburipra rim kis mat pat han Hanipyah Krais ohnong sariyamuro.

Ruk oh yah meng ma brak matip ohe meng oh 2:11 ပူးပေါင်းရင်းမြစ်များ

Matyu 1:21

Uhe brer ma itipra oh mon tit itipramur. Itporhan oh gure er da dat namdama gurnong namburin han hatipramur rim ohe winhe Jisas oh potinmur ama potip oh.

Aposer 2:36

Ama ohe boknong mar gipor brak matip han orhornong oh guragur irat bok sur garmar sutirimur. Sutiri orhor Got oh ama han ohnong orhe dirnong namburin han ma kis matip han orhor mara dire napapten han Hanipyahnap mat papatmur. Ma imat papatnong oh Isrer han gonsi gurhe gin daham am hatinmur potipri.

Matyu 16:16

Dahanahatporhan Saimon Pita oh Go Got dipwi patesuhru patru pat han ohe monmur. Go Got oh Noh hanip ihirnong amburin han tit darhetipramur rim ma kis matip han oh gomur pongop.

Ruk oh yah meng ma brak matip ohe meng oh 1:43

Go apris nohnong Uum go patda napotporhan kopen amrapatin orhor nohe brer ake mutuh ma pat brer mohhe amam ham taptaparmur. Taptapatporhan norhe Hanipyah ohnong itipra kuu moh bisei kuu nohe patnong nandarhe moh nohnong yah da tit naham nohe patnong nandarhe ma hapat dahahmur.

1 Jon 5:1

Gur mohnong dahenmur. Jisas ohnong Got orhor dirnong namburin han nadarhetip ma hapat dahapti han bap dir Got orhe brer hat patim ihat dahaptimur. Orhe brer hat patim ihat dahapti ohoh ihan itap orhornong da apris bopor deipti da hatin hat orhor orhe brer hat patim ihirnonghe imat da apris bopor deiptimur.

Piripai 2:11

Adaptuhura Jisas Krais moh orhorwi hanip yahnapmur ha poringwe daham win isipnapsi han matipmur. Orhorwi Hanipyahnapmur por armi mar ma winsi deipti oh itap Got orhe winsi tap mat win isipsi mar win adaptuhuriptimur.

Jon oh yah meng ma brak matip ohe meng oh 4:42

Dahapti kuu uhnong Rih gwe meng amram arpinhe daham ohe danong hatirimur. Ginhe orhe meng mohhe amram Arpin moh nuhurnongo mong mong ma pati han ihirnongo eimat paten dasi nahatin han oh mama pat oh ma hapat daham ohe danong hayamur pongopa.

Ruk oh yah meng ma brak matip ohe meng oh 2:4

Josep ohhe Depit ohe puho rim rop Depit ohe tarpatip aptei Betrehemnong saporo rim Gariri mong Nasaret aptei mandama ihit gamin Judia mong Betrehem apteinong ama ruhpa oh.

Matyu 1:16

Jekop oh Josep ohe itap oh. Josep oh Maria uhe imap ohmur. Inap Maria uh Jisas ohnong ma itip kuu uhmur. Jisas oh Got orhor ihirnong ambutipra hanmur potip hano rim Krais porishe han ohmur.

1 Korin 15:47

Kakdah morhe ohri patesuh han Adam oh Got oh mong morhorsi darpapat kakdah morhe paten han mat mandatipmur. Komdapat ma apdap han Adam oh aw tei mahat ohe eimat paten ina dasi hat ma pat han Adam oh kakdah moh apdapmur.

Aposer 10:36

Got oh Isrer nuhurnong yah meng ma napotip meng oh Gur dahat patimur. Ama napotip oh Gure Hanipyah Jisas oh gure titwimur. Ama tit han orhe dap teimdapatwi manap gosat paten ohe da meng oh tarpat apripatmur napotipmur.

Jon oh yah meng ma brak matip ohe meng oh 20:31

Nohe mama brak dei oh Gur Jisas ohnong Oh Got orhe Noh ihirnong ambutin han darhetipramur ma ritip han oh oh ma hapat. Orhor Got ohe brer ma hapat. Oh orhe kasip eimat paten dasi nahatin han ma hapat daham eimat paten dasi ha hatingwe rim noh mama brak dei ohmur.

1 Jon 4:14

Got oh orhe mon ohnong aw pe mong pe gonsi dirnong namburin han darhetporhan nuhur dam wamara gurnong Arpin oh dire namburin han nadarhetipmur napotperhan gur amram am haptimur.

Jon oh yah meng ma brak matip ohe meng oh 1:45

Pirip ohnong Go nohe kom aprinmur potporhan oh Natanier ohnong angmat susa Natanier ohnong wamtipri. Wamara Nuhur Moseso propet ire Kaput ihtin han tit apripramur rim sawa mengtei ma brak deishe han oh gin nuhur wandeiyamur. Wamara oh Nasaret ihir Josep ohe brer Jisas ohmur

Aposer 17:3

Dahanggosham Por oh meng oh am matipri. Ma am matip oh Got oh Kaput tit han ohe boknong batbet nang matperhan hapur susa it masapramur por ma brak matpa meng oh Got orhor Ihirnong amburin hanmur rim ma kis matip han ohe boknong mar brak matpamur por ihirnong ameng oh am matipri. Ama imat kis matip han oh nohe mama naporpat han Jisas orhornongmur por ihirnong am matipri.

Aposer 5:31

Da pamsasa ambur prusa Gin go ihirnong amburo paptemo hen han ham go norhe bes oper yah tan amdapat tongnotinmur. Ma tongnot patepra oh ire er hat sapti danong oh kom asar sa mandatipri. Mandatperhan Got oh ire er hat sapti pe yan oh it yansi na mara eimat hanhan mar sa mandatipra daham tongnot patenmur potipmur. Potporhan oh arpin ihat tongnot patmur.

Jon oh yah meng ma brak matip ohe meng oh 6:69

Ihan nuhur amram dahama Gowi inahatin hatin ma hapat dahat patimur. Dahat patim go Got orhor da ongeng mat papat han yah tit darhetipramur ma dahatip han oh go ma hapat daham am hat patimur pongop.

Jon oh yah meng ma brak matip ohe meng oh 1:41

Oh Jisas ohe komnong sonmat nanip Pita ohnongri ambur pipri. Susa pathan oh nanip ohnong Nuhut Mesaia ohnong wandeiyamur potipri. Hibru ire mengtei Mesaia porishemur. Grik ire mengtei Krais porishemur.

Matyu 16:20

Porpat nuhurnong Gur ihirnong Ama han orhor Kraismur poripri napor nanggungop.

Korosi 2:6

Gur Jisas Krais ohnong Ohwi nuranure Hanipyah ma hapat dahapti orhe meng ma datparu hat orhorwi orhorsi tap hat pati han ire yah hat saptiru hat orhor yah hat sashenmur.

Piripai 3:8

Nohe rih ina teimdapat ma yah hat sasuhnong ohwi na dahapatmura; gin ohe ma ihat sapat mohsi tap mat oh Noh be ihat sapat ma hapat dahapatmur. Norhe Hanipyah Jisas Krais ohnong am hatin ohe da ohwi isip yahnap han ma hapat dahapatmur. Ihama ohe tapnong ham yah han hatin ohe da oh isip hat sonmat rihohe erer ma ihpat ohe da oh na napanggeitin ohe danong ihat sapat ma hapat daham mandama Krais orhorwi napanggeitin han ma hapat daham orhe danongwi hat sapatmur.

Jon oh yah meng ma brak matip ohe meng oh 11:27

Jisas oh potporhan Mata uh Hanipyaha. Dawa. Noh gonong Go Got oh ihirnong ambutin han kakdah darhetipramur rim ma kis nahat napapatdapat nadarhetir han oh gomur dahat patmur pongop.

Ruk oh yah meng ma brak matip ohe meng oh 2:26

Ihat pat han ohnong Got ohe Yahsup oh ohnong Go na haput patin orhor Hanipyah oh ihirnong sa amburipra rim kis mat papat han Krais oh apirit go wamtipramur potporhan oh amengnong dahat patesuh han ohmur.

Ruk oh yah meng ma brak matip ohe meng oh 1:69

Mama armi mar papten han orhor orhe atamreisuh han Depit ohe puh ire boknong oh dirnong namburin kasipnap han tit matporhan oh tarpam patmuro.

Jon oh yah meng ma brak matip ohe meng oh 4:25

Potporhan uh Nohe da oh Mesaia ohnong Krais ma poripti han oh apris meng gonsi pomat am naham da nadapetipra ma hapat dahat patmur pongopri.

Aposer 13:23

Ihan patin gahan Got orhe rit natip mengru mat orhor Depit orhe puh Jisas ohnong Isrer dire nambutin han mar nadarhetirmur.