Ruk oh yah meng ma brak matip ohe meng oh 18:32 - Oksapmin

³² Inahatperhan ma dam timdipra oh mihat timdipramur. Nohnong Juda na hat pati han bap ire bes teinong nahatiprimur. Nahatperhan ihir tang nahayao dasei meng naporiyao tumbe gut nasariyao kaw boksi niyao naham nitiprimur. Nitperhan noh haputipramur.

Ruk oh yah meng ma brak matip ohe meng oh 18:32 ပူးပေါင်းရင်းမြစ်များ

Ruk oh yah meng ma brak matip ohe meng oh 23:11

Ruumsan matperhan Heroto ohe ami bapo ihir Jisas ohnong Gwe kasip timbas borop go por dasei mar tang asaringopari. Tang asara kakhan ire aripti watah yahnap dapsi tit dar popris ohnong dasei mar angopari. Aripti it Pairat ohe patnong darhengopari.

Aposer 3:13

Basra. Jisas orhe kasip ohsi yah deiyamur. Diradire awher Eprahamo Aisako Jekopo diradire Got oh ama orhe brer Jisas ohnong yahnap han mar winsi han matipmur. Winsi han mat patin gur ire bes teinong matirimur. Ire bes teinong matperhan Pairat oh Mama yah han moh na sutiprohemur. Mandatpera potporhan gur Nuhur gwe meng oh na amratiprohemur. Ha sutingwemur por ohnong kom atirimur.

Mak oh yah meng ma brak matip meng oh 14:65

Pita oh ap doho dah oh tongnot patin ap yawar hanat bok han ire duupteinap han ohe atamreipat kuu tit maras wandeingopri.

Matyu 26:67

Gipora rumkin tei tumbe gut asariyao bessi tingtung por suyao hangopari. Imtiperhan ti ihir kin moh apapti dak tan bes dingdong pora

Matyu 16:21

Gahan Jisas oh orhe sutin ohe meng oh duup mar napongop. Ma napotip oh Noh Jerusarem ap mutuhnong napison da nahahmur. Nahatporhan noh Jerusarem ap mutuhnong saporhan rotu ap wamat pati han pohono Got ohe ap yawar ohe hanat bok han ire duuptei hano sawa am hat pati hano ihir nohnong garnaham batbet sup ruumsan nahatiprimur. Nahama nitperhan haputipramur. Haputporhan yot dah timama bimrip oh Got orhor it da napamsapramur napongop.

Aposer 2:23

Ama han orhornong Got oh ihir ha sutingwe dahapat gure bes teinong matipmur. Gure bes teinong matporhan er hat sapti han bap ihirnong Gin gur irat bok sur garmar sutina potperhan ihir irat bok sur gar mar sutpamur.

Jon oh yah meng ma brak matip ohe meng oh 18:35

Potporhan Pairat oh Go nohnong Moh Juda nuranurkin daham ginaporpatda. Noh Juda gure ma pohon sawa mengnong oh noh na dahat patmur. Gorhorsi tap hano guragure Got ohe ap yawar hanat bok han ire duuptei hano irair nohe bes teinong nahayamur. Ihir gonong ma inahaya oh go kianhan er hatporhan inahaya ama potip oh.

Jon oh yah meng ma brak matip ohe meng oh 18:30

Por dahamtiporhan ihir Mama han moh na er hat sapat hanneng gwe patnong moh popriyanengda. Oh er hat sapat han ohoh ihan nuhur gwe patnong moh popriyamur pongopa.

Jon oh yah meng ma brak matip ohe meng oh 18:22

Potporhan dupsi han tit ohe duup ma pat han oh Go Got ohe ap yawar hanat bok han ire duupteinap han ohnong ohe meng ohwi amrat na patem gwe menghe porpatda por orhe daknong mandeh dong pongop.

Ruk oh yah meng ma brak matip ohe meng oh 23:35

Kuuhan ihir wamat patin hanat bok han ire duupteinap hat pat han ohe komiti hat pati han ihir Han moh hanip ihirnongra yah mat ma pisapatgwer han moh arpin Got ohe ihirnong amburin hanmur rim kis mat pat han Kraishan oh ihan gin orhornonghe sur per hamat sar wandas ha sonoh por dasei deingopari.

Ruk oh yah meng ma brak matip ohe meng oh 23:1

Jisas ohnong sutin ohe danongwi hama gonsi tandeima Jisas ohnong ambur gapman Pairat ohe patnong pisangopari.

Matyu 27:2

Deipti nang atpama gapman Pairat ohe patnong pisus ohe bes teinong deingopari.

Jon oh yah meng ma brak matip ohe meng oh 18:28

Gahan kimsidapat Juda ihir kutkutwi Kaiapas ohe aptei amdapat Rom ire duuptei gapman hat pat han Pairat ohe apnong Jisas ohnong pisongopa. Pisusa aptei oh Dir ongeng tahat pati dik moh apnong royahan den tarmur daptinong bisei matiprio rim kot tei oh angopa.

Mak oh yah meng ma brak matip meng oh 15:1

Kimsidapat mong kopen da hapatin Got orhe ap yawar nita han ire duuptei han ihiro han pohon ihiro kaunsir gonsi ihiro irair Jisas ohnong sutin meng oh tit meng boknongwi meng ama wanin matpa oh. Meng wanin deipti Jisas ohnong nang atpapti duuptei kamoheim Pairat ohe pat pisangopari.

Matyu 20:19

Napora Juda na hat pati han ire bes teinong nahatiprimur. Nahatperhan be tang nahayo kaw boksi niyao irat bok sur gar nahayao nahatperhan Hanip Brer noh haputipramur. Hapura yot dah timama bimrip oh Got orhor it da napamsapramur napongop.

Matyu 22:6

Kat han ihir iham kukutperhan kat ihiroh ihirnong nitnet pora sein suyao war suyao mata hangopri.

Ruk oh yah meng ma brak matip ohe meng oh 18:33

Hapur sein nitperhan bimrip oh da apris it masapramur pongopri.

Jon oh yah meng ma brak matip ohe meng oh 18:32

Ihir Nuhur hanip na supti han bapmur ma potpa oh er hapat han moh Rom ihir irat bok sur garmar ha sutingwe daham Juda ihir gipotpamur. Ma gipotpa oh Got oh Jisas ohe Noh ihat haputipramur ma ritip meng oh dam ha tarpatinoh rim Got oh Jisas ohnong imat sutinmur potin da oh ire mutuhnong matporhan ihir ama meng oh gipotpamur.