Ruk oh yah meng ma brak matip ohe meng oh 2:10 - Oksapmin

¹⁰ Kas isipnap hatperhan enser oh We. Gur kas hatipri. Nohri gurnong yahnap meng kuuhan gonsi gur amamnap hatin ohe meng tit napotinmat popripatmur.

Ruk oh yah meng ma brak matip ohe meng oh 2:10 ပူးပေါင်းရင်းမြစ်များ

Matyu 14:27

Ngangatperhan oh We. Norhor apripat ohoh ihan gur kas hatipri napongop.

Matyu 28:18

Ihtiperhan oh nure duupnong apris nuhurnong At oh kakdah mong erer mohsi; aw tei mahat ohe erer ohsi norhe hrepnongwi mar papindin ohe kasip inasi nahat napapatin noh norhe hrepnongwi mar papatmur.

Matyu 28:5

Ihat patihan enser oh ihitnong Gut kas hatipri. Gut Jisas irat bok sur garmar sutiri han ohnong ma angmat apriyaoh noh dahat pat ohoh ihan gut kas hatipri.

Mak oh yah meng ma brak matip meng oh 1:15

Pot ma pihip oh Gin Got orhe mengtei napapindin oh kakduup hah ohoh ihan gure er hat sapti da oh kom asar mandama da tamburketinmuro. Tamburkera Got orhe yah meng naporpat meng moh arpin meng napor ma hapat dahat patenmuro ponipatri.

Mak oh yah meng ma brak matip meng oh 16:15

Indeipat Gur mong mong moh kuuhan gonsi ihirnong nohe yah meng moh pot pisashenmur.

Ruk oh yah meng ma brak matip ohe meng oh 1:13

Kas isip tit hatporhan enser oh We. Go kas hapra. Gwe Got ohnong ma dahandeipat meng oh Got orhor amram am hat patmur. Am hat pat ohoh ihan gwe inan Irisabet uh brer mon tit natipramur. Natporhan ohe win oh Jon potinmur.

Ruk oh yah meng ma brak matip ohe meng oh 1:19

Gipotporhan enser oh Es. Got ohe duup tandeit pat han Gebrier nohmur. Ihat pat han norhornong Got oh Gin go yah meng mohsi susa ohnong potinmur napor nadarhetporhan noh apris gonong mama napor ohmur.

Ruk oh yah meng ma brak matip ohe meng oh 1:30

Da trun darhetporhan enser oh We. Maria go da trun darher kas hatipra. Got oh go yahnap kuuo rim orhe da orhor yah nahat napapatri.

Ruk oh yah meng ma brak matip ohe meng oh 2:11

Gure amamnap hatin ohe meng oh mamarumur. Gin mama kwitem morhor Depit ohe ap mutuh moh kakdah pati kuuhan gurnong namburipra brer tit sariyamuro. Oh Got orhor Ihirnong sa amburipra rim kis mat pat han Hanipyah Krais ohnong sariyamuro.

Ruk oh yah meng ma brak matip ohe meng oh 24:47

Masporhan orhe mengtei kat kuuhan ihirdapat kat kuuhan ihirnong Gur ihan dire er hat sapti da moh mandatper. Mandama yah hat sapti danongwi hat sasiper dahayahanoh Got oh gure er gap oh hirmat namdama it yansi na nahama eimat hanhan mar mandatipramur pot pisaprimur. Ameng ma pot pisasipri oh Jerusarem ap mutuh ohri pot pisusa aw pe mong penong gonsi pot pisasiprimur rim brak deishemur.

Ruk oh yah meng ma brak matip ohe meng oh 8:1

Gahan Jisas oh ap mutuh ohe aptei apteio be aptei apteio oh kuuhan ihirnong Got ohe napapat yah meng oh pot pisaporo rim orhe pinggit pisapat han nathei han ihirsi meng pot pihipari.

Aposer 13:32

Dire awher ihirnong Got oh Kaput noh gurnong ihtin han tit inahatipramur ma rit atip yah meng oh gin mama napot apriya ohmur.

Rom ihirnong Por oh brak atip ohe meng oh 10:15

Meng pot pisonhe Got oh meng pot pison han ihirnong na darhet patin oh ihir pot pisaproheda. Basra. Orhor darhetporhanwi ihir pot pisaptimur. Orhor darhetporhan gin mama pot pisapti ohmur. Ama pot pisapti ohe meng rim ma brak matip oh mamaru hat patmur. Hanipyah ohe yah meng ohsi popriya moh yaho daham amam haptimur rim brak matipmur.

Epesas 3:8

Norhe da oh Noh komnap han win timbas han hat pat ma hapat dahapatmur. Ihat ma dahat pat han nohnong Got oh orhe damdapat orhor Imat yah matpora dahapat da ohsi nohnong Go Krais orhe yahnap da hanip gur na dahatin hatin ohe yahnap da meng moh go Juda na hat pati bap ihirnong pot pisashenmur.

Korosi 1:23

Ihtin han bap hat patim nohe patnong ha apringwe dahat pat ohoh ihan gur ongeng tahat indin ohe dao. Got ohe danong hat sapti ohe dao ohri kom asar mandapri. Kasip hat orhorwi marin patenmur. Ihat ayahanoh nambutipra ohoh ihan kasip hat orhorwi paptenmur. Gurnong yah meng napotperhan amrama Orhor ama ihtin han erer oh napripra ma hapat daham ma minhan pati danong ohri wannong pranahat napisaprohe ohoh ihan imat pranahat napisaprarim kasip hat orhorwi marin paptim minhan patenmur. Ama yah meng oh ire among among gonsi pot pisapti ohe meng oh nohnonghe ama tap meng orhor pot pisashen han kis nahat napapatmur.